بسم الله الرحمن الرحيم
السلام عليكم ورحمة الله وبركاته
يشرفني ان اشارك معكم في هذا المنتدى
يقول
بسم رب البيت خلاق الغيومي
بابتدي قافي بكلمات(ن)جزيله
قلتها من عقب مازادت همومي
الهموم اللي معي في كل ليله
الردي ياجعل حظه مايقومي
مايسرك لو معه حيل وحيله
والشلي يمنعك من برد وسمومي
يعتذر دونك لو ان في الوقت ميله
راح ليل البارحه ماذقت نومي
يوم جاني طاري البنت الاصيله
كل ماغمضت غثتني حلومي
وونتن وسط الحشا سبت جميله
بنت حر(ن) من زحازيح القرومي
ظاهر(ن)صيته على روس القبيله
واخت شيخ(ن)من مكابير العزومي
نادر(ن)والنعم في دربه حصيله
جادل (ن)من شوفها صرت امحرومي
الجمال اشتق من عين الجميله
بري حالي من يوقف في لزومي
ياخذ المرسول ويمده جميله
تدري اني عقبها ضاعت علومي
عزتي للقلب منها عزتيله
[b]
موضوع: ياجميله 
26/3/2010, 17:20
