الفرق بين الطفل الأردني والطفل الغربي

الطفل الغربي:

بصحى الصبح مفتح ومنعنش على المنبه الله وكيلكم، وبروح بغسل وجه وبرفشي اسنانه
بصبح على ماما وبابا، وبفطر كورنفلكس وشوية مربى مع زبدة على خبزة توست مع كاسة عصير برتقال أو جريبفروت. بروح يغسل تمه بحمل شنطته وبروح على السيارة وبكون أبوه قاعد بستنى فيه. طبعا نسيت بوسة الام الحانية

الطفل الاردني:

طبعا بصحاش ، الا ما يمرو عليه العائلة الكريمة :
أمه : قوم الله لا يقيمك
أبوه: ولك قوم يا تنبل
أخوه الكبير' مش مصدق على الله ' بروح مرفش أو دابك على بطنه

بقوم لابس ومش مغسل وجه والقذا على عنيه و ' خاف عقله ' وبروح على يفطر زيت وزعتر وشقفة هالجبنة مع كاسة شاي وبروح لاقف اخوه بعلبة الهندسة ، قال ليش سمعة مبعد الزيت عنه، وبتلاقي أبوه راح سالخه مخمس معلم على وجه تقول وحمة وركاظ بروح راكب بالسيارة مع ابوه ، وعاد أبوه ما بتشتغل السيارة معه، وراحت عليه فلقة ع الطابور الصباحي

الطفل الاجنبي:

بروح من المدرسة متل ماطلع عليها ، برجع ببوس امه ، بغسل وجه أو بتحمم ، بتغدا شريحة اسكلوب أو كوردوبلو ، وبقعد يتفرج على قناة ديسكفري ولا قناة أطفال أجنبيه، بتنادي عليه امه عشان يشربو الشاي مع العيلة، طبعا ما تنسو الحلويات ، بعديها بروح يدرس ويحضر دروسه لبكره.

الطفل الاردني:

بروح البيك ، بطنلونه ممزوع ، ومنيح إذا هذاك اليوم ما شرط بوطو، برمي الكتب ع السريع
وبروح يلعب طابة أو فطبول مع أولاد الحارة اللي بستنو فيه على نار، ولا الجو بره حررر في نص شهر 8 ، وخذلك لعب وصياح وهوشة ع الجول، طبعا أبوه بكون مودي كتيبة من اخوانه يدورو عليه، وبورحو جايبنه مثل المعتقلين وبصير يبكي انه اخوانه ضربوه بنص الحارة وعاد أبو ببلش قتل فيه وبإخوانه ' من دون سبب ' . برجع بتغدا يا مقلوبة يا منسف و مباشرة مروح متمدد وفاتح تمه ساعة زمن على امل انه حد يوخذه يغسلو ايده بعديها بروح نايم للساعة 7-8 بحضر سبيس تون وبرض يرجع عالحارة.

الطفل الغربي:

بس يخلص دروسه ، برجع يقعد مع أهله شوي، بفتحله كتاب أو بقرأله روايه.... بعدين بروح متعشي سندويشة جبنة مع خبزة فينو وكاسة حليب . بقعد ع النت ساعة زمن بالكثير. بتمر عليه امه وبتحكيله انه الساعة صارت عشرة ولاز م ينام ، عاد هو بكشر وبحكيلبها مامي كمان شوي ، امه بتحكيله بس : لأ . بروح نايم ع السرير وبتطيب خاطرة وبتحكيله قصة علاء الدين. 10 دقايق ولا هو غافي.

الطفل الاردني:

برجع يلعب بالحارة ، طبعا هو واصحابه بكونو ما خلو حدن من شرهم ، وخودلك على تكسير قزاز ولمبات وفوانيس ، تنفيس عجال السيارات ، سرقة بسكليتات أولاد الحارة، اشتراك في مشجارة جماعية ، وعاد ما برجع ع الدار الا بس تكون الشرطة بتدور عليه . وإذا كان الوضع سليم برجع ع البيت الساعة 12، وما بدخل من الباب 'عشان أبوه ' بروح ناطط من السور، وداخل على غرفته من الشباك. بروح يتعشى لقمة هالفلافل مع حمص ' كالعادة' ، وبتقوم القيامة ، إنه يروح ينام أبدا ..... شلاليط من ابوه ، كفوف من أمه ، وأخوانه من وراه قاعدين بظحكو عليه . بروح يتظاهر بالنوم ، ساعة زمن ، برجع بقعد ع الكمبيوتر وبلعب نيد فور سبيد 1 وان كثرت 2 ، وييييييييييييين تا ينام للساعة 3..

ههههههههه
روعة والفرق واضح والاحداث واقعية
يسلمو ايدين احلا وردة واحلا اميرة بالمنتدى

هلا حبيبتي نورتي صفحتي والله
غالية واغلى من الروح

نورتي موضوعي مجد وصباحك عسل

زائر

ههههههههههههههههه فرق كبير جدا بين طفل الاردني وطفل الغربي ........

