في عز نومي صحيت وشفت في
عيني**** دمعاً تهادى على جفني وانا غاافي
سترت دمعي بكمي قبل يغريني *****واخذت هذا الجسد من باقي لحاافي
وسريت تايه ورى خطوات رجليني****لا الوجه وجهي ولا اوصاافي هي اوصافي
امشي واقول لطريقي لا توديني****لعيون ناس(ن)تبي تدري وش الخااافي
مااا ودي الناس تدري وش يبكيني****كرامة النفس ورث ابوي واسلافي
امشي واحس الخناجر في شرايني***والبرد يمشي وراي وينهش اطرافي
إلين ما اوحيت لي صوتاً يناديني***صوتاً اعرفه مثل ما اجهل وش اخلافي
ولمحت زولك من اقصى الدرب لافيني***مدري وش اقول ؟ لكن حي هالافي
تعال شف غيبتك كيف اثرت فيني***تعال شفني وانا اغرق عقب مجدافي
تعال وشفيك خايف؟انت ناسيني***قطعت صوتي عليك وطال ميقافي
حتى بديت اشعر ان الحب معميني***وان انت حلم عثى فيني وانا غاافي
لكن امانه ترا اللي فيني مكفيني***ان رحت منك كذا !! ما رحت متعافي
رح في طريقك ولكن قبل تجفيني***في خاطري لك كلمتين ان قلتها كاافي
امانة الله عليك ان غبت عن عيني***لايصير قلبك مثل قلب الزمن جافي
مع كل دمعه تذكر رعشة ايديني*** ومع كل ضحكه تذكر قلبي الواافي
موضوع: لا يصير قلبك علي قاااسي؟؟؟ 
7/6/2010, 17:51
