اول اشى ما بدى ينفهم البوست على انو انحياز لصف الشرطى ووقوف ضد المواطن
لك حد فيكم جرب يحط نفسو مكان شرطى المرور فى الشمس او البرد فى زحمة سيارات وضغط المواطنين وضغط المسئولين وفوق هاد يجيه مواطن يشتم شرفو ؟
انا مش مع ضرب المواطن لكن انت يا مواطن لو صارت معك شو راح تعمل؟
طوشة ثانية حرب داحس والغبراء بين قبيلتين بتيجى الشرطة بدها تفك الاشتباك بتتعرض للشتم والضرب ولما تضرب مواطن بتصير مجرمة طيب مهو انتو يا مواطنين عجنتو بعض قبل ما تيجيكم الشرطة
يا اخوان الله يعين الى بيشتغل تحت الضغط
يوم من ايام احدى الحروب على غزة اجانى تلفون من مواطن بقلى الدفاع المدنى ابعتلنا اسعاف فى ولد صغير جريح ومرمى قبال بيتنا الحقو اسعفوه
قلت ماشى ثوانى طبعا اساعفاتنا واحد كان مقصوف والمسعف مستشهد والاسعاف الثانى ما قدرو يسحبوه وكان تحت القصف واللى فيه جرحى
شو بدكم بطول السيرة ضليت ساعة وما قدر اى اسعاف يروح يطلعه اتصل فى الزلمة ثانى وثالث ورابع وما قدرت
اخر اتصال قال يخلف عليك يا عم ما بدنا اسعاف الولد استشهد اجانى تلفون فصلت عليه وكلمت الثانى شوى اتصل على وحكالى بتسكر فى وجهى يااا طوووووط شو اسمك انت حكيت احمد بى اس عاوز اشى تانى ؟
قال اه عاوز اربيك وبعد اسبوع الا هو مقدم شكوة ضدى فى التشريعى انى مهمل فى عملى وتسببت فى استشهاد مواطن ما بيعرف هاد الرجال انو اجانى خبر ابن اخوى مقصوف ومقطعات رجليه وما لقيت وقت اتصل اطمن وما عرف انو ولاد اخوانى 3 كانو مستشهدين فى نفس الوقت وما لقيت وقت اسال عنهم
مصيبتنا الواحد فينا بيمسك ابنه بضل يضرب فيه تيقول بكرة العيد على اقل غلطة وبيجمع حمولته وبيهجم على جيرانه لانو قصة شعر جارهم ما اعجبته ولما تيجى الشرطة وتضرب واحد بقلك غريبة من وين هل عنف الى عند الشرطة
يا ريت نحط نفسنا مكان شرطى المرور او شرطى النجدة قبل ما نحكم
على الهامش مبارح رحت ازور صاحبى شرطى حكالى عنا مهمة روح نطلع نجيب هل واحد نصاب وتاع مخدرات رحت معهم الا مرتو للزلمة بتحكيلهم روحو انصرفو فش واحد فيكم راح يدخل يفتش البيت الغريب انهم دارو ظهرهم وروحو صراحة انا صابتنى جلطة هاد كل حشاش يوقف مرتو على باب الدار وصارت ساية بالمرة [b]
موضوع: الشرطة والمواطن 
12/3/2010, 20:25