بس اعطيكو معلومة الطفل الاردني محمي من الامراض والتسمم

الطفل الغربي وبس تمر من جنبه الرشحه بقعد اسبوع بالمستشفى

وبالفعل الحمدلله

مربى على الخشونة الطفل الاردني
ههههههههههه
صباحك ورد طارق

زائر

هههههههه

انشالله ع طوول هالضحكة يا قلبي

وصباحك فل وعسل والورد الجوري

لاحلى صباح....

هههههههههههههه

مو بس الطفل الاردني اغلب الاطفال العرب كذا

بس مع هذا اطفالنا رجال في النخوه والغيره والانتماء ..

يسلمووووو ياورده على الفروقات المخيفه ههههههه

ربي يسعدك يااميره

tareq كتب:: هههههههه

انشالله ع طوول هالضحكة يا قلبي

وصباحك فل وعسل والورد الجوري

لاحلى صباح....

وبتمنى تضل ايامك كلها سعادة وفرح
واحلى صباح بالعالم

زائر

اذا بدك ايامي تضل بخير وفرح وسعادة

اذا انتي بتضلي معي

اكيد رح ضل هيك طووول حياتي يا احلى من قلبي

owaisremonda كتب:: هههههههههههههه

مو بس الطفل الاردني اغلب الاطفال العرب كذا

بس مع هذا اطفالنا رجال في النخوه والغيره والانتماء ..

يسلمووووو ياورده على الفروقات المخيفه ههههههه

ربي يسعدك يااميره

اكيد يا اويس
ويسلمو على المرور الرائع والمميز والي احلى من العسل
ويسعدك يا امير

زائر

ريد روزي ليش انا عندي موضوع الهداية مقفل

يعني بدخل عليه بس ما في انه اكتب رد ليش يعني ؟

اه ياعمي كيف لكان بده يصير زلمه

لعاد يطلع طنط متل الاجانب دزه بقع

خليه خشن عشان يصير زلمه

مشكووووره بنت العم

طنط هذه عرفتها من قاموس ليمار

في كلمات عندكم رهيبه ههههههههههه

والحمد الله مابعرف ولا طنط من مجتمعي

tareq كتب:: ريد روزي ليش انا عندي موضوع الهداية مقفل

يعني بدخل عليه بس ما في انه اكتب رد ليش يعني ؟

ما فهمت شو موضوع الهداية بس بكون مقفل اكيد بكون مكرر او مخالف

عدي الزعبي كتب:: اه ياعمي كيف لكان بده يصير زلمه

لعاد يطلع طنط متل الاجانب دزه بقع

خليه خشن عشان يصير زلمه

مشكووووره بنت العم

هههههههههههه ضحكتني يا ابن عمي
وين الخشونة عنا واصلا عنا صاروا طنطات

owaisremonda كتب:: طنط هذه عرفتها من قاموس ليمار

في كلمات عندكم رهيبه ههههههههههه

والحمد الله مابعرف ولا طنط من مجتمعي

ههههههههههههه هيك مصطلحات اردنية يا اويس
ويسلمو على مرورك الرائع

دووووم الضحك يااارب

" ايش " الواحد بده اكثر من هيك

يدخل المنتدى ويشوف اميرته مبتسمه ومبسوطه

اها صادقين هذووول ولاد الاردن بدهم اماتهم تصيحمه وتبوش ايدهم على علاشن يروحوا يجيبوووا فطووور وبدهم امهم تقريهم وتحصرلهم واجباتهم
ما ضلش غي تقرا عنهم
ولا لا

بدهم خبز مخبوز ومي بالكوز
كلامك صحيح

اهااه واله اذا قالوا لامهم بدنا لبن العصفووووور بتلاقي الامهات بدورنلهم
والله
قال بدل ما الولد يدور على راحه ابوه وامه
صار العكس

ما هو حسب التربية يا نوارة

والله فرق كبير
بس يا ترى شو سبب الفرق ؟

بس والله اطفالنا رائعين ويجننو

remxx كتب:: والله فرق كبير
بس يا ترى شو سبب الفرق ؟

اكيد بترجع للتربية يا رائد وما بدها نقاش

alprince_mgh كتب:: بس والله اطفالنا رائعين ويجننو

انت الرائع والي بجنن يا برنس

زائر

يعني انا بدي اهديك هدية فنجان قهوة قلب حب

بس ما في شي لحتى اكتب رد

وانتي بتقولي مو فاهمة اشي

احلى هدية يا طارق وكل شي منك مثل العسل

زائر

تسلمي يا ريد روزي وانتي الاحلى

الله يسعدك يا رب وعن عيني ما يبعدك

زائر

ويسعدك كمان يا رب

ههههههه
جد الفرق واضح بين الطفل الاردني والطفل الغربي
يسلمووو حبيبتي

هههههههههههههههههههههههههههههه\
يعني وعد ظلمناهم شوي كمان
هيك بدهم

تسلمي يا اميرتنا الرائعه
صباح ورد وياسمين

نهال يسلمو على مرورك الرائع والحلو

ميدو دايما منور مواضيعي وتسلم يا غالي

البرنس والله احلى واجمل صباح وصباحك ورد ونرجس