غريبه يا ليل الهوى ما سمعت لك نوح
ولا ليل المربعانيه يصيح صياح
حتى الشوارع صوتها صوت الجروح
ونين ناس اكلها وشربها جراح
ما شفت في هالشوارع ولا طرف روح
شمسها غابت وما لقى مصباح
فيها من اوراق الخريف ما يجي ويروح
نقط وتبعثرت مثل الرعيه بالمراح
غريبه ما دق بابي زاير يبوح
غير الهموم اللي تمتلك للباب مفتاح
ماهي بمستاذنه من كل صوب تلوح
مخاويتني ما تودعني بليل ولا باصباح
وش ذنبي دامها تمتلكني خافق مذبوح
وش ذنب ناس سامعه صوت الانواح
همها فيني يجتاحني سيل مسموح
يصب في بحر حزن يغرق كل سواح
غريبه كل قبر صاحبه حوله يسوح
شتاي ذنوب ناس ارتجيلهم بالاصفاح
لا شافني ميت حيا وخطاه مدموح
والا ينتفض من تربته الكفن عنه انزاح
ما غيري احد ذنوبه من تحت رجله تسوح
ولا غيري احد صاحبه تحت جمرها طاح
ليتهم لو سكرو الدرب ما جيت مطروح
وليتني في مكاني قابل بزود الارماح
غريبه كل حلم بمنامي ما يجي بمزوح
كن في راسي سحاب ماله رواح
وش فايده اسهر وما اشوف حولي بوضوح
وش فايدة نومي وحلمي عصفته الرياح
ما هي بغريبه طعوني بن همها يفوح
ولا هي بغريبه اعيش بدون افراح
اخبر اني كتبت الغياب اشتياق الروح
دامني غبت وما اشتاقلي غير بعض الجراح
بشيد جروحي مدينه وتذكار وصروح
ظن مني هم شعري اجبرني عالافصاح
ابنقش على الرجم وبكتب على اللوح
جرح المحاني اعظم من قتل الارواح
موضوع: غريبه 
6/6/2010, 22:09
