.. يا ظالم ..

أسافر مع خيالي ، واملي كفوفي صبر وعزوم
واحسّ انّ الليال المقبلات تمدّ لي يدْها




وتضيق النفس باحلامٍ تنسّيني لذيذ النوم
يقرّبها التفاؤل.. والظروف السود تبعدها




واقول: "اليوم بتزين" ويمرّ اليوم تلو اليوم
لكن اهل العوايد ما تخلّى عن عوايدها




يا ظالم لو ضحك وقتك لا تامن ثورة المظلوم
مدامك رافع الدعوى وقاضيها وشاهدها




يجيلك يوم تتحسّر على بنيانك المهدوم
وتحصد ما زرعت.. ومن زرع الالام يحصدها




ألومك؟ كيف الومك وانت ما تحسب حساب اللوم
بلوم العالم اللي ما جداها الا توجّدها




لكن اصبر تجي غير العلوم الاوّلات .. علوم
ولا منها استشاطت نار.. يسلم راس موقدها




حلال القوم تاخذه العرب لولا سيوف القوم
ولا تِحشم لحا عقالها لولا مقرّدها

تسلم يا قلبي نوورت الموضوع