راتبه الشهري 200 دينار وبصرف 700 كيف بعرفش متابع خطوط الموضة خط خط، واللوك الخارجي قبل كل اشي
فطور يوم الجمعة فول، حمص وفلافل. والغدا يامقلوبة يا منسف يا مسخن
نص السيارات بالطريق بسوقها بنات اللي بربح جوائز البنوك دايما واحد منتف، منين عندو رصيد أبعرفش
دايما فاضحيين الفقراء المستورين على التلفزيون، قال بدهم يمدوا يد المساعدة
كل أب عندوا ثلاث في الجامعات واحد في أبعد جامعة حكومية واثنين في خاصة
فاتورة الكهربا ثلت أرباع قيمتها مالوش دخل في الكهربا
تسعين يوم بالصيف بتقضيها في الأعراس والفاردات
لازم تعمل رحله لو مره في السنة يا لوادي شعيب يا لدبين وباقي الرحل المحلية للحدايق
كل عيله فيها واحد أو اكثر مغترب يا في الخليج يا في أمريكا وكندا
مافي مدرسه بنات إلا حوليها ألف شب، واحد سايق زعرة اكزوزتها مخزوق وسيستم تبع صالة أفراح
كل مواطن معو خطين موبايل، فاست لينك أساسي والتاني( لبعد الساعة 11 ( ما بعرف ليش بس أكيد بيكون خط أمنية عشان يحكي وهو مرتاح ولا واحد فيه رصيد لأنو الرصيد بينحكى فيه دفعه وحده
مذيعيين التلفزيون بتشوفهم من أول ما تنخلق لحد ما تموت ٍ
إذا انسئلت عن اسم فنان أردني بتزكرش الا عمر العبدللات
مشجعين القدم يا وحدات يا فيصلي
( هههههههههه)
التسوق الشهري لازم من المؤسسة المدنية أو العسكرية
سهرات الصيف كلها على البرنده اللي على الشارع
كل الدنيا بتحسدنا على عدد عطلنا عشان هيك شطبوا نصهم!!!
هههههه شوف نيوتن من عمامي بس بالمقابل فهد بلان من اخوالي يعني الناتج واحد قعد تحت التفاحة وطلع بقانون فيزيائي والثاني قعد تحت التفاحة سنة وشهرين بس بالاخير طلع باغنية هلا فيك
موضوع: مميزات المواطن الاردني 
17/5/2010, 06:27
