ياذيب عاهدني واعهدك ما ارميك

ياذيب كن اعواك ما ودي اوحيك
واليا سمعت اعواك قلبي يلجي
وياذيب ما ني غاوي اللي يعويك
كما واحد من حسته مستمجي
عساك مانته فاقد اهلك وغاليك
مدري قنيب الياس والا ترجي
اصبر كما صبري على كل ما يجيك
والله ينادي بالسعد والفرجي
انكان ندك جوع تعال اعشيك
وابيك تسكن عندنا ما تهجي
اقدم الماجود والله يحييك
ورزقي على اللي ماش دونه ملجي
واليا بغيت تروح قلي واخاويك
ودي بدرب الذيب مع كل فجي
ابايعك واعادي اللي يعاديك
ومن وين ما سجيت حالف لأسجي
شوقتني ياذيب ما ازين معاديك
اليا اختلط بالليل برد وعجي
ولا تصبح الا في علاوي محاجيك
واللي يبي يقتلك ياذيب دجي
ياذيب لا توذي عليه ولا اوذيك
في راس مرقاب الخلا نندمجي
وان جاك ضده من عدوك ما اخليك
وعيب على اللي خوته ما تنجي
ياذيب عاهدني واعاهدك ما ارميك
وان بقت بايق في صيامي وحجي
[b]

يا ذيب يلي بتالي الليل عويت

يسلمو صالح