الحلقة الاولى من نواعم وبس وبنات الجامعة

وقد ينجم عند الفتاه معاناة نفسية شديدة الوطأة كبيرة الأثر، تتراوح ما بين الكآبة الشديدة إلى الحالات الذهانية و الوسواس وما إلى ذلك من الآلام النفسية المبرحة

لذلك ثوام يجب علينا دائما الحرص
ممن نتعامل معهم
وليس كل كلمة حب تخرج من الانسان هي صادقة قد يكون وراها الكثير من الحزن والتعب
ومعاناه كبيرة قد تستحود على الكثير من فكرنا وطبيعتنا
لدرجة ان الحياة تصبح لوحة سوداء في وجهونا

موضوع جميل


انا برأيي انه لازم كل بنت ما تسدء اي كلمة بتسمعها بسهولة

ولازم تفكر بعقلها قبل ما ترد على قلبها

لانه اللي بتمشي ورا قلبها بدون تفكير بتضيع حالها وبتضيع أهلها معها

وأصلا غلط البنت تصاحب شاب على اساس شو صديق؟؟

شو هالصديق الذكر شو بدع يعملك غير انه يضيعك

اكيد الصداقة شي جميل ولكن اعتقد ليس بين البنت والشب
لانها في النهاية قد تستغل الصداقة بالكثير من الامور السيئة

مافي شي اسمه صداقة بين بنت وشاب أبدا

بس احيانا بكون الحق على البنت مو دايما على الشباب لانه المحترم هو الي بيفرض احترامه مو مضره تضحك مع هاد وتمزح مع هداك وتلبس لبس غير مستور كل هدا بيلعب دور

أكيد الحق على البنت

هي اللي بتعطي وجه للشاب

لازم البنت من الاول تصده وماتعطيه اي فرصة او مجال

لحتى يتمادى

وبالاول وبالاخر لازم تفكر منيح وتشغل مخها

حتى ماتندم


وبعدين ديننا حرم العلاقات اللي من هالنون


إن الصداقة بين الشاب والبنت أو الرجل والمرأة من أعظم المحرمات وأشد المنكرات فلا يجوز للمرأة أن تصادق الرجال الذين ليسوا من محارمها أو العكس، ولهذا حرم الإسلام هذه الصداقة والتي هي وسيلة أو طريق إلى الفتنة والزنا والعياذ بالله وللوقوع في الفاحشة

كلام جميل جدا ولكن بنظركم ما هي افضل التطرق حتى لا تقع الفتيات في مثل هاي الامور التي قد توذيها في الاول والاخر

اه حلم كلامك عن الصداقه صحيح بس احنا موضوعنا عن البنات الي بسلموا عقلهم للشيطان وبدخلو بعلاقات ما انزل الله بها من سلطان من دون اي حدى يوعيهم وبالاخر بيندموا لانه الشب ما رح يكون عليه حكي متل البنت وما رح يخسر اشي متل البنت الي رح تخسر سمعتها وكرامتها وبتصير مطمع للشباب لعلاقات مؤقته من دون اي زواج فهيه بتحس حالها بنت رخيصه ما الها اي قيمه والشب بصير هو البطل بين صحابه بصير يشو حاله عامل انجاز غير الخسائر الماديه الي رح تواجها وبصير المجتمع والاسره والصديقات يرفضوها بتحس حالها معزوله لانه البنت ازا ما لقت الحنان داخل البيت رح ادور عليه برا البيت لازم الام والاب يعيشوها جو الاسره ودفا الاسره و البنت ازا كانت محبوسه وفجأه طلعت ع اختلاط الجامعه رح تشوف اشي غريب عليها ف لازم الوعض والارشاد يشتغل عند الاهل

حلم كانت تقصد ان اول مراحل الضياع هي الصداقة
ومن هنا تبدأ فعلا اكثر الامور بشاعة واولها استغلال الصداقة
هي طريق سريح للوصول لكل ما يريد الشباب

