الشيب (ردالشاعرعقوب الشرمى )

يقول الشاعر عقوب الشرمى ردا على ابيات الشاعر عبدالكريم بوجديدةعن الشيب واسبابه المبكرة



اسباب عديدة اللى الشيب منهن يسبق امواعيده

اولهن الضنوة كى تكون عنيدة والاجار لا وافق لاوافقته

والاضيم والعزوة تكون بعيدة والا عشيره فى رفقها مكدة

والادين ما تقدر على تسديده ف اخر الشهرياخذ اللى دبكته

والا ضيف يلفى والظروف شديدةوعندك هدف ف البال ما حققته

وناقلت رايى ومانريدانزيده وبكره اتجرب كان ما صدقته

وفى وقتنا جدن احوال جديدة اللى تحكره واجد اتطير بركته

واللى تنصحه ينقد عليك نقيده واللى تحمله يطمع اتزيد احركته

واللى اتعامله ودك ايديرك صيده ان ما صحيتله يرمى عليك شبكته

بهت راسى اللى شاب هو كله بقى متواسى

الشيب حكم ولامره يطيع العاصى وبالك عليكم انا اللى فرقته

من عندى جرد شورك مشا متماصى لو نحسبك زعلان كان مسكته

يا صاحبى كنك امغير اتصاصى والا منابك جا شوى ازمقته

فرد عليه الشاعر عبدالكريم بوجديدة؛_


لا نريد منابى ولانى موصى نين درت احسابى

طالب الا منك ردود اتعابى وتصبغ شعر وجهى اللى زوقته

شيبك ترقى نين طال اشنابى بلا حساب من شورك على اطلقته

الشيب
عيرتني بلشيب وهو وقارو

يا ليتها عيرتنى بما هو عار.

ابدع بالرد عليه الشاعر " يعقوب "

والله انه صادق بكل بيت قاااله ...

صح لساانك اختي .. مساااجله رااائعه من شعراااء راائعين

قرات شعر الشاعر عبد الكريم .. لكن عجبني رد " يعقوب "

فقلت ابدا بالاول هناااا


من فتره ماسمعت مساجله بهذا الجمال ..

ودخلت بعضويتي بهذا الوقت حتى اشكرك خصيصا

تقديري واعتذر على الاطاله