مختارات شعرية

عن وصل مضنونه !

صبر عن وصل مضنونه جزا الله النوايا
تجوب القلب يوم ان التباريح العظيمة
سطت بي لين حر الدمع جاوبها الخفايا
ألا يا ليت شعري يوم لجت في صميمه
صبر عن وصل مضنونه؟أيا راعي السجايا
ترد الشان في نفسن على وصلك مديمه
تناثر بي الوله والصبح له شوق الحنايا
كما شوق النهار اللي تقاصر به نسيمه
هجيرك والشعر لا طاف بعيوني تلايا
تلا من عقب ما لاحت من القيفان غيمه
هميلك والهميل اللي تهلي به البرايا
سعى للطيب والا ما نكف عن كل شيمه
صباحك من صباح الجود له طاري الثنايا
ومستثنى الحروف اللي على الجوزا نهيمه
ولك من طاري الإصباح ماجرت تحايا
سلام من خفوق اللي شذى الواله يهيمه
نهمتك عون والدنيا لها عتاد ومزايا
تعلت من مهيب الفكر تدبير وقيمه
على طاري الزمان اللي تزاهى بالعطايا
صباحك من عطايا الله طيبه مستديمه

هجير








يا عازف الناي ؟!

نكبر ،، وتكبر " جروح أيامنا " معنا
وتشيب معنا المواجع ، مثل أسامينا !
نتعب من الجرح .. بس الجرح يصنعنا
نجوم ف الشعر والصفقة تواسينا !
نعرّي قلوبنا .. والناس تسمعنا
تتبسّم الناس ، ونبكّي محبينا ...!!
(قصايد العرس ) تغنينا إذا بعنا
و ( قصايد الجرح ) ما تملا مخابينا !!
حتى لو إن الشعر هذا " يجوّعنا "
بنموت ما تنبسط للحاجة يدينا !
يتغير الوقت .. ما غيّر طبايعنا
ويزعزع نفوس .. ما زعزع مبادينا
يا عازف الناي صوت الناي صدّعنا
الله يخلّيك ! / لي فينا يكفّينا ..!
الذكريات الجميلة ،، ما توجّعنا
لكن إذا هبّت الذكرى تباكينا !
حبيبتي ، والتفاصيل ، ومدامعنا
كرسيّنا اللي / قضينا به ليالينا
الشاطي ، عيون خلق الله تتابعنا ..!
شعورنا بأن خلق الله تعادينا ..!
عشّاق : والوصل فوق الغيم يزرعنا
نخاف / ندري .. يدين الريح تجنينا ..!!
نكتب .. على الرمل أسامينا ، بأصابعنا
والموج .. يمحي أسامينا .. ويمحينا !
جربت ، أقرا من الفنجان طالِعنا
لقيت بكرة على ... مدري يودّينا ..!!
حاولت أكذّب .. وأقول إنّه ( بلا معنى )
لين اكتشفت السفينة ، خانت المينا ..!
نشتاق كثر الحوادث في شوارعنا !
كثر ابتساماتنا .. من يوم حبّينا
كثر القصيد الذي .. اتعب مسامعنا
والشعر من زحمته - ما عاد يغرينا ...!!
الحب .. دربٍ مشينا به .. وضيّعنا
يا ربّ ل أقرب طريق وصال تهدينا ..!
يا ليتنا .. يا ( حياتي ) / ما توادعنا
يرضيك ،، حتى ربعنا يشمتوا فينا ؟!!