الله يعطيكم العافيه عالموضوع الطيب

والجامعات هالايام اساس المجتمع

اما مجتمع متعلم وقوي
او مجتمع تافه وغبي

اما من ناحية الصداقه بين البنت والشب : انا ما بقتنع بوجود هالشي الضروري لحتى تنوجد هيك علاقه
تافه وهدفها تافه ورخيص

الشب بستغل نعومه مشاعر البنت ورومنسيتها لاسباب ونوايا خفيه
من منطلق الصداقه والحــــب
والبنت واعيه لهذه الاهداف ولكن الاقبح انها انها تنوي لمثل هذه الاهداف



وانا بنظري مثل ما حكت الحلم الضائع بدايه العلاقه سببها موافقة البنت
يعني انها هيه اللي بتعطي وجه


بدون ما تتذكر الحرام والحلال والاهل وسمعتها
بس لانه هيك الموضه .

وكمان مع احترامي للجنس اللطيف ..... لو الاحتشام في اللباس ما كان صار هيك امور


والتربايه هيه الاساس ... واللي بزرح بحصد اللي زرعه


وانا كمان ما بعفي الشب من المسؤليه ليش هو شو ع راسه ريشه ما بغلط
بالعكس الشباب بالمجتمعات الشرقيه شباب طائش ومغرور بسبب
مقولة:: الشب ما بعيبه شي


يروح هيك كلام تافه

كل انسان لازم يترم نفسه عشان الناس تحترمه
والسمعه والكرامه رأس مالنا بالحياة

شكرا لسعة صدوركم وتحملكم رايي .

اهلا يونس نورت
مرات الفقر بيلعب دور لما الشب يطمع البنت الفقيره انه رح يعطيها مصاري هي في حاجتها بترد عليه وما بتفكر بعقلانيه وثبات

هذا مش مبرر توام

الحاجه مش سبب لهيك علاقات
الشغل موجود

يا ما ناس مش لاقيه لقمة خبز بس الشرف والكرامه وعزة النفس
من اساسيات حياتهم وما بفرطو فيها

وحاليا الاردن 90% من الشعب من الطبقه الفقيره
هذا بخلينا نتخلى عن اصلنا ودينا وعاداتنا وتقاليدنا

بالعكس لازم نتمسك فيهم اكثر ونتحدى الحياة المتعبه هذي

اكيد يونس مش مبرر بس هدا سبب من الاسباب والاسباب كتيره

التقليد الاعمى للغرب هوه اكبر سبب

والوعي بالبيت مش موجود اصلا عند هيك ناس

نرجع ونتكلم الاهل هم الاساس في التربية هذا اولا
وقلة التوعية ومتابعة الكثير من المسلسلات الهابطة
كل هذا يوصلنا لطرق الشتات والتقليد والوقوع في ما لا يحمد عقباه
ولا انسى النقطة الهامة التي ذكرها اخي يونس تقليد الغرب ةتلك نقطة كثير مهمة وخاصة اننا اصبحنا ايضا نرى عند بلوغ البنت سن 18 تبدأ
بالاستقلال والحرية الكاملة
وتريد ان تفعل ما تشاء الا من رحم ربي من ذلك

صح اسمر التربيه هي الاساس بس في الوقت الحاضر مو بس الاهل بربوا صار الاصدقاء والصديقات يربوا كمان اصدقاء السوء همه بيلعبوا دور يعني بالتحريض والوز وكمان البتن كائن ضعيف ممكن تسلم ل كلمة حنونه وكلمة غزل ف بتنسى حالها

صباح الخير ثوام الروح
يعني اعتقد يجب الحرص من التعامل مع الناس وخاصة الاصدقاء
واخص هنا صداقة البنت مع الشب رغم انني لا اشجع على تلك الصداقة التي قد تبدأ بريئة ولكن في النهاية تصبح علاقة
وتتعدى كل حدود الصداقة

ولكن سؤالي للصبايا ما الهدف من اعطاء الشب صورة شخصية لها
بما انه كل يوم يراها في الجامعة او خارج الجامعة

صباح النور
اسمر الصوره الشخصيه هلأ صارت عن طريق البلوتوث يوخدوها يعني مثلا بحكم الصداقه اله الحق يلعب بتلفونها الي مليان صور الها ويوخد الي بده اياه حتى احيانا من دون ما تعرف البنت

