لا تحذر... فات الاوان شي يفيد بعد التحذير
اني عثرت بأول حجر والعثرة عثرة بنص بير
منهم لله ال خانوني منهم لله ال باعوني
خلو دمعي ينزل دم ولا جني بني ادم
اعز اثنين يا جرحي شايلهم وسط روحي
وجهين والعملة وحدة والثوب مكدر عليهم
والشبه نفس الشبه والغدر مزروع بيهم
يا كلبي لا تستغرب كل شي ممكن يكون
عدوك يرحم بحالك واعز احبابك يخون
تصورو حبي غباء وطيبتي العميا طريق
فرصة الهم للخيانة ومثلو دور الصديق
واللي جانت اغلى ناسي ويا صديقي ترافكت
وعيني عينك بالخيانة وبالخجل ما فكرت
يا ذنب سويته آني وعيني عينك بالخيانة وبالخجل ما فكرت
لأن كلبي نقي وطيب هيجي وياي صارت
اش راح اسوي بالصور وين اودي الذكريات
وين الكه درب خالي ما الي بيه ذكريات
هيجي يا دنيا البشر بارع بدور الخداع
وغامض وما ينحزر ومنو الي يسمع شكوتي
اسكت احسن يازمن وبيدي اعالج حالتي
موتي ارحم من غدر الي سميته صديقي
والي جازاني بخيانة وترك باعماقي الحريق
اني متعلم على الهم ومو جديد الهم عليه
وبعد ما شافت عيوني خلي كل شي يصير بيه
صوروني الناس اغني واني من الداخل مجروح
روحي مثل الطير ترفرف شي يركص الطير المذبوح
الألم ...الحزن...العذاب...الجروح
تظلم لو ترحم يا زمن ما عاد ايأثر بيه
اذا اغلى الناس خانو اش تعوض انت الي
صدقني ظلمك يالزمن اهون الي من جروحي
ع الاقل ظلمك ينسي ومايظل يعذب روحي
ضيعتني ياصديقي واظلمتني واجرحتني
واظلمت روحك روحي وضيعت مني الامان
اذا انت بي تغدر بعد بية شيسوي الغريب
صديقي وجرحي منك واني لجروحك طبيب
روح الله ليسامح اني ماعندي سماح
الملح والزاد خنته والوفا وياك راح
اعترف اني اخسرتكم وخسرت كل شي بثواني
لكن اللي يغر علية راح اظل وحدي اعاني
وانتي يلي جنتي بعيوني ملاك
كلتي اني وعمري وعيوني فداك
صورتي الدنيا من غيري ابد ما تعيشين بيها
وكلتي عنها ظلمة لكن نور وجهك مظويها
وكلتي بليالي الشتا عيوني ماتاخذ نوم
افكر بيك بردان لو دافي وشابع نوم
جنتي بالنسبه الي مثل للحب والجمال
وكلمة ماكتبها شاعر ولوحة من نسيج الخيال
عمري ماشكيت مرة ورها لطيبة خداع
وهيجي العيون البريئه تغدر وتنكر بساع
هاجت الريح بغضبها وكسرت بلحظه الشراع
كل شي راح كل شي راح
وكل شي ضاع
خوفي من خوفي ليكبر وخوفي مافارك الدمعة
وابقى وحدي بالليالي ومااثق بضو شمعه
المن اشكي والمن احكي وحكي بس انا الاسمعه
هي الدينا اش بيها حتى ترخص دمعك
المن تشكي وتبكي ومن هو اللي يسمعك
انسى جرحك انساه ولتعاود الذكراه
وبالحسره والأه ليش تخلص عمرك
كنت عايش ع الامل وكانت احلامي جميلة
وكنت اتفاءل بكل شي وال بنيته انتهى بليله
ضاقت الدنيا بعيوني وحسيت بنفسي غريب
وقلت ياروحي كافي ما بقى للطيب نصيب
لا الدنيا ما تخلا ولا تتخلى عن مجروح
الف ايد وايد تنمد وتداوي الألم ويروح
اني عثرت بأول حجر والعثرة عثرة بنص بير
وضيعت كل شي بحياتي وسلمت لأسوء مصير
لا تحزن لا تتألم لا تندم على اللي يخون
حرام اتعب عيونك والدمعة عليك تهون
صامد بوجه الرياح شامخ بأصعب جراح
اصعب جراح
اصعب جراح
اصرخ اصرخ يا ضمير اصرخ بوجه ال يظلم
اصرخ بوجه ال يخون يا ضمير
اصرخ وصحي المنافق اصرخ وصحي المخادع
يا ضمير يا ضمير
وبالعكس دنياي دارت
لان قلبي نقي وطيب هيجي وياي صارت
اش راح اسوي بالصور وين اودي الذكريات
موضوع: لا يا موضوع من وحيي 
3/4/2010, 18:50
