غدر الصديق

شعر على غدر الصديق

ارجو ان ينال رضاكم


انا ندمان اني بيوم حبيتك

وبنص كلي يا وسفه اكلك اني خليتك
انا ندمان اني يوم حاجيتك

وكلشي طلبت ما قصرت انطيتك

ما معروف انت ومالك بدنياك

اي تاثير اني بايدي سويتك

عودك رطب كان وسهل ايكسروه

وارويتك بايدي وحيل شديتك

سويتك جبل لا ما تهزه الريح

وفوك الفوك يوم بيوم عليتك
من شفتك فقير ومنكسر تعبان

مديت اليك ايدي وحيل وديتك

ما حسبت انته بداخلك ثعبان

تلدغني بخفاء وغفل تاليتك

حسبتك اخو تنفعني يوم الضيج

ما تطلع نذل غدار تاليتك

من دارت علي دنياي جيت عليك

شفتني تقربت سديت باب البيت
مو صو جك ابد صوجي اني سويتك

قسمت اني قسم واني اللي سويتك

بنفس الايد هذا اليوم هديتك

واذا عندي اخو صدكني انا ناسيه

ومن ذاكرتي هذا اليوم انه محيتك

حساف على الربا تنساه يا بذات

تجازيني بغدر وبطيب جازيتك

[ندعوك للتسجيل في المنتدى أو التعريف بنفسك لمعاينة هذه الصورة]