حمود بن وهقة






صورة الأمس

هاجس الشعر نادى قوم يابن سعيد
وانسج من القوافي ما ترى ممكنه
واجمع أشتات فكرك و إبتدي ف النشيد
وابدع ف نظم لحن نغمته محزنه
بعدما في طريقي لاح ماض بعيد
وأوقد ف ذكرياتي ما خمد من سنه
ذكريات أليمه جل فرحي تبيد
وخلف أسوار حزني ما بقى تسجنه
كل مره تعاود نارها بي تزيد
كن حربي معاها من زمن معلنه
ليتني لي فواد معدنه من حديد
ليت عقلي تفادى قبل ما جننه
صرح حبه ف قلبي لو نكرني تليد
صرح حبي ف قلبه عافته الأزمنه
القدم عن دروبه وافيه ما تحيد
لين صارت طبيعي وجهته مدمنه
كلما سقت فكري عن دياره تعيد
صورة الأمس كلي للغلا وأسكنه
وكلما قلت بنسى شفت وجدي عنيد
يلسع النفس منه لا طرى ألسنه
يا عسى لو شعوري يحمله له بريد
ويا عسى لو بصدفه شوفته ممكنه
عبرتي إن ذكرته مثل عبرة وليد
صاح من شاف أمه للبعد تركنه
يا رسول المحبه خبره بالأكيد
إن روحي بشرعه ف الهوى مؤمنه
في صفاته وطبعه ما يشابه فريد
وطاري العز منه بان لي مكمنه
منيتي لو لمره ألمحه من جديد
ومنيتي إن لمحته أرتمي وأحضنه

خليفة الغافري







نور

طوّل غيآبك نور مآ عدت مرتآح
مرت شهور ولا تعرفين .. آمري
هاتي يدينك .. وإعصري غيمة ( صيآح )
شوفي شبآآبيك ( الألم ) .. حيل تغري
نآظرت جدرآآنك .. وشفت ( الوفا ) طآآح
كآن ( الممآآت ) أول عذر زآآر فكري
مطرح حزينه .. والشتآآ .. صآآر لوآآح
يسلب دفآآي .. ويهدي [ أوجآع تسري ]
قسوة كلآآمك .. في وسط صدريّ رمآآح
كلمة ( أحبك ) تحتضر .. كيف تبري ؟!
مآت الخريف وزهرك اليوم .. مآآ فآآآح
هزي غيآآبك .. واسقطي وسط صدري
العود ، والصورة ، وحضنك ، والوشاح
تبكي فرآآآقك .. لو على ألبآآل يطري
الريح هبت .. كسّرت عذق [ الافرآآح ]
تتساقط أشواقي .. على أرض عذري !
مريت في سكة ( أمآنيك ) .. مجتآح !!
اتنشج ( الذكرى ) .. والأوهآآم تجري
مآفآآدت حروفي .. ترى شآآعرك صاح
خمسة شهور .. وللأسف مآآت شعري
صكي ملفآآت اللقى .. عآشقك ( رآآآح )
يسلك طريق الحلم ل أحضآآآن عبري
هذآ أنآآ ( بعضي ) غدى حيل ( مرتآح )
عقبآآل ( كلي ) .. يعجبه ( بآآقي عمري )

أحمد المغربي








أحبك

تراه الحب يابنت العرب من شيمة المقدام
وإذا باب الهوى قفل أنا شرعت له بابه
وأنا لو شط بي حبك بعيد وقادني أعوام
أقدس خطوته وامشي معه وأطوف محرابه
حساباتي معك قصة أمل تجمع شتات أحلام
ويصرح بي هدب عينك إلى شطئان خلابه
هديتك أجمل أشعاري مع أروع وتر وأنغام
هزمت الهم قدامك وفوضتك بإرهابه
أحبك حب لو اكتب سطوره جفت الأقلام
شبيه المغترب لما يفارق موطن أحبابه
أحبك يانظر عيني يأول وآخر الإلهام
ولو اجمع بنات الكون مالك ند ومشابه
أحبك يارهيف الخد من رأسك إلى الأقدام
احبك لحن ما غناه حد غيري ولا جابه
أحبك موت لو تبعد الين آخر بلاد الشام
احبك حب لا احسب مسافاته وأتعابه
جمالك لو تبي تعرف يحير ريشة الرسام
وقف في لوحته حائر وقف من كثر إعجابه
أنا لعيونك الحلوة أواجه أكبر الأحكام
لوحكم الهوى يقصي علي وتكثر أسبابه

أحمد بن مستهيل عبيدات الشحري

تسلم ياهشام اختيارموفق ورائع.
بس لازم تهديهالاحد؟

الله يسلمك
الكل يختار اللي يعجبه

يسلمو هشام حلو الشعر

حياك الله اخي يونس