قصيدة حزينة جدا عن الام

موضوع: قصيدة حزينة جدا عن الام 13/3/2010, 17:38

اليوم حبيت انقل لكم قصيدة رائعة عن الأم بس في نفس الوقت حزينة جدا

خايف عليها من الثرى غطاها ولا الحصى حافي اخاف اذاها
اكرم عليها بالكفن يامطوع بالبيت ضل فراشها وغطاها
اكرم عليها بالكفن هذى امي واشهد عليها بما عطت يمناها
هذى الضحى والليل يتحرونه هذى السماء ونجومها تنعاها
هذى السوالف مثلنا تبكيها والارض تنشد عن اثر خطاها
هذى الكبيره كبير هذى الدنيا هذى العظيمه جل من سواها
ابكي عليها مو نهار وليله ولا سنه تمشي واعد قضاها
ابكي عليها كثر ماشلتني وكثر الحنين اللى اخطلط بغناها
وكثر الاسامي وكثر من سموها وكثر النجوم وكثر من يرعاها
ابكي عليها من القهر يادنيا من لى انا عقب فرقاها..؟؟
من فتحت عيني ولا خلتني وشوفوا ولدها بالقبر خلاها..؟؟
هل التراب بوجها ماقصر شفتوا ولدها كيف هو جازها
لو انها مكاني ماسوتها لكن اعز عيالها سواها
يالدود شفها ذابله جنبها انا ولدها وحاظر وافداها
قطعني هاك اللى تبي من جسمي بس الكريمه لاتجي بحذاها
بوصيك امانه قلها تعذرني وتكفي تروح تحب لى ماطاها
ابيها تغفر لى مثل ماكانت كل خمله مني بطيبها ترفها
يالله عساها بالنعيم الخالد وعساها بجنه عدن سكناها
يافضو هذا الكون ياهو خالى ياضيق هذى الدنيا يامقساها
يامر طعم فراقها يامره ماني مصدق ارجع ومالقها
وشلون اجي لغرفتها وماهي فيها وش عذري لسبحتها ومصلاها
شقول انا لدولابها لشنطتها واذا سألني مشطها وحناها
وعباتها وماي زمزم ومصحفها والمبخره ورشوشها ودواها
الكل في غرفتها متفقدها حتي الجدار مفطر ويرجاها
الكل يبكيها ماهو ناسيها يالله صبرني وشلون انساها
ياليتها ماراحت وخلتني او وسعت لى بالقبر وياها

[ندعوك للتسجيل في المنتدى أو التعريف بنفسك لمعاينة هذه الصورة]

زائر

[ندعوك للتسجيل في المنتدى أو التعريف بنفسك لمعاينة هذه الصورة]
الله يعطيكي العافيه ويرحم امهات المسلمين جميعا

موضوع: رد: قصيدة حزينة جدا عن الام 14/3/2010, 02:46

يالله مؤثرة جدا القصيدة ..

واخر بيت فيها قوي ...

ريقي نشف من قوة القصيدة مو عارف حتى اشكرك

الله يحفظ لك والدتك اختي وجميع امهات المسلمين ..

موضوع: رد: قصيدة حزينة جدا عن الام 30/3/2010, 01:19

الله يخليك ويحفظلك والدتك كمان

شكرا اخي اويس على مرورك الرائع

موضوع: رد: قصيدة حزينة جدا عن الام 30/3/2010, 01:26

رائع وجميل احسنتي الاختيار

موضوع: رد: قصيدة حزينة جدا عن الام 30/3/2010, 01:32

شكرا ريمكس....نورت

موضوع: رد: قصيدة حزينة جدا عن الام 19/3/2011, 01:30

رب يطول بعمرها و يخليها