تفاصيل و اسباب مشاجرة العبابيد والسلطية في البلقاء التطبيقية

تذكير بمساهمة فاتح الموضوع :


تفاصيل و اسباب مشاجرة العبابيد والسلطية في البلقاء التطبيقية
تفاصيل و اسباب مشاجرة العبابيد والسلطية في البلقاء التطبيقية
تفاصيل و اسباب مشاجرة العبابيد والسلطية في البلقاء التطبيقية



اندلعت في حرم جامعة البلقاء التطبيقية اليوم الخميس مشاجرة بين العبابيد وبعض ابناء مدينة السلط اطلق خلالها العيارات النارية واستخدمت فيها الحجارة ونتج عنها حتى الان اصابة شخص بجروح لا يعلم حتى الان فيما اذا كان مصدر الاصابة حجر او رصاصة.

وقال شهود عيان ان المشاجرة اندلعت عند بوابة الجامعة الغربية بمشاركة المئات وان طلبة الجامعة غادروا الجامعة بشكل جماعي مما ادى الى حدوث نوع من الفوضى في مكان لاشتباك.

واضافوا بان المتشاجرين حطموا 8 سيارات خلال المشاجرة وان الجهود جارية لفض الاشتباك واعادة الامور الى نصابها.

وافادة مصادر رم ان المشاجرة امتدة الى السوق واصبحت بشكل اكبر مما ادى الى تدخل الامن العام حيث استخدموا الغاز المسيل للدموع لفض المشاجرة حيث قام المتشاجرون بتكسير ست باصات كما علمت مصادر رم ان المشاجرة تحولت الان الى مسيرة كبيرة.

فقرنا هو:
وزارات تقتات على ابناء الوطن
تربيه وتعليم تخّرج فراغ مطبق لكافة عقول المتخرجين
وزارة زراعة فاتحه ايديها وتدعو ان لا تمطر الدنيا لان قمحنا مستورد .
وزارة الاشغال كذلك دعائها اقوى من سابقتها لكي لا تتكشف عيوب وجيوب المفسدين .
وكل الوزارات دون اي استثناء فساد بفساد.
نحن اصبحنا بوطن مهرب بكل كياناته
بعنا كل شئ ونحن نقول نحن بخير وامان عجب !!!!!!!!!!!!!!
اذا طفلين بالحارة بتهاوشوا (بتعاركوا , بتقاتلوا ) يأتي الكبار كل واحد بيدة بندقية او مسدس او قنوة ... يقتل الواحد الاخر !!!!! هل هذا امان ؟
تم تشفيرنا !!!!! من الذي بحوزتة مفتاح فك الشيفرة من؟

لا كلام بعد كلامك هشام
تستاهل التقييم 1+

تسلم اخي سام
في سؤال محيرني هههههههههههههههههههههههههههههه
قرأت اليوم انه في 5 مليارات خليجيه دعمل للاردن صحيح !!!!!!!!!!!!!؟؟
وين طريقهن وطريق اللي سبقن؟

انا بحكيلك وين هشام
لجيبتي
ههههههههههههههههههههههههههه
اسألني هلأ من اين لك هذا

سام انا ما كان قصدي هيك
قصدي انه هاي الاشياء ضرورية للانسان وما بقدر يعيش بدونها طبعا
بس ليش هيك بتحكوا شو مطالبكم بالزبط

شوووووو كاينة مولعة هون ^^

الخبر صحيح هشام بس بعدهم ما وصلو ولو وصلو مصيرهم بكون نفس مصير كل الاموال الي بتوصلنا و بتتبخر و هذا غير الي ما بنسمع فية


اردنية مطالبنا بسيطة و واضحة
بدي بدل ما ادفع بدل سيارتي 7 الاف دينار اشتريها بثمنها الحقيقي 400 دينار او اعرف وين بتروح هل اموال
بدي بدل النفط الي بوصل الاردن ببلاش يبيعوني اياه بحق الله ولو باعوه بحق الله كان كل الاسعار عنا بتنزل
بدي لما اروح ارخص سيارتي بدل ما يدفعوني 150 دينار يدفعوني شيء رمزي
القائمة تطول ولا تنتهي من المطالب الاصلاحية

بالمختصر ما بحب حدا يسرقني او ياخذ مني فلوسي الي هيه تعبي عشان هو يتنعم فيها

ههههههههههههههههههههههه مجد
النقاش جدا حلو كان
عن الوضع بالجامعات و العشائرية المتفشية ووصل لمناقشة قضية هل نحنا بالاردن فقراء او لا

c0n@n كتب:

شوووووو كاينة مولعة هون ^^

راحت عليكي كونن
من زمان ما شلخنا روس بعض بموضوع ههههههههههههههههه

هههههههههههههههههههههههههههههههههههههههههههههههههههههههههههههههههه والله كاينة رايحة علي هالهوشة هههههههههههههههههه بس الصراحة انا معك سام بكل كلمة حكيتها بالموضوع (عفااااااااك )^^



(أردنية والفخر الي) والله يا خية انها ثقيلة وكبيرة شوي شغلة (انه مافي بالاردن فقر وانه عايشين ب1000 نعمة ) وبعدين كيف هيك قسمتي انه 6 مليون بالاردن (مع انه قربنا نصير 7 مليون ونص) بشكل انه ناس معها سيارات وخلويات ونت وابصر شو ,,,,, يختي في ناس عندك أردنيين وعايشين بالاردن وهم مش بس فقراء هم تحت خط الفقر بملييوووووون درجة

هي انا اقر ب مثال معي سيارة بس الله وكيلك قرض و الراتب طاير من اول يوم و انا لا عيلة ولا عيال
تخيلي لو انا شب و بدي اخطط لمستقبلي ب 350 د ؟

يا ناس يا عالم احنا مو بدول الخليج حتى تحكي بدي بدل سيارة وابصر شو كمان
الاردن مواردها كتير قليلة وما بتبخل علينا بأي شي
لا تطلعوا للدول يلي اكبر من دولتنا لانه الاردن غير عن دول الخليج بالخليج في نفط عشان هيك همه عايشين العيشة اللي بدهم اياها
الاردن مواردها كتير قليلة
وبمناسبة الاموال يلي جاية ما بيسرقوها اتطمنوا بدهم يزيدوا المتقاعدين والموظفين

و المليارات اللي عم تنلهف عينك عينك ؟
بعدين كيف مواردنا قليلة ؟
عنا بوتاس و فوسفات و زيت صخري

وين عائداتهم بيروحوا ؟

لا يا اردنية عندنا موارد بس كمان في عندنا (سرسرية وحرامية) ناهبين البلد باللي فيها وعايشين على اكتاف فقراء معدومين بالبلد مش لاقيين الخبز

انسي الزيت الصخري و الفوسفات ياسمين
بكفي الجمارك

تخيلي سيارتك الي اشتريتيها بست الاف او بسبع الاف ثمنها الفعلي برى الاردن 200 دولار
بدك اكثر من هيك دخل للحكومة

يعني خلينا نحسبها بطريقة ثانية
انتي رح تشتغلي عند الحكومة 5 سنين ببلاش هذا غير الي بتدفعية كل سنة للترخيص و غير النفط الي جايهم ببلاش و ببيعوكي اياه باغلى من الاسعار العالمية

و بالاخر لازم نغصب حالنا نحكي انه نحنا بالف خير
طب وينه الخير ؟
بلاش بدنا 1% من هاد الخير

ما بعرف ليش انتوا هيك بتفكروا
كيف عرفتوا انه بنهبوا الاموال ليش ما بتعرفوا انه في شي اسمه مصاريف الدولة

Jasmine collar كتب:

و بالاخر لازم نغصب حالنا نحكي انه نحنا بالف خير
طب وينه الخير ؟
بلاش بدنا 1% من هاد الخير

طبعا انا بحكي من خلال قراتي لمواضيع طول اليوم و تحليلاتي الشخصية
الايام الجاية رح تكون اصعب بكثير و فوق ما تصوري لدرجة رح توصل فيه الاسعار اربع اضعاف الحالية
و الاصلاح الي الناس بستنو فيه ما رح يجي لانة مديونية الاردن بسبب الفساد و السرقة بلغت 18 مليار و الحكومة من وين بدها اتسد
غير انها ترفع الاسعار اكثر على المواطن بالاضافة الى المزيد من الخصخصة و الي هية بالمختصر بيع لمفاصل الدولة بالاقساط
و ما تنسو هبوط الدولار سيتسبب بكوارث وخيمة على الاردن لانه سيصل الى مرحلة انه لا يسوي سوى ورق دفاتر الطلاب
و هذة حقائق مش تحليلات بس هيه عم بتصير بالتدريج

هو مش مجرد تفكير يا اردنية هي حقيقة ^^ ,,,,,,,,,,,,,,,,,

kingsam كتب:

Jasmine collar كتب:

و بالاخر لازم نغصب حالنا نحكي انه نحنا بالف خير
طب وينه الخير ؟
بلاش بدنا 1% من هاد الخير

طبعا انا بحكي من خلال قراتي لمواضيع طول اليوم و تحليلاتي الشخصية
الايام الجاية رح تكون اصعب بكثير و فوق ما تصوري لدرجة رح توصل فيه الاسعار اربع اضعاف الحالية
و الاصلاح الي الناس بستنو فيه ما رح يجي لانة مديونية الاردن بسبب الفساد و السرقة بلغت 18 مليار و الحكومة من وين بدها اتسد
غير انها ترفع الاسعار اكثر على المواطن بالاضافة الى المزيد من الخصخصة و الي هية بالمختصر بيع لمفاصل الدولة بالاقساط
و ما تنسو هبوط الدولار سيتسبب بكوارث وخيمة على الاردن لانه سيصل الى مرحلة انه لا يسوي سوى ورق دفاتر الطلاب
و هذة حقائق مش تحليلات بس هيه عم بتصير بالتدريج

هيها عم بتصير سام و مش ببطء لا الامور عم تمشي بتسارع شديد جدا
والدليل مليونية بكرا
العالم خلص طفح فيها الكيل و اقتصادنا منهار
ولساتنا بنحكي نحنا بخير

اردنية والفخر الي كتب:

ما بعرف ليش انتوا هيك بتفكروا
كيف عرفتوا انه بنهبوا الاموال ليش ما بتعرفوا انه في شي اسمه مصاريف الدولة

طيب اطلعي على كم مشروع في الاردن تم اغلاقه متل مشروع الديسي و مشروع الباص السريع و مشروع الحدائق في اربد ليه شو السبب برايك ؟
مع انه اموال هذه المشاريع جاهزة و كلفتها مسبوقة بس للاسف ما في مصداقية و الحرمية و المحسوبية موجودة .................

طيب طيب مو بس هون بالاردن روحوا شوفوا بسوريا ومصر يا ويلي عليهم عنجد
قبل سنة ابن عمي راح يعيش بمصر فصار يحكي انا ما بقدر اتحمل شو هاد شو الغلا
ولا سوريا كمان انسوا ماكلين هوا
عالاغلب كل البلاد العربية هيك بس اكتر شي مصر
ههههههه بتوقع لو حكينا بهاد الموضوع اكتر رح نمسك شعور بعضنا
الموضوع اخد حقه
على فكرة الموضوع عن الجامعة ووصلت لقضية
اها كلومة انتي ما بتعرفي شو الطروف همه اعرف بشغلهم والملك ماشي فيها للمشاريع

c0n@n كتب:

هو مش مجرد تفكير يا اردنية هي حقيقة ^^ ,,,,,,,,,,,,,,,,,

مشكلتنا شايفين و عارفين بس ساكتين

قصدك ما حد بحاسب حد لازم يكون في لجنة تراقب انجاز المشاريع الحكومية

هي هيك لازم يكون في رقابة

ظروف ايش يا اردنية هالمشاريع كلفتها مسبوقة واموالها المفترض جاهزة وبتقولي ظروف ياشيخة

c0n@n كتب:

لا يا اردنية عندنا موارد بس كمان في عندنا (سرسرية وحرامية) ناهبين البلد باللي فيها وعايشين على اكتاف فقراء معدومين بالبلد مش لاقيين الخبز

لما تحسبي انه معدلات الاجور بالقطاع الخاص اليوم تم رفعها ل 150 دينار و بالحكومي بتبلش من 150
كمان
شو رح يكفوا ابو عيلة عنده كوم لحم ؟

150 دينار تكفي عيلة ممممممممممممممممممممم والله شوفي ممكن بس بالأحلام السعيدة ^^

هلا عمي

ههههههههههههههههههههههههههههههههه
اظافري طويلة جاهزة للتشليخ هههههههههههههههههههههههههه
فواتير الماء يضاف لها مبلغ اضافي ليش ولمين رايح؟كذلك الكهرباء بتعمي القلب والرسوم الجامعية ///يا ايها التعليم المجاني لابناء الوطن !!!
لماذا فتحت الجامعات الخاصة لماذا ؟
لماذا ......

هههههههههههههههههههههههههههههههههههههههههههه

لو عالتعليم بسيطة
ما كل شي خصخصوه ما ضل غيرنا

هههههههههههههههههههههههههههههههههههههههههههه
شلخونا ام شلحونا !!!!!!!!!!!!!!!!!
كل شئ لدينا تم خصخصة حتى الكرامة تخ خصخصتا !!!
اعشق الفساد بوطن ابيحت كل ساحاته حتى الكرامة !!!!!!!!!!!!!!!!!!

و بتلومنا لما نحكي ثورة ضد الظلم ؟

يا جماعة هدوا شوي على مهلكوا
وين الانتماء والولاء للوطن ما دام هيك بتحكوا
وينــــــــــــــــــــــــــــــــــــــــــــــــه

لي كلامنا بشو بيتعارض مع الانتماء للوطن ؟

بس بتحكوا عن الفساد مين يلي بحب الفساد بالوطن اكيد
تم حذف جزء من التعليق

معلش اردنية
مع احترامي لرأيك الا انه سياسة الموقع تحضر التطرق لمتل هيك امور

هاد رأيي
واسفة كتير

معلش بعتذر منك
بس نحنا عمالنا بنناقش بموضوع النعرات و العصبيات و كلنا رافضينها

اردنية والفخر الي كتب:

يا جماعة هدوا شوي على مهلكوا
وين الانتماء والولاء للوطن ما دام هيك بتحكوا
وينــــــــــــــــــــــــــــــــــــــــــــــــه

يااختي يا عزيزتي وماهو مفهوم الانتماء والولاء للوطن ؟!!! ممكن توضحي ^^

بالاختصار المفيد يعني لازم تحاربوا كل الفساد وانا مو شايفة الفساد هاد يلي بتحكوا عنه بالاردن
دخلنا بالسياسة
المنتدى ممنوع الواحد يحكي بالسياسة فيه
انتهى الموضوع واخد حقه كتير هاد الموضوع وبلا ما ندخل بالسياسة لانه ممنوع بهاد المنتدى
النهايـــــــــــــــــــــــــــــــــــــــــة
القانون فوق الكل
والله يخلي ملكنا ابو حسين ويضل حامي المملكة
يعيش جلالة الملك المعظم
الاردن اولا
انتهينا من الموضوع

لا عيني مسموح نحكي بالسياسة وعنا سقف عالي من الحرية الحمدلله لكن ضمن حدود من غير ما نمس فئة من الناس او نسيء الها بألقاب وغيره

والله انا برأيي مشكله السلطيه والعبادي رح تضـــــــــــــــــــــــــــــــــــــــــــــل للابد
:suspect:

ان شاء الله ما بضل
بقدر ما فيه عالم جاهلة و طايشة فيه عالم عاقلة ومتزنة وهدول اللي رح يهدوا الامور ان شاء الله
لي هو البلد ما فيها قانون يعني ؟

انه شو الفرق بين السلطي و البلقاوي وليش هالعداوة بينهم ؟!!

مافي فرق بس الجهل عامي عيون الناس
و المفروض كبارية العشائر يجتمعو و يحطو حد لهل مسخرة الي ما الها طعمة
و الجامعة مفروض تفصل فورا اي طالب بحكي بعشائرية او عنصرية او اي طالب بدعو للتحريض

على ما اعتقد انه الجامعات بطلت تتساهل بهيك امور وصار فصل الطالب شيء مفروغ منه خاصة بهيك مواضيع


بتتعرف دور عليهم بتلاقيهم ولاد اخوال ونسايب ^^

الصراحة هي العداوة ما رح تنتهي وبمناسبة انه وجهاء وشيوخ العشائر يوقفوها ما بقدروا لانه همه بدهم هيك للأسف
والجامعة لازم تفصل يلي بعمل هيك كمان ما بقدروا يفصلوا لانه رح يعملوا مشاكل اكبر واكبر
وبعدين هلأ العبابيد والسلطية متل الفلسطينية واليهود للأسف

شكلك من السلط يا اردنية

طيب على شو المشاكل وليش لتوصل العداوة بينهم لهالدرجة شو السبب يعني ؟!!

انا قرأت انه الكاميرات صورتهم وانهم معروفين ورح يتقدموا كلهم للقضاء

اها انا سلطية
السبب انه اكتر المشاكل مع العبابيد كل ما نسمع مين عمل هيك بحكوا العبابيد طبعا هاد الحكي كان قبل 6 سنين لهاد الوقت
قبل 5 سنين في واحد عبادي طعن سلطي والسلطية ما سكتوا بهداك الوقت المهم هديت الامور وعادي الوضع
بعد كم شهر العبادية عملوا مشاكل مع السلطية وهيك صارت
وقبل 2 طعنوا سلطي وولعت بالسلط مشاكل
والسنة الماضية نفس الشي
وهلأ طبعا ما رح تعدي على خير الله يستر
وهيك صاروا يكرهوا بعض متل اليهود واكتر
للأســـــــــــــــــــــف حتى الاطفال صاروا هيك
هي هيك دايما يا ياسمين بكون في كاميرات وبدخلوهم السجن بس ما بعقلوا

اووووووووووووووووووووووووووووووووووه مش طبيعي الوضع عندكوا الصراحة ما اتصورت انه هيك الخلافات

الحكي ولا شي طبعا
غير عن الواقع
قبل سنتين متنا الا شوي من ريحة الغازات
متل عايشين بفيلم رعب والله

ما اقل من عقل السلطية غير العبادية ولو بستحو عحالهم ما بفرجو العالم علينا و هضول طلاب جامعه يروحو يرعو بغنمات مش احسنلهم من قرايتهم و العبادية متبرين منهم ومن هيك اشكال مش محترمة


عبادي حر

الله حيوووو
السلطية والعبادية اخوان ما بصير هيك والله

هلا باخونا العبادي الحر السلطية و العبابيد اخوان من زمان بس شباب الجامعات قالبينها عشائرية و اكيد كبار العشائر ما بيتصرفوا هيك تصرفات همجية

عبادي عبادي كتب:

ما اقل من عقل السلطية غير العبادية ولو بستحو عحالهم ما بفرجو العالم علينا و هضول طلاب جامعه يروحو يرعو بغنمات مش احسنلهم من قرايتهم و العبادية متبرين منهم ومن هيك اشكال مش محترمة


عبادي حر

الله محيي اصلك وهاد هو الكلام الصح
بالنهاية كلنا اهل و اخوة شو خلينا لاعداءنا ازا كل غلنا طلعناه على بعض ؟

اها شايفة كيف
انا سلطية وهو عبادي
بس عقولنا معنا
ويلي عقله براسه بعرف خلاصه

السلط: "البلقاء التطبيقية" تخلي طلبتها وتعلق الدوام رسميا إثر مشاجرة عشائرية كبيرة

علقت جامعة البلقاء التطبيقية في السلط دوامها رسميا اليوم وأخلت طلبتها، بعد أن تجددت صباح اليوم مشاجرة تخللها تراشق بالحجارة وإطلاق للعيارات النارية في الهواء من أسلحة أوتوماتيكية في محيط الجامعة، فيما استخدمت قوات الدرك التي تطوق المكان بكثافة، الغاز المسيل للدموع لتفريق طرفي الشجار، وأغلقت قوات الأمن جميع الطرق باتجاه الجامعة لمنع أعداد كبيرة كانت تتوافد إلى مكان المشاجرة للمشاركة فيها.
وتسببت المشاجرة بحالة من الخوف والهلع بين الطلبة والموظفين، في الوقت الذي امتنع فيه المسؤولون في الجامعة عن الرد على هواتفهم.
وكانت مشاجرة كبيرة وقعت الخميس الماضي، بين أبناء تجمعات عشائرية مختلفة في محافظة البلقاء، إثر قيام أحد الطلاب بكسر يد طالب آخر بسبب خلافات سابقة.
ويعقد رئيس الجامعة اخليف الطراونة اجتماعا في دار محافظة البلقاء مع عدد من وجهاء عشائر السلط والعبابيد بحضور المحافظ فواز ارشيدات، وذلك لوقف حالة الاحتقان واحتواء المشاجرة ومنع امتدادها، خصوصاً وأن أعداداً كبيرة من خارج الجامعة بدأت تتوافد إلى المكان للمشاركة فيها.

عنجد احنا بحرب
الاوضاع سيئة