فهم من خلالها ان عليه ان يسكت لكنه لم يبتعد بل ظل ينتظر الجواب حتى سمعها تتكلم مع احدى صديقاتها عن طول الطريق بين عرابه وجنين
(طبعا عرابه اسم قرية من قرى جنين) وعن الجيب الذي اوقفهم للتفتيش وانها تتمنى لو ان الجامعه اقرب او الطريق اقصر راح الهبيله يفكر في حل هذه المشاكل التي تشغل بال الناس فاقتعد الرصيف ووضع يديه خلف ظهره ونادى على بائع القهوة وقال هل تريد معرفة حظك بعد 20 سنه؟
ساخبرك ماسيحدث في عام 2030فبدأ الكلام:
الهبيله:اه لو تعرف شو رح اتشم بس اتفوت على جنين؟
بائع القهوه: شو رح اشم نسكافيه!
الهبيلة:لا ....يا حمار رح اتشم ريحة الفل واليسامين الي زرعته البلديه في الشوارع..ولا لو اتشوف الشوارع الي في امريكا كلها مافي بنظافتها والناس كلهم رح ينبسطوا ولا رح يضل حدا فقير بجنين
بائع القهوه: ليش رح تشتي على الناس مصاري؟
اجاب الهبيله وعينيه تبحلق بالسماء:
لا يا شاطر رح يبنوا مدينة صناعيه في الجلمه
(0الجلمه منطقه تفصلنا عن عرب الداخل الي هم عرب اسرائيل) ويشغلوا فيها الف واحد او الفين لسه مش محددين العدد انا بتوقع يكون العدد كبير لانه مش رح يضل عاطل عن العمل في هاي البلد.
بستهزاء قال بائع القهوه: شو بتخرف يا هبيله
رد الهبيله: والاشو كمان الجامعه الامريكيه بتفتح فرع الها بعرابه عشان الحلوة ام عيون زرق ما تتاخر
القهوجي: اه اذا عشان الحلوة ومالو الف جامعه
الهبيله :بتشارط من كيس شبس لكيس شبس بس مش ابو النص ابو الشيكل ونص
انو رح يجي ناس من حيفا ويافا والخليل كل يوم يشتروا من عند ابو محمد عشان مايضل ايسب على الوضع
القهوجي متأفف: اف خلاص انا بدي اروح ابيع قهوة على الله بروح معي كم نوع خضرة احسن ما المرا تفضحنا
الهبيله:لاء خليك انا بشتري القهوه معي شيكل ونص بس اخلص حكي وبعدين روح بيع
القهوجي: طيب بس لاتطول في السيرة بسرعه احكي اكلت راسي
الهبيله : انت عارف انو خالي اخو امي يعني بتعرفو ابو سن مكسور الي شعره ابيض رح يصير معاه هوية زينا ويجي هون عشان امي اتبطل اتقول مشتاقه لاخوي
والسوريين والمصريين واللبنايين رح يجوا عندا في الاجازة وروبي وهيفا وهبي را يجو يغنوا بعرس اخوي محمد لانه بدو وحده احلى من المتزوجها
وانا رح ارشح حالي للبرلمان شو هالوزير الكندرجي احسن مني يعني مافشر
واشتري سيارة نفس اللي مع الوزير ورح يصير ابو محمد يترجاني اركبه بس بدي اكون احسن منو واركبو معي اه عشان افوت على الجنه
القهوجي: انت اتصير بالبرلمان مرو وحده ليش الناس مهابيل زيك يا رجال
الهبيله:لسه كم سنه جاي قول 2030 الطرق كلها بتفتح
وانا رح اصير كل يوم جمعه من الصبح اروح على غزة اصيد سمك وارجع عشان تطبخهم امي على الغدا
القهوجي: حوت يبلعك على غزة الله اكبر
الهبيله:وعند العصر بطلع على عكا وبلعب على سورها وبقول انو سورها اعلى من سور البلديه عنا وفي وقت العشا بروح عند عمتي سلمى في الجليل لانه عندها بسس باخد وحده بدل الي ماتت وبركض على جنين احسن ما امي اتسكر الباب سيعتها لازم اروح انام عن دار سيدي في بسيان
القهوجي :اسكت يا رجال بلا ما حدا يسمعك بعديها بحبسوك بعوفر ولا النقب
(عوفر والنفب سجون اسرائليه)
الهبيله:لاء خلاص بحط ئيدي على تمي وبخليش تمي يحكي وهيك مابحسبني بس انا بدي اشارك بحفل جماعي للعرسان كل الشابا الي مثلي عمرهم فوق الاربعين وماتزوجوا علشان ما معهم مصاري بدنا نتزوج على حساب الحكومه في رام الله وناخذ بيت ببلاش على حساب الحكومه اللي بغزة ونعمل نفق من هون الايران نجيب سجاد
القهوجي ك ولك وطي صوتك الله ياخدك وحل عني قال شغل جيزي وبيت ونظافه وجامعه وباب الدار روح ما كذب الي قال عنك هبيله
الهبيله: زعل وهز راسو وقال للقهوجي شو عاجبك بالوضع؟؟ جنين هاي مافيها اشي يسر كل الناس بستنوا بعام 2030 ليش شو بدو يصير؟؟ زرعنا لو طلعت ياريت
هات قهوه ببلاش وماتقول لحدى انه جنين مش حلوة ببطل حدا يشتري منها فلافل
اي شي مو مفهوم احكولي :lol!:
موضوع: تابع لمدينتي جنين. 
18/11/2009, 14:07
