قبل الكلام عن الاخصاب المساعد.....فيه معلومة مهمة جدا و هى
ان اى زوجين سلام 100% نسبة الحمل كل شهر من 20 الى 25%
عشان لما نقول النسب فى الاخصاب المساعد نبقى عارفيين بنتكلم على نسبة نجاح اد ايه.
والاخصاب المساعد دة 3 اقسام:
التلقيح الصناعى
الحالات اللى بتحتاج للتلقيح الصناعى:
-الحالات اللى الامل فى حملها طبيعى متواجد بس محتاجيين نزود نسبة نجاهم شوية.
-كون الزوج كبير في السن او سريع الانزال.
- او لما بتكون مواصفات السائل المنوي من النوع الرديء ، فيكون فيه عدد نادر من الحيوانات المنوية اللي مش بتقدر بحركتها الخاصة عبور المسالك التناسلية عند المرأة.
- او اما بتكون عندها ما يسمى بتشنج المهبل و دة المقصود بيه ان الزوجة بتنقبض عند حدوث جماع فمش بتسمح للسائل المنوي بالدخول.
-و آخر حاجة ان الزوجة يكون عندها مرض مناعة ذاتية ضد مني جوزها بتقتل المني.
و النجاح بيكون فى التلقيح الصناعى من 25 الى30% يعنى حنزود نسبة النجاح شوية.
نيجي لمتطلبات نجاح التلقيح الصناعى:
ان يكون عند الزوج حيوانات منوