ابيات شعر قيلت في ا لام

موضوع: ابيات شعر قيلت في ا لام 16/3/2010, 05:39

أمي يا حنان الكون ويا نبع الوفى الصافي

مهما لك أنا قدمت حقوقك ما اقدر أوفيها

عطيتيني كثير الحــــــب وقلتي ما هو بكافي

وأنا هاليوم من كثر العطايا ما اقدر أحصيها

أحب أمي ثم أمي ثم أمـــــي وغيرها ما في

لها روحــــــي أقدمها بين يديني واهديها

أنا لولاك يا أمـــــــي مثل طفل مشى حافي

ضاعت فرحت أيامه ودنياه وش بقى فيها

أمي يا دفي الإحساس ويا نبع الوفى الصافي

احـــــــــبك كلمه دايم على لساني اغنيها

[ندعوك للتسجيل في المنتدى أو التعريف بنفسك لمعاينة هذه الصورة]

وابيات اخري

احب الناس لي امي

ومن بل روح تفديني

فكم من ليله قامت على مهدي تغطيني

تخاف عليه من برد ومن حر فتحميني

ومن الم ومن مرض اناديها فتاتيني

واسعى في محبتها كم تسعى وترضيني

بروحي سوف افديها كم بل روح تفديني

[ندعوك للتسجيل في المنتدى أو التعريف بنفسك لمعاينة هذه الصورة]

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابيات شعر قيلت في ا لام 16/3/2010, 06:12

رااائع ...

ابيات شعريه كتبت لاجل اجمل ماخلق ربي " الام "

ابدعتي سيدتي ...

والله يحفظ لك والدتك ويطول بعمرها

تقديري ممزوج بالود الصادق

موضوع: رد: ابيات شعر قيلت في ا لام 16/3/2010, 06:24

صحيح اخي اويس اجمل ما في الكون هي الام ...يارب يخلينا

امهاتناو امهات كل المؤمنين يارب

وشكرا على مرورك اللي يزيد الصفحة نور على نور

موضوع: رد: ابيات شعر قيلت في ا لام 16/3/2010, 06:33

حلووووووووووووووووووو كثيررررررررر
بس اصعب مناسبة عندي

موضوع: رد: ابيات شعر قيلت في ا لام 16/3/2010, 06:38

نورتي وعد بس ليش اصعب مناسبة عندك

موضوع: رد: ابيات شعر قيلت في ا لام 16/3/2010, 06:41

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابيات شعر قيلت في ا لام 16/3/2010, 06:45

الله يسلمك يا اخي الغالي...تشرفت بمرورك

زائر

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: ابيات شعر قيلت في ا لام 16/3/2010, 06:49

ياهلا صالح تشرفت بمرورك

موضوع: رد: ابيات شعر قيلت في ا لام 17/3/2010, 03:52

ام امين كتب:: صحيح اخي اويس اجمل ما في الكون هي الام ...يارب يخلينا

امهاتناو امهات كل المؤمنين يارب

وشكرا على مرورك اللي يزيد الصفحة نور على نور

اللهم اااامين

النور نورك اختي ..

ربي ينور قلبك ودربك بنور القران ياارب

موضوع: رد: ابيات شعر قيلت في ا لام 17/3/2010, 04:08

اصعب مناسبة
لفقدان والدتي

موضوع: رد: ابيات شعر قيلت في ا لام 17/3/2010, 04:18

theredrose كتب:: اصعب مناسبة
لفقدان والدتي

عذرا سيدتي على التطفل ..

" ايش " تقصدي بفقدان !!!

هل بعيده عنك مثلا لسفر ؟؟؟