حــزن الـقـصـيـد

أنا ماقدر أتحمل أكثر يكفيني ألم وجروح
فيني اللي يغرق ديرة وفيني اللي يبكيه ا
تعبت أتصنع الفرحة وأبتسم بصوت مبحوح
ولا أملك غير دمعه تواسيني وأواسيها
مالي بين البشر حظ وكلي قهر مفضوح
وأدعي عسى ربي أحزاني بهالليلة يواريها
مادري وش أسوي بدنيا عذبت قلبٍ جموح
مادري كيف أداوي جروحي ولا كيف أجافيها
فيني حزن دولة وأشابه بالضياع طفلٍٍ ينوح
يدور على اللي يمسح دمعة خدوده ويرضيها
آه يازماني ياللي مابك غير الآه والنوح
آه قلتها الحين وكل لحظة أرددها وأناجيها
يمكن صوت الآه يخفف لوعة القلب والروح
ويمكن الصدى بداخلي يمحي قسـوة معانيها
وأنا أدري بعد الآه بتتهدم صروح وصروح
وتتفجر براكيني ولا اعرف كيف اهديها
وترى الأمر واضح ولا يحتاج تفسير وشروح
الضيق تغلب بصدري ولا أدري وش تاليها
أنا ياربي جيت لك خاضع ٍ ودي أبوح
جيت أطلب منك تخفف طعوني وتشفيها
جيتك وكلي رجى ياربنا يا خالق الروح
تمسح ذنوب عبدٍ غرته دنياه بحلو ما فيها

تسلمي يا ريد روزي

مشكوورة والله يبعد عنك كل شي