يانسوم سلملى على غالينا انت تهب من غربه وهو شرقينا
سلام مودة على من تقول هلال دورة خده
جماله اللى مابا يحودد حده خذا عقولناواحنا بلاهن جينا
خرم توبتى منه نقضت الشدة حرك هواجس فى هواجس فينا
من حط يده فى صوابع يدى كيف ما تحط النار ع البنزينة
سلملى على المتباعد مسافة بعد درنة وقبل امساعد
هناك وين حلين عندنا المقاعد مع من امهبلناابخزرة عينه
وله قول رانى ما خلفت الوعد ولا صورته غابت نهار علينا
سلام خواطر على عد رخات السحاب الماطر
سلامى على غالى صغير شاطر مازال كى لون الحليب جبينه
عليه م السماء ينزل نزيل القاطر فى وسط قلبه يحضنه وايجينا
ويرجع امغلف بالسلام العاطر كنيبه بعد طول الظما يروينا
سلملى على المردوعة اللى اتقول من قطعة ذهب مصنوعة
خلتنى انزازى من امرارا اللوعة امبوبح تبوبيحة كبيرة شينة
ولاقدرت ع الخاطر انعن صروعه وراها رحل واحنا وراه مشينا
فات الخليج السمح هو ونجوعه على جيهته ما حوتنا ردينا
موضوع: يانسوم سلملى 
23/3/2010, 03:10
