هااااام جدا للاعضااء ...غزل

korien كتب:

وانا راح اترك المنتدى لسبب شخصي

اكبر خساره للمنتدى

وانت من الاعضاء الرااائعين

اتمنى لاتستعجل الحكم والاسباب الشخصيه ممكن نشوف لها مخرج

الله يوفقك وننتظر عودتك

العفو خيا العفو وانتي كمان غالية عندي وانا بحترمك كتير وبعتبرك مسلي الاعلي كل مواضيع قرأتها بس مو الكل رديت عليها
صعب اتراجع لاني بدي سافر وكمل حياتي هنيك
ما بعرف ازا هنيك بينفع افتح المنتدى بحاول حاكيكم وانا والله الي خسرتكم مو انتو
على العموم انا كنت عم حاول ضيف شي على المنتدى بس للاسف ما طلع بئيدي الموضوع الي كنت بحاول اني ضيفو هو راديو فن
بس ما عرفت كيف ببئا ياخد الرابط بس مو هيك بدي بتمنى لو اي حدا يضيفو راح تكون شغلىة حلوة للمنتدى واي واحد بيدور على الراديو من برا بيلائي عنا بالمنتدى يعني شهرة للمنتدى واهم شي انكم انتو تستفيدو منو

وانا بتشكرك owaisremonda انت كتير حلو والصورة حلوة
بس ازا الولاد بيبئو يتعلمو الدخان ومن هم بهالسن اكيد بيطلعو زعران ههههههههههههههه
انا كتير بتشكرك انا الي خسرتكم والله فرصة سعيدة اني تعرفت على الكل وبكون اسعد لو بتبئو زي ما انتو ايد وحدة

انا مستحيل انساكم كلكم وانتي خصوصا مو لانك بنت بلدي لأ
كل الناس خير وبركة
ولكنا اولاد ادم وحوى
كلنا ولاد تسعة
الحمدلله طبعا
بس شفت فيكي شي ما شفتو ابل هيك انتي بنت محترمة
وانا بحترمك بكل معناة الكلمة انا بكرة الصبح مسافر
بتمنى لما ارجع لائيكم متل ما انتو
وربي يوفئكم ويخليكم لبعضكون
انا اليوم معكم وبكرة لأ
يعني كتير زعلان بس ما بئيدي شي
انا بشكر هالبلد
واهل البلد
انهم استقبلوني فيها
وبشكر ملكها والله يديمو فخر الكم والي
يارب
وبهني الكل بعيد الجلوس الملكي
وكل سنة والكل بخير
وزي ماوصيتك خيا غزل
ديري بالك على حالك
ولا تبئي عصبية انتي و وعد
وشوفي الشي بئلوبكم كلكم

korien كتب:

وانا بتشكرك owaisremonda انت كتير حلو والصورة حلوة
بس ازا الولاد بيبئو يتعلمو الدخان ومن هم بهالسن اكيد بيطلعو زعران ههههههههههههههه
انا كتير بتشكرك انا الي خسرتكم والله فرصة سعيدة اني تعرفت على الكل وبكون اسعد لو بتبئو زي ما انتو ايد وحدة

حبيبي اخوووي

ربي يحفظك بحلك وترحالك

وعيونك احلى من كل الصور

وان شااااء الله مارح يكون في خسران بينا

ورح تحاول توعدنا تطل علينا كل فتره على حسب وضعك وظرفك


وانا نيابه عن الاداره بشكرك على كل محاولاتك ومساهماتك لتطوير المنتدى


الله يحفظك لشبابك

غزل كتب:

انا اليوم بدي اطرح موضوع جديد الفريد من نوعه وان شاء الله ماحد يدايق من الموضوع
موضوعي بحكي عن ظاهره المجتمعات المنفتحه والمغلقه ايضا تعاني منها وبالشرع زي مابيحكو هي بالاساس حرااااااااااااااااااااااام
اول شي في الجامعات بالاردن لاني عايشت المجتمع الاردني لفتره من الزمن وخصوصا الجامعات
كل شب الو حبيبه وكل صبيه عندها حبيب وانا ممكن يكون في شخص بحبه وممكن انتي تكوني بتحبي ..مش هون المشكله هدا شي عادي
الي مش عادي انه واناااا اعتذر عن الكلام الذي سأقوله وبس لاحياء في الدين
بتشوف الصبيه بالجامعه ماشاء الله عنها متحجبه ولالبسه هالجلباب والمنديل ماشاء الله عنها كان بتحكي هاي ملتزمه ....تعالى بعد شوي بتلاقيها مع شب في مكان لايراهم فيه حدا والله يستر علينا وانا هدا الشي شفته بعيوني
بس انا مابقصد جميع المتحجبات بس هدي اساءه النا كوننا متحجبات ...
وكمان في اشياء لا استطيع قولها كونها مخجل جدااااااااا
يعني ...يستخفون من الناس ولا يستخفونه من الله ....
نيجي لمجتمع السعوديه طبعا لايوجد اختلاط بس في افضع من الي بصير بالاردن وانا اعتذر جدا عما اقوله
نفس الشي انا ارى كل يوم
بصراحه بلاوي الله يستر علينا يعني بعرف وحده علاقتي فيها قويه تعرفت على شب سعودي وحبته ومابعرف ازا حبها ولالأ المهم عرفت بوقت قريبه انها كانت لمن ينامو اهلها تدخله على البيت بالصالون و....والباقي معروف
يعني انا شو بستفيد من هدا كله ..
مش بس هيك قصص يااااااما
بس انا الي بدي اوصله انه ليش هيك بصير... انا بحب اوكي بس مش لازم اغضب ربي ...؟؟؟مش لازم هالحركات الي مالها داعي
لمن يصير بينا زواج هداك الوقت لكل حادثا حديث
يعني في بنات اساءا للحجاب ....في شباب اساءه للشباب الملتزم طيب ليش؟؟؟



