الحظ مامن حظ والعقل محتار
ياعقل لاتحتار والدرب سيده
لو ضاع دربي في متاهات واخطار
طمحت للعليا وسقت الشريده
واقطع فيافي نجد لعيون تذكار
لو تنقطع جرد الديار البعيده
وصّل لها شوق المواليف الاحرار
اشواق مبداها حروف القصيده
وقل ياعنود الصيد لو صار ماصار
غلاك بنكٍ مايكمّل رصيده
لك عزة النادر ولك شيمة الجار
ولك وقفة الوافي ولك ماتريده
ولك سطوة الحاكم ولك هيبة النار
ولك ياحبيبي ذكرياتٍ عديده
ياكم صبرت امرار وامرار وامرار
تخطي واسامح وانت نفسك عنيده
وآقول حبيتك ولاني بغدّار
مشاعري صوبك بديده بديده
صحيح اسامح لاكن اسراري اسرار
اسرار تكتب لك بجمله مفيده
كرامتي يابنت ماتقبل اعذار
روحي وحبي لك عسا الله يعيده
الحب ماهو لعبة القط والفار
الحب بنكٍ مايكمل رصيده
[b]
موضوع: تذ كار 
26/3/2010, 17:23
