هناهين سورية من اجل الاعراس

ما تنسوه قبل كل هنهونة تقولو هاها :o
وبالأخير تزلغطوا :cool:
يا عريسنا بوشك نور
والخضر الك ناطور
شقد ما درت بالدنيا تدور
متل عروستك ما بتزور



الله واسم الله عليكي
والسعد كوأقبل ليكي
وشبة مع خرزة زرقا
يردوا العين عن عينيكي



دقت طبول الفرح من دخلتك عالدار
والورد فتّح وفاحت ريحة الأزهار
والوش دورة قمر والخد يقدح نار
والخصر من رقتوا ما يحمل الزنار




بنت الأجاويد سرير العز مرباكي
الورد حبك كما النسرين حياكي
حلف عريسك بربو انو يلقاكي
ولما شافك صرخ: الله--- ما احلاكي





عيونك السود اشكيها لشرع الله
وخدودك الحمر يخزي العين وما شاالله
كل الزهور بزهروا كل سنة مرة
إلا خدودك---ياروحي ---دوم محمرة



عريسنا الشب نحن اليوم في حيك
يا برج عالي وكل الناس في فيك
سألت رب السما يخليك لبيك
مع طولة العمر للأحباب ومعن خيك




عيونك السود خلوني أنا اغني
وعيونك السود نسوني ابي وأمي
وكنت نايم بأحلى النوم متهني
أجا خيالك على عيني وجنني




يا نجمة الصبح !فوق الدار عليتي
شميتي ريحة الحبايب وجيتي ضويتي
ندراً علي إذا راحو على بيتي
لأشعل لهم شحم قلبي إن خلص زيتي