وليش اصلا لاحتى يلعب في شي يخصها
شو هذا التسيب من البنت
وكيف تترك في يده شي خاص لها

اسمر هدا الاشي عادي بحكم الصداقه اصلا الصوره يوخدها شب مو مهم
المهم انه ما يتفق هو وصحابه وصورها هي وهو هون بتصير مصيبه

كيف مو مهم وهي شغلة خاصة في النهاية ثوام
يعني لو شب طلب صورة اخته عادي مثلا
اكيد رح تشوفي ردة فعل غير طبيعية
احكيلك انت مو بنت جربي اطلبي صورة اخته وشوفي ردة الفعل كمان

ما بعرف اسمر بس الصوره ما رح يقدر يعمل عليها غير فوتوشوب وهدا ببين
اما ادا كانت متصوره معه ب فيديو او حتى صوره عاديه هون بصير حكي
والشب ما رح يعطي صورة اخته لانه بفكر الناس كلهم بوساخته

طيب وليش لاحتى اترك اله فرصة من الاصل انه يأخد الصورة
وتكون بداية لابتزاز
ليش الخجل في هيك موضوع حساس وعند لمس الموبايل
او عند طلب صورة لذكرى مثلا

اكيد مو لازم يلمس الموبايل حتى واكيد هدا الاشي غلط انا ما حكيت اشي بس في بنات هيك وانا بحكي الي بصير مو اكتر

اكيد ثوام نحن نحاول ان نتطرق لكل جوانب الموضوع

وفي كمان سبب اسمر احيانا بتكون البنت جمالها ع قده ف بتحاول تثبت حالها انه مرغوب فيها من خلال انها تبرز مفاتن جسمها وتحكي مع اكبر عدد من الشباب مو عارفه انه هدا الاشي بينعكس عليها

في منه هذا الكلام ثوام وهذا اسمه عدم الثقة في النفس
وبعدين كلنا يعرف ان جمال الاخلاق والروح هي الباقية وجمال الوجه مع الدهر يذهب
لذلك هي نصيحة لا تحاولي ان تثبتي للاخرين انك جميلة لان هذا يجعلك لقمة سهلة في ايدي الاخرين
عداك عن ذلك السقوط من اعين الناس

اكيد اسمر الجمال جمال الاخلاق وجمال الوجه رايح على مر السنين بي السمعه لأ
جدتي كانت تحكيلي جملة البنت زي الزجاج ازا انكسرت عمرها ما بتصلح

معلش توام على مداخلتي
انا حاسس انك بس بدك تلاقي مبررات للبنت حتى لو غلطت


يعني كل الاغذار اللي حكيتيها ما الها معني

مثل ما بقولو : عذر اقبح من ذنب


وكل كلام اسمر قمه المنطق والعقل

مع كل الاحترام لشخصكم توام الروح و اسمر

أنا برأيي البنت اللي بتوصل لمرحلة الجامعه يعني كبيرة وواعيه لكل شي حواليها

ليه ما تكون حريصة على نفسها وماتعطي مجال لاي انسان يجي فيها او يغلط بحقها


والاساس بيرجع لتربية الاهل وتوعيتهم لبنتهم
والبيئة اللي ايشة فيها


وعدم الجمال مش سبب يخلي البنت توقع بالغلط

او تعطي صورها لحد

انا ما بحط كل الحق على البنت

وفي غلط من الشباب بس ع البنت اكتر

الشباب حلم في النهاية لا يتأثر بشيء كالفتاة
وانت تعلمي ان الناس لا ترحم وخاصة في موضوع سلوك البنت
لذلك في الاول وفي الاخر البنت هي الاهم في نظري ولازم تكون حريصة جدا في الاختيار والتعامل

ابو بيسان انا ما بلاقي اعدار للبنت انا بحاول ادور على اسباب للمشكله اكيد البنت مو لازم تعمل تحت اي ضرف من الضروف

كما قلنا سابقا نحن نحاول قدر الامكان ان نتطرق لكل جوانب الموضوع وثوام تحاول ان تضع الصورة كاملة امامنا من خلال
ما مر عليها من امور في الجامعة

