مادمت تنشد يارفيقي .. عن الحال ..

مسااااء القلوب الطاهرة .. مساااء الخير لكل عشاااق الشعر

مادمت تنشد يارفيقي .. عن الحال ..
مالي على .. كتمانها عنك .. حيله ..

الصبر عن بوح الاحاسيس .. قتال ..
والبوح في بعض المواقف ، فشيله ..

لو كل مايطري على البال ينقال ..
ماكان شفت ان الثقيله .... ثقيله..

ابطيت اكافح ضيقة البال بالبال..
وادفع بلا .. هاجوسها كل .. ليله..

لين اقبلت مثل .. السحابه بهمال..
تشفي غليل اللي .. تزايد غليـله ..

طاحت ، ولاْوفق من حناياك منزال ..
وابطلبك .. يابدر ( تكمى ) المخيله..

ان قيل ترعد .. قلهم : صوت زلزال..
وان قيل تبرق .. شف لها ادناة حيله..

مابي .. تناقلها هل القيل والقال ..
وتصير من بعد القصيره .. طويله ..

يابدر .. !!
يابدر .. ماني عال .. لو صحتي عال..
شفني من الصدمات نفسي عليله..

اشيل حملٍ .. لو يشيلنه .. جبال ..
الله ، وامانه .. غير تصبح نثيله..

أرمي .. من هموم الزمن .. واسحب أدبال ..
وانزل عن ( الجوكر ) وغيري يشيله..

من كثر ماشفت بحياتي من انذال ....!!
بديت اشك ان النذاله ... فضيله ..

ماطاح من عيني رجل ..!! طاحوا .. رجال ..
ورجال ( يابن حنيف ) ماهي قليله..

اقرب من اللي قالهم ضمن ماقال .. :
راكان بن حثلين .. راعي الجزيله..

( هذا .. ولد عمٍ ، وهذا .. ولد خال..
وهذا .. رفيقٍ مالقينا .. بديله )..

سبحان منهو يابدر غيّر الحال ..!!
وحط الجفا بين الخليل .. وخليله ..

هذا الزمن يبغاله .. لسان دلاّل .. !
من يستحي هالوقت .. واعزتي له..

وقتٍ به ( الراعي ) غدى .. راعي دلال..
كلٍ على طاريه .. ينفض شليله ..!!

ومن كان ساسه للردى مضرب امثال ..
اليوم .. يحسب من كبار القبيله ..!!

المال .. يابن حنيف ملعون .. ابو المال ..
.. ذل العزيز .. وعز .. ناسٍ ذليله ...!!

لو كل مايطري على البال ينقال ..
ماكان شفت ان الثقيله .... ثقيله..

والله انك فرجت همي بكلماتك هذه .. فيها من الروعه ما هو اكبر من ذلك
شكرا كتير لك اخي اويس .. ادامك الله ذخرا ..
تحياتي

ابو سمور كتب:: لو كل مايطري على البال ينقال ..
ماكان شفت ان الثقيله .... ثقيله..

والله انك فرجت همي بكلماتك هذه .. فيها من الروعه ما هو اكبر من ذلك
شكرا كتير لك اخي اويس .. ادامك الله ذخرا ..
تحياتي

في البداية استاذي ..

اسأل الله جل في علاه ان يفرج همك ويرزقك السكينة ..

ثانيا استاذي ... ما هى الروعة

ان لم تشاركها أنفاسك النقيه

ممتن حد الكون وربي لهذا الحضور الرااقي

فلك ود يليق بجمال روحك

كلمات رائعة صوغتها بحرفة وسلاسة

ونقلتها في احساس بمنتهى القوة

الله يعطيك ألف عافية أخي اويس

على ابداعاتك

ام امين كتب:: كلمات رائعة صوغتها بحرفة وسلاسة

ونقلتها في احساس بمنتهى القوة

الله يعطيك ألف عافية أخي اويس

على ابداعاتك

سيدة المنتدى الراقية

بحضورك أشعلت الشمعات لتضىء لك كل الزوايا

واسعدت بـ رذاذ ضوءك ...

لك غابات من الياسمين لتواجدك الاخاذ

مادمت تنشد يارفيقي .. عن الحال ..

» استماع وتحميل انشودة جاء يشوف الحال كيفه سلوم السلوم 2013 , فيديو يوتيوب انشودة جاء يشوف الحال كيفه سلوم السلوم 2013 , تحميل انشودة جاء يشوف الحال كيفه mp3
» لا تنشد عن احوالي ( عزة نفس )
» سبحان من بدل الحال
» عشر كنوز ( اغتنمها مادمت فوق الارض )
» صور الطفلة سارة قاسم التى تنشد مع فرقة طيور الجنة 2012