أرض الـمـديـنـة

حسبي على الوقت لا صار غـدار
كم يصنع بين الحنايا شتات حزينة
حسبي عليه لا خان عهدي وجار
واخلف الوعد مـا بينـي وبينـه
ياما اقول بتعض من سوايا الاقدار
ولكني اطيح بين امواجه رهينـة
حسبي عليه أتعبني بكثر الافكـار
وشتت بقايا روح بأرض المدينـة
ماترك غير حزن ودمعات وانهار
وعيون تبكي الوداع مـن حينـه
الله يصبر حال قلب بالحيل منهار
والله يخفف من احزانـه الدفينـه
والله يرحم أيام أصبحـت تذكـار
كل ما يمر طاريهـا تهـل عينـه
يبكي ولا يدري وش الذي صـار
يبكـي ويطلـب مـن الله يعينـه
ويرجع يناظر صورته وسط الجدار
وترجع دموع عينه تنزف أنينـه
أصبح شبيـه الميـت بالإنكسـار
ونزف قلبه مـا يفـارق سنينـه
الله يرحم أيامه ويرحـم المنهـار
ويسعد الأحوال بـأرض المدينـة

لا شكر على واجب يا قلبي

نووورت الموضوع