التلج داب و حبيبى ويّا الشمس غاب
يوهم قلوب تعشق تدوب يصبح نهار
تلقى الهبوب هدمت دروب بين أنهار
تطلب نجاة لحب الحياة من الأحباب
ماهو لما كان التلج داب صبح سراب
حبك مزيف يقتل الصبا فى الضباب
خايف ليبان غدر الزمان فى الغروب
وانت كنت ف يوم حياتى والمحبوب
إبعد طريقك عن طريقى دى القلوب
بيزيد هواها للحبيب بعد الغياب
ما هو لما كان التلج داب صبح سراب
شمس الوداد اخدت طريقها فى الغياب
بلون ياقوت بين البيوت بتقول وداع
خلت قلوب تخلف وعود فردوا الشراع
على ذكرى فايتة ف عمرهم قالت ضياع
ويجى بكرة دموع ما قادرة تقول حساب
ماهو لما كان التلج داب صبح سراب
إنى أفكر فيك فى يوم وأقول ده غاب
ليه الحقيقة من الحبيب خنجر غريب
تطلب سماح من غير جراح أمرك عجيب
وأملها يكون همس الجنون رد المجيب
تغفر عمايله وتبتسم من غير جواب
ماهو لما كان التلج داب صبح سراب
إنى أسامحك وأبقى من عجب العجاب
حب الحبيب حب الحياة كان عهدى ليك
عمر الفراق أو هجر يوم يشوف لياليك
كان العزول واللى يقول يتمنوا بيك
تقضوا لكو سهرة فى الخلا تحت السحاب
وانا من بعيد شايفاك غريق بتقول جواب
إنك ح تيجى تقول حبيبى ليه العذاب
بينا وذكرى هوانا باقية ليه إحتجاب
ماهو لما كان التلج داب صبح سراب
ح ارفض ودادك حتى اننا نفضل اصحاب
[b]
موضوع: العتاب أقوى شئ بين الأحباب 
11/3/2010, 18:43
