من لاجمع راسك وراسه على طول

اقبلـت ياوجـه الغـلا..... حــي هـالـزول
زولٍ تغـيـب عـبــاد ربـــي لـيــا غـــاب
تطلـع طلـوع سهيـل مـن حـول لا حـول
وتشّخص لك عيون...وتلافت لك ارقاب
ومن يـوم جيـت الله وكيلـك علـى طـول
سلامك عتاب !!! وسواليفـك عتـاب !!!
طـوّل علـي بالـك عسـى عمـرك يـطـول
مـاكـل مـوقـف تنـشـرح فـيـه الأسـبـاب
عطـنـي يديـنـك وانـثـر اللـيـل مـجـدول
خلّـه يطيـر اسـراب ...ويـعـوّد اســراب
وأضحـك وفـرّق جمرتينـك علـن اللـول
بافتـح لـك سموعـي قبـل ماافتـح البـاب
خمـر الكـلام اللـي مـن شـفـاك معـسـول
ابـيـه يــدرج فــي عـروقــي ويـنـسـاب
سوالـفـك فيـهـا مــن الـسـحـر مـفـعـول
تأثيـرهـا عـلـى الـجـوارح والأعـصـاب
بـأمـلا عيـونـي مــن تـهـايـاك واقـــول
يـاوجـه صـبـحٍ لـبّــس الـلـيـل جـلـبـاب
عـذر القصيـد اليـا قصـر عنـك مقـبـول
اوصافك أكبر من مـدى شعـر واعجـاب
عـــودك مـعــزّل ومتـنـهّـض ومـفـتـول
الـيـا تـعـدّل رمـــح والـيــا انـثـنـى داب
ومعـنّـقـك فـــارع وزامــــي ومـنـتــول
وصـدرك جـمـع مـالـذ كـلّـه ومــا طــاب
وسـودك طلايـع قـوم وسيـوف وخيـول
خيّالـهـا يــارد عـلـى الـمــوت مـاهــاب
ايّووووه من صحوة هدبها ويحّـوووول
وان سلهمت ( هذا بلا ابـوك ياعقـاب )
قـريــب لـكـنّـك بـعـيــدٍ عــــن الــنــول
واحــر كـبــدي حـــرّة الـظــن لاخـــاب
مـاكــل مـجــدٍ يـبـلـغ الـمــرء مـعـقــول
اللي ماجاب حصان أبو زيـد وش جـاب
مـن لاجمـع راسـك براسـه علـى طــول
أحـسـن يقـضّـي تـالـي العـمـر عـــزّاب

تسلم يا اسمر

بس انت الابداع كله وحياتك