بخاويك

يامتجه يم البقيله بخاويك

الوضع ماهو مثل ما نته تخبره

واليا وصلنا عندها انا باوريك

اشكال وانواع الهنا والمسره

ياماسح الدمعه على خد هاويك

هون على المحبوب واصحى تضره

تبكي غيابه هو يمك ويبكيك

يكفيك شر الحب ويكفيه شره

ما تدري انه في منامه يناديك

يا جرحي اللي ذقت حلوه ومره

وان كنت ما تدري ترى الجرح ينبيك

عن ما حصل في كل مره ومره

مره عن عيون الخلايق يداريك

ومره يعاني غيبتك ويتشره

مره يحطك في عيونه ويقريك

ومره بيبني لك فقلبه مجره

مره يتحرى جيتك في حراويك

فالساعه اللي كنت فيها تمره

واخر كلامي لاتغير مباديك

وحبيب قلبك لاتفكر تضره

الله يسلمك يا احلى من القلب والله


وانت كلامك احلى والله