تذكرني حبيبي!!!!!!!!!!

تذكرني حبيبي

[ندعوك للتسجيل في المنتدى أو التعريف بنفسك لمعاينة هذه الصورة]

تذكرني حبيبي
..تذكر يوم أقولك جسد يحتوي روحين..
.. وأوعدك ما أخليك وتوعدني ما تخليني..




..أذكر يومها أشوف بالدنيا بس اثنـين ..!
.. قلبي اللي يحبك وقلبك اللي يحويني ..




..بعدها بأيام شفت ايدك تحتضن ايدين ..
.. وانصدمت يوم شفت إنها غير ايديني ..




..سكت لجل خاطرك وقلت مرحبا بالزين ..
.. مرحبا باللي القلب لجلـه حيل كاويني ..




..مر يوم واسبوع وشهر وبعدها بشهرين ..
.. وهو لازال مايدري بإني شفته بعيني ..




..وأخاف إني أقوله له خاين وينجرح بعدين ..
.. وأخاف أسكت وبسكوتي صمتي حيل يشقيني ..




..واجهته وأنا أبكي والعين تحتضن العين ..
.. سألته : ليه تنسـاني ؟ ولى ماكنت تغليني ؟؟




..سكت ولفّ عني وخبى وجهه بالإيدين ..
.. اللي كانت تحضني وغيرها ما تدفيني ..




..سحبت أيدينه و مسحت الدمع على الخدين ..
.. وقلت له والله أحبك ولو إنك تخليني ..!




..سكت فتره وقال لي : لازلتي تحبيني ؟؟
.. بعد اللي تشوفينه لا زلتي تحبيني ؟؟




..ابتسمت وقلت أنت ماعرفت للحين ..
.. إني أحبك حيل واللي يرضيك يرضيني ..




..سكت فتره وأنا أعاود فرحة بقت لسنين ..
.. وتركته وتركت حبه اللي بقى فيني ..




..وصارت الدمعـة إذا هلّت أقول أهلين ..
.. والبسمة هجرتني ونست دربها فيني ..








..انا اللي خليتك من كيفي عني تبعدين ..
.. لجل ما ينجرح قلبك بلحظة موت تحويني ..




..تكفين لا تظنين إني خنتك ياالغلا تكفين ..
.. وإذا لازلتي تحبيني دايم بـالخير ذكريني ..




..تظنون إني نسيت أو الدمع جف بالعين ؟!
..لا والله إلين اليوم وهو معي يخاويني ..




..لو تدور الدنيـا ولو تمر بعدها سنين ..
.. ما نسيته لو أشوف أحفـااادي حواليني..