النهاردة هنبدا بعلاج الهالات السوداء
مشاكل العين عموما هي.
انتفاخ تحت العين
اسمرار تحت وفوق العين
احمرار اسفل العين
تجعد الجفن
خطوط اسفل العين
تقشير ما اسفل العين
معلموات عامه واخطاء فكريه عن منطقه اسفل العين
*الانيميا سبب رئيسي لوجود الهالات و هي من اول علاماتها
*والسهر والارهاق
* دعك منطقه العين من اسوء السلوكيات اللي بتعملوها لان جلد المنطقه دي رقيق جدااااااااااا
* ممنوع اي كريم عادي او ماسك ان يوضع في منطقه اعلي العين (الجفن )
* الكونسيلر اسوء اختراع ورد لاخفاء الهالات السوداء لانه بيزيد الحاله جدا وبيخلي اللون ازرق وغايه ف السوء اذا تم اختياره بطريقه خطا
* وضع اي كريم عند منطقه اسفل العين بيكون عن طريق الطبطبه مش الدعك
لان الدعك من الداخل للخارج يسبب في ظهور حبوب ودعكها للاتجاهين يسبب ظهور تجاعيد
* عدم تنظيف العين من الماسكرا والكحل سبب رئيسي لوجود الهالات من الاصل نوع الكحل والماسكرا بيسبب وجود او عدم وجود للهالات
*طول النظر للكومبيوتر والتليفزيون والقراءه الكثيره يسبب تجاعيد الجفن العلوي
* عدم الضحك والتكشيره الكتير بيسبب تجاعيد لمنطقه اسفل العين
* النظاره من اهم اسباب سمار العين اللي محتاج علاج خاص لانها بتكثف تاثير اشعه الشمس علي المنطقه دي
* الجيوب الانفيه تسبب ضمور لوصول الدم لهذه المنطقه مما يسبب لها السمار
بديهيات للاسف هقولها
المنتجات الاتيه ممنوعه نهائي ف ماسك لمنطقه اسفل العين لانها تسبب جفاف لمنطقه اصلا مش ناقصه
الليمون / نشا / لبن نيدو / ماء ورد / صفار البيض / بياضه بردو / حلبه / ترمس/ رده / اي حاجه اصلا ممنوعه انا كده هكتب كله )
طبعا هتقولولي يا طعمين ايه ده ده اشهر ماسك للعين ميه الورد ببودره التلك / نشا + ميه ورد / لبن نيدو + ماء ورد وافتكاسه اسمها كركم وجلسرين لسه قارياها النهارده واااااااااااااااااااااااا و
كل دة خطا
لان كل دى محفزات فقط والثلج اولى انة يححفز بشرتى
يالا نكمل
اعرفي ان :
اي علاج للهالات بيكون بمحاربه السبب وعلاج العرض
اي علاج بتكون مدته من شهر لثلاث شهور بالمداومه وتنظيم النوم وتنظيم الاكل وتقليل المنهبات ومنع النرفزه والضغط العصبي
كورس لعلاج الهالات
للحالات العاديه :
وهيه اللي الهالات عندها بتروح وبتيجي وبتخف وتزيد وبتظهر ف اوقات واوقات
دي كورسها من شهر ل تلاته
الهالات الوراثيه :
بتكون نتيجه جيوب انفيه او وراثه وبتكون عميقه وواضحه جدا ونادرا ما تخف ف الحالات العاديه
دي كورسها من تلات شهور لسته
اولا وقبل كل شئ حللي انيميا اذا كانت النسبه من 12-16 تبقي ف السليم
- تظبيط النوم بمعني ان معاد نومك ما يعديش الساعه واحده والصحيان مايعديش الساعه 11 (لمده اسبوعين والله هتحسوا بالفرق ومن فرحتكم هتكملوا الشهر )
- شرب كوب ماء الي كوبين صباحا ع الريق
- الرجيم القاسي ممنوع خلال الشهر
- لا ينفع هذا الكورس ايام الامتحانات وما شابهها من ايام الضغط النفسي يعني عروسه ومتسربعه ومش بتنام من كتر التفكير ما تعملوش
- معلقتين الاكل الكبار هتحطيهم ف الفريزر وتطلعيهم بالجزء المقعر ده حطيه علي عنيكي الجفن واسفل العين
او قطعه تلج ف قماشه ومرريها براحه جدا علي اعلي واسفل العين
كل ده اقل مده ليه مرتين طول اليوم واقصي كميه كل ساعتين تعمليه
- اخذ فيتامينات مضاده للكسده وافضلهم علي الاطلاق فيتاماونت مضاد للاكسده هتاخدي كبسوله نهارا بعد الافطار واللي بياخدوا ادويه ضغط ياخدو الفيتامين بالليل مش الصبح
- ف وجبه الغذاء تقليل الدهون والمقليات واللحوم المجمده والتيكاواي خلال الشهر
- اكل طبق سلطه او توزيعها علي مدار اليوم كله واهم خضار عندي ( الجزر - الخس - البقدونس - الخيااااااااااااااااااااا ااااااااااااااااااااااااا ااااااااار - الطماطم )
خضروات لو بتحبيها اوك لكن غير ضروريه ( البنجر - الفجل - البصل - التوم )
- عمل مساج بعد كل صلاه عشان اضمن انه يتعمل خمس مرات وهو عن طريق
دعك منطقه العين اللي هيه النيني بحركه دائريه خفيفه مش تفعيص هوه
ودعك منطقه الحاجب نفسه بحركه طوليه باتجاه الشعر وبسسسسسسسسسسسسسسسسسس
لا فوق ولا تحت بيدعك
- لو بتحبي القرايه او مدمنه نت يعني بتقعدي متوااااااااااصل اكتر من ساعتين متصلتين لاااااااااااااااازم تفصلي كل ساعه براحه لعنيكي تغمضي فيها عنيكي وتعملي مساج
- لو حطيتي ماسكرا او كحل اللي همه المفروض اصلا ماركه وغاليييييييييييين لازم تجيبي مزيل ميكب خاص بالعين وده نازل من لوريال ونيفيا ولازم تجيبيهم من مكان محترم وغاليين
طب هتقطعي نفسك مش معاكي يعني ايه الرخامه دي هاتي قطنه وبلليها بلبن حليب دافي وامسحي عنيكي وبراحتك خااااااااالص ولا يهمك نضفي ع الاخر وبعد كده بمزيل الميكب العادي الغالي بردو امسحي علي منطقه اسفل العين ولو مش عندك يبقي بمنقوع البقدونس او منقوع الرده
منقوع البقدونس بتجيبي الكميه اللي عايزاها وتقطعيها وتضربيها ف الخلاط وتنقعيها ف ميه لمده اربع ساعات وتصفي الميه وتغسلي بيها وشك
منقوع الرده بتجيبي معلقتين رده وتنقعيهم ف كبايتين ميه لمده 12 ساعه ف التلاجه وتصفيهم وتستخدميهم
- كلنا هنجيب كريم شادو اوت رغم انه مش القمه بس هقولكم الاسباب
* رخيص الثمن وف متناول الجميع
* انت ف فتره لن تاتي بنتيجه الا بعد اسبوعين فحرام تستخدمي حاجه غاليه لمجرد تحفيز مش لنتيجه
* هو الكريم الوحيد الطبي الموجه من دكاتره العيون والذي لم يسبب اي اثار جانبيه علي طول استخدامه لاي نوع بشره
* هو الكريم الوحيد المسرح استخدامه لمنطقه اعلي العين الجفن
* كريم يساعد علي ازاله التجاعيد
هنحطه مرتين صباحا ومساءا طووووووووووووووووووووول فتره العلاج
-لو حبيتي تزودي النتيجه بمحفز خارجي ايضا فمن الممكن استخدام ده
* قطعتين خيار مبلله ف لبن وميه ورد يعني تنقعي الخيار الاول فيهم عشان يجيب نتيجه ( خلينا بقي زي السبا العاليه ف امريكا ) غير مسموح بيه للي سنهم تحت 18
* استخدام الزيوت يكون هكذا
النوع هو زيت جنين القمح فقط او كبسولات فيتامين E 1000 فقط
يوضع بطريقه الطبطبه وليس الدعك ويترك تلت ساعه ويزال بقطنه مبلله لبن دافي وراها قطنه مبلله ماء ورد ساقع
ليس خطرا ان يترك للصباح ولكن يفضل لاعلي درجات الامان ان لا يترك اكتر من تلت ساعه
-الاراده فالتحدي فالمثابره فالاستمرار فالنتيجه المزهله
موضوع: الهالات السوداء موضوع جامد جداااااااا 
5/12/2011, 03:11