وفي كمان سبب انه بقوم الشب يقنعها انه رح يتزوجها وهي بتكون متحمسه للفكره ف بترد عليه بكل اشي بيحكي وبالاخر ما بيتزوجها فلو انه قصده الزواج ما كان سلك هدا الطريق وراح ع بيت اهلها

وهاي نقطة مهمة كمان
لماذا البنت عندما تسمع فكرة الزواج من شخص تتوهم بالكثير وتفقد السيطرة على عقلها وتتصرف بتسرع
وتسلم نفسها احيانا لانه على ثقة عمياء في هذا الشخص الذي اوهمها في الزواج
نقطة يجب الوقوف عندها كثيرا

اسمر هاي طريقه من طرق الشباب
فالبنت بتصير تحكي يمكن ارتاح من الضغط النفسي الي عند اهلي او يمكن يكون وضعه المادي احسن من الي عند الهلي وبالتالي بتركض ورا هيك فكره

اذا كان البيت قائم على الاصول في التربية اعتقد بأن لاتكون هناك حالات ضعف للفتاة او الشاب بالجامعة .

انا هاد كان رايي برضه هشام

الاساس بيرجع للبيت واهل الفتاة


توأم انا مو معك بهالكلام


شو ما كان وضع البنت في البيت ما لازم تضيع حالها وتنجذب للبيئة القذرة اللي متل هيك

كتير في بنات مظلومات عند الاهل وبيحافظو ع حالهم

خلص عند هشام تخرجوا وريحوا راسهم من المشاكل ههههههههه
انت بتحكي هيك حلم لانه ما جربتي شو يعني الابو يضرب بنته ع الطالعه والنازله وفي بنات عندهم مرت ابو بشتغلوا خدمات عندهم انا وانتي الحمد لله مو هيك من شان هيك مو حاسين
على الاقل تلاقي البنت مكان تنام فيه

اصعب شئ على الاب في الحياة ان يقوم بضرب احد ابنائة ,وهذا مؤلم جداً
لكن السؤال هنا لماذا يقوم الاب بضرب احد ابنائة ؟
احتمالات كثيرة منها :
الاسلوب الذي قام الوالدين بتريبة ابنائهم عليه ,بمعنى اذا كان الاسلوب اعطاء الحرية كاملة للأبناء هنا الطامة الكبرى حتى اذا كان الوالدين مطمئنين على تصرفات ابنائهم الا ان الشيطان يلعب دورة هنا.
وعليه التربية الصحة هي اتباع التعاليم السماوية في تربية الابناء لان فيها قمة التربية ومن جوانبها القوق والواجبات من كلا الطرفين .

فعلا هشام اصلا ورا كل هاي المشاكل من الاهل وتربيتهم ف لازم تكون التربيه صحيحه وسليمه

نعم التربية على اسس سليمة هي مفتاح النجاح للأبناء .

اجمالا التربية هي اساس كل شي في الدنيا اعتبرها
ولكن لا ننسى ان هناك الكثير من العوامل المحيطة قد تجعلنا نغرق في محاولات الشياطين من الانس
لذلك نحاول دائما التطرق لكل الجوانب المحيطة بنا
على الاقل يصبح عندنا فكره عما يجري وما جرى حولنا من امور قد تجعلنا في غنى عن مشاكلها

هى المشكلة انها فترة مراهقة
وتقريبا كل البنات بتمر فيها

المهم ان البنت تعدى المرحلة دى الخير وده اكيد بيرجع لتربيتها

فترة المراهقة من اصعب الامر التي تمر على البنت
وهي مرحلة خطيرة لان البنت احيانا كثيرة يكون تفكيرها بقلبها لا بعقلها
وتتصرف على غير عادتها ولذلك
بوجهة نظركم ما هي الطرق السليمة حتى نتفادى تلك المرحلة وان لا نقع في اخطاء كبيرة

قريبا ان شاء الله الحلقة التانية من نواعم وبس

بعنوان من هي موصفات فارس احلامك

بانتظار الحلقة الجديدة اسمر

كل الشكر لكم