الانسان الحساس كيف تتعامل معه؟

السلام عليكم ورحمة الله وبركاته




في حياتنا اليومية نرى الكثير من الأُناس الغير عادين!! والمقصود انهم حساسين ورومانسيين ..
قد يعتقد البعض ان الانسان الحساس مريض ويجب معالجته

وقد يعتقد البعض الآخر ان الاحساس الزائد لدى هذا الانسان هو فطرة وليس مرض
ويعتبره شيء عظيم وجدير بالاحترام


ماذا يعني الانسان الحساس بنظرك ؟؟

وكيف نتعامل معه بأسلوب لا نجرحه ولا نحرجه ؟؟

إن كنت انت انسان حساس كيف تحب أن يتعامل معك الآخرين؟؟


لا حظت ان أكثر الأخوة يمتازون بحس مرهف.. بقلب طيب .. صدق مشاعر .. حزن داخلي .. ألم مكبوت .. هم مدفون .. احساس دفين

مما دفعني لأن اطرح هذا الموضوع لكي نناقش فيه كيف نتعامل مع من هو بحاجة إلى معاملة خاصة


فأرجو أن أرى آرائكم وتصوراتكم عن هذه الصفة لدى بعض الناس ....

انا انسانة حساسة ورومانسية ومرات الصفات الحساسة محرجة جدا لانه من مواقف بسيطة جدا بصير اتحسس واحيانا بحسها صفة رائعة والحمد لله

هو اي شخص بكون حساس اكيد وممكن تجرحه اي كلمة لكن الصراحة في ناس حساسين زيادة عن اللزوم والواحد بخاف يحكي معهم كلمة يجرحهم و( تهر ) دموعهم وهااااااااااااات رقع بعدين ,,,,,,,,,,,,,,, الصراحة ممكن اتعامل مع الاشخاص الحساسين ضمن المعقول لكن اللي بزودوها هدول مابعرف ولا رح اعرف بيوم من الايام اتعامل معهم ولابدي اعرف ههههههههههههههههههههه

مشكووورين لمشاركتكم اللطيف,,,


هههههههههه مجد

في الناس الحساسة كتيير مصيبة


انا كنت حساسة كتيير وكنت مجننة اللي حواليي

بس الحمدالله هلا خفت كتير عن قبل


منتبهة ع حالي بلا ما اجنن اللي قبالي


نورتووووووو صبايا

هل موضوع كثير حلو حلم و مهم جدا
انا بعاني كثير من هل موضوع و بتهموني اني بدب الحكي دب مع اني ما بكون قاصد فية شيء او مش قاصد اجرح الي قدامي بس يمكن بكون صريح كثير و بعرفش اخبي شيء جواتي و الي بقلبي على لساني و هل موضوع ان شاء الله يفيدني بالتعامل مع الشخص الحساس
و هو الشخص الحساس اطيب نوعية من البشر و بالرغم من غلبتة الا اني ما بحب اتعامل غير مع الحساسين على الاقل فيهم مشاعر و انسانية اكثر من غيرهم

نورررررررررررت كنج,,,


ان شاء الله تستفيد منه ,,

الانسان الحساس بتلاقي صعوبة بالتعامل معه كتير

ومصيبة اكبر لما تكون بنت

سام على هيك الله لايوقع حدا حساس بين اديك لانك رح تدمره لانه اللي مثلك اللي بقلبه على راس لسانه كثير صعب يتعامل مع حدا حساس لانه اللي بده يتعامل مع هيك ناس لازم يحاسب على كل كلمة وكل نظرة كل عشان ماينجرح ....................... سؤال لو سمحتم (هل الانسان الحساس هو انسان منقاد لقلبه ومشاعره فقط وألغى دور العقل بالتعامل ؟!!! ) هل هم فعلا الاكثر انسانية وهم اللي فيهم المشاعر الصادقة ؟!!

السؤال الثاني بجوبك بنعم
الانسان الحساس هو اكثر انسانية بس بدك تنتبهي و تفرقي بين الحساس و الي مش حساس لانة لو سالتي الكل بقلك عن نفسة حساس
بس الاغلبية و بنسبة 99 بالمية هم البنات الي حساسين زي ماحكت حلم

طيب شو بالنسبة للسؤال الاول هل هو انسان منقاد لقلبه ومشاعره فقط ؟!!

خليني ابين وجهة نظري , بشوف انه نعم هم اشخاص منقادين لمشاعرهم ولقلبهم وهالاشي مش عملي ومابنفع بالحياة ومش دايما بتلاقي حدا يراعي مشاعرك ويحاسب على كلمة بحكيها لانه مثل مافي نسبة من الاشخاص الحساسين في نسبة كمان من الاشخاص الصريحين , اما بالنسبة لانهم الاكثر انسانية وهم الاصدق بالمشاعر مش بالضرورة لانه الانسانية موجودة عند الجميع وهي شيء فطري بداخل كل انسان وصدق المشاعر لايتمثل بدموع تفيض عند اول كلمة ممكن اكون صارمة بتعاملي مع الاخرين لكن بنفس الوقت عندي مشاعر صادقة وانسانية

الانسان الحساس اكثر رقة بحب اتعامل معهم

انا راح جاوبك مجد على سؤال:_

(هل الانسان الحساس هو انسان منقاد لقلبه ومشاعره فقط وألغى دور العقل بالتعامل ؟!!!

نعم وبشدة كمان,

انا بحكي عن تجربتي أنا
انا بأي شغلة سواء كانت كبيرة او صغيرة ما كنت افكر ولو لحظة بعقلي

كنت امشي مع مشاعري وعواطفي وارووح في ستميت داهية

بس لما وعيت ع حالي لئيت حالي هبلة والكل بيضحك عليي

ومستهبلني,,


) هل هم فعلا الاكثر انسانية وهم اللي فيهم المشاعر الصادقة ؟!!

كتييييييييييييييييييييييييير حنونين وبيحبو اللي قبالهم بسرعة وبدون تفكير

ومشاعرهم كتير سادئة وكلامهم

وتفكيرهم باللي قبالهم دايما كويس

ما بسيئو الظن بحدا


بس المصيبة انه مو ماشي مع حد بهالايام

اللي بيشوفوه هيك بيستهبلوه