تعال اقرا ملامح هم ،، و أحزان .. و قهر و عتاب
تعال اسكن بحر عيني ... ناسيها ضمة الأهداب
تناديني و أجي كلي ،، تبي نرجع أهل و أحباب
و جيتك أركض بلهفة ... مشتاقة لهمسك الجذاب
و صدتني ملامح طيش ،، عايشها طفلك الكذاب
تمر بكبرياء و صمت ... تروح و خاطري ما طاب
و ترجع على ذيك الحكاية ... ألووووه و قفة ٍ عالباب
تجرحني و تبيني أهتم !! و أنت كلك غلا و إعجاب
حاولت أجمع لك معاذير ،، و أحط لزلتك أسباب
لقيت الحب ماليها .. و شوق ٍ بالنظر غلاب
و حزن ٍ يرسم البسمه على ثغر ٍ جفاه الزاد و الأطياب
بربك ما تعبك البعد ؟؟ تعجبك عيشة الأغراب
أدري تملكك الحزن ،، و أدري الفرح ما ينساب
و أدري ذبحك البرد !! و صدرك من حنانه ذاب
و أدري الحب ما يكفيك .. حتى لو راسك شاب
و لكن أسمعه نبضي .. أنا فاقد حنان و جيت لك طلاب
و أبي منك الغلا كله ، و أبي منك سند و أصحاب
و أبيك تكون لأيامي .. حروف ٍ ما كتبها كتاب
بس قلبي .. إلا قلبي .. تراني لعاشقه وهاب
موضوع: ألا قلبي 
2/5/2010, 23:29