انا حابه نحكي بهدالموضوع لانه بصراحه مهم جدا من راي ومابدي حدا يزعل يعني احنا ليش بنعمل المنتديات علشان نطرح هيك مواضيع
بس ماتحكو عني معقده لا هدا موضوع اخروي وماشاء الله اعضاءنا فيهم الخير وربي يشهد ثم انا اشهد
مابدي حدا يدايق من الموضوع رجااااااااااااااااااااء
راح اسمع اراءكم ...
شكرا .. غزل

اولا مشكوره غزل على هذا الطرح
ثانيا مقوله ان لا حياء في الدين هي مقوله خاطئه والاصح ان نقول لا حياء في الحق لان الدين كله حياء
ثالثا ليس من الشرط ان يكون لكل شب اوبنت حبيب او حبيبه فها نحن تخرجنا من الجامعات ولم نعمل علاقه خارج اطار الزماله والاحترام المتبادل (لكل قاعده شواذ)
رابعا اللباس لا ينم عما في داخل الانسان فقد يكون هذا اللباس ما هو الا ستار وهذا للاسف ما هو حاصل في مجتمعاتنا
خامسا التربيه البيتيه وتربية الشارع فالتبريه البيتيه هي الاساس فيجب على الاب والام توعية الاطفال لما يدور حولهم وغرس مبداء الصح والخطاء لدى الطفل وتثقيف الطفل دينيا وعقائديا
ليخرج بعدها لحياة الشارع وهذه العقائد مرسخه في فكره وقصدت بحياة الشارع المدرسه والجامعه بما بهم من أصدقاء واناس من جميع فئات المجتمع ولا ينتهي دور الاب والام في التربيه البيتيه بل يجب مراقبه تصرف الابن ومعرفة نوعية صداقاته للتمكن من تربيه الابن التربيه الحسنه (دعني اعرف من هم اصدقائك اقول لك من تكون) والمهم في ذلك كله ان يكون بين الوالدين والطفل عنصر الصراحه والنقاش المفتوح
وزبدة القول في النهايه(لا طاعة لمخلوق في معصية الخالق)
اسف لاطالتي في الرد على الموضوع
تقبلي تحياتي

يا بنت الاصل غزل كلام جميل اخ معتز .
مشاكل الحيات كلها الها حل واحد وشامل وجذري بالبشرية
تقوى الله وكتابه الحنيف وسنة رسوله اذا اردنا ان نتوصل للحلول ما لمشكلة مهما كبرت وصغرت الا ولها حل
اخوتي افهموني يمكن انا تعبيري خفيف واسلوبي غير مفهوم لكن اتمنى ان اوصل ما بداخلي لكم .
شاب نهاره طويل لم يترك فتاة الا ولطشها ولا شخص الا وسبه او شتمه يعمل ما يغضب وجه الله فيرجع الى بيته مسائا محملا بالذنوب والخطايا والحراااام فيجلس ويقول ويدعو الله اللهم ارزقني ياربي يسر لي امري يا ربي ليش هيك عم بيصير معي الخ
وفتاة تخرج متبرجة الى ابعد الحدود ولم تترك من المغريات شي لجذب اعين الناس وتعمل علاقات مع هذا وذاك وهنا وهناك ونصب وغيرها وضحك وتشليح وكذب وتعود لمنزلها مسائا فتلبس لباس الصلاة وتصلي وتقول يا ربي ابعثلي ابن الحلال يا رب اني ادعوك فاستجب لي وبعد شوي بدها تبكي من شدة خشوعها بالدعاء بس هيه ما عم تبكي من خشية الله لا لأ بتبكي انها ما رح توصل لشب حلو وامور على قولة البنات وعنده سياره وبيت ومعه مصاري وتصير تشوف حالها فيه على الناس هاد يلي بيبكيها
على العموم : اسمعوا ( من يتق الله يجعل له مخرجا ) , ( ادعوني استجب لكم ) , ( من يتوكل على الله فالله حسبه) . ( ان الله مع المؤمنين ) , ( رسول الله شفيعنا) , الله غفور رحيم ) والكثيرررر الكثيييييييير .
يا هل ترا رب العالمين رح يسمع او بياخد بايد هيك ناس ما كتبته بين الاقواس ابواب لنا لمبتغانا لكن يلي بدو يدعو ربه بدو يكون صادق وتائب من داخله ويلي بدها تصلي بدها تبعد عن التخبيص ويلي بدو يتوكل على رب العالمين بدو يكون من داخله من جواته بكل قلبه مسلم امره لله انا ادعو ربي يرزقني مشان اصير اروح اسهر بالملاهي الليلية بتمنى يكون عندي سياره مشان اهمل فلانه من الناس بتتمنى وبتدعو الزواج مشان تصير ببيت جوزها وبحريتها المطلقة وغيرها شغلات كتييييير وخصوصا انو المظاهر صارت اهم شي بحياتنا .
فنحنا ما رح نقدر نقنع الشب او البنت انو يبعدوا هن هالشغلات يلي ذكرتيها يا غزل بالكلام ولا رح نقدر ندعوهم لمخافة رب العالمين لانه اصلا ايمانهم ضعيف واراء مجتمعنا اختلفت في ناس بيقولو ما بيصير تتجوز وحده كنت تحكي معها وانا شخصيا بعرف اكتر من ثلاث حالات بنت وشب كان بينهم علاقة جنسية واتزوجو وصار معهم اولاد وحياتهم حلوة بس علاقتهم ما قبل الزواج كانت نابعة من حب صادق وكانت هالعلاقة ترجمه لحبهم بس بالنهاية وصلوا للصح الموضوع ما بيوقف على بنت طلعت مع شب على شقته الموضوع البنت مع كم شب بتتطلع والشب كم بنت بيعرف والله هون المشكلة بتعرفوا بنظري لو الشب او البنت يكون عندون علاقة وحده بس وهالناس مقتنعه بهالشي اكيد كل علاقة نهايتها الزواج بس للاسف ما عم نعرف نحكي بمنظور اجتماعي ولا ديني او حتى قانوني فالتضارب قائم بينهم والتناقض موجود
فبالتالي ما رح نوصل لنتيجة
والحمد لله الاردن ما في كتر هالتخبيص الموجود عند غيروا حتى ان وجد بيكون ضمن الحدود الشب بيتستر على يلي عمله والنت بتكون بسريه تامه وهالشي مهم يعني بيغلط بس بعقلانية ولا تنسو يا جماعه قول رسول الله (ص) سياتي يوم على امتي الماسك على دينه كالماسك على جمرة من نار .
جد في دوافع كبيره كتيييير وعديدة بتدفع الشباب والصبايا ليعملوا هالشي حتى المتزوجين من رجال ونساء والسبب كلو حكيتلكون البعد عن الدين في كتيير متزوجين مانون مكتفيين من بعض كمان سبب هالشي البعد عن الدين وشباب وصبايا من كتر ما بيشوفوا بيرغبو بهالشي من مواقع ومقاطع وموايلا اووووووووه الى اخره شو بتك تعد لتعد
انا اسف للاطاله بس بعض المواضيع بتوجعلي قلبي وما في انسان بيعمل شي الى يكون في دافه مهما كان الامر صدقوني

كل انسان بيقدم على اي عمل بيكون في دافع دفعه على هالشي وغصب عنه

اخت غزل العلاقات الجنسية هالايام صارت تحصيل حاصل من سابع المستحيلات القضاء عليها بس بنتمنى تكون ضمن الحدود بدون فضايح بدون استغلال وبدون توسيع بالمعارف هالشي مخالف للشرع من اصله بس شي ارجى من شي الي بيعرفله وحدة او يلي بتعرفلها واحد تضل معه لحاله او يضل معها لحالها وبدون ما يضروا بعض وبدون ما يستغلوا او يفضحوا بعض انا اسف عارف كلامي خطأ بس يلي ما بيجي معك تعال معه بتخف المشاكل

في بعض الشباب بيفتخروا انون عم بيخبصو مع وحده وبيصيروا يحكوا على اساس شي منيح وهالشي بيضر البنت
وفي بنات هالشي غايه لمكاسب مادية او غيرهاوهيك بتسيطر على السب وكمان بتضره

حياة بدها تمشي
اللهم ربي اغننا بحلالك عن حرامك يا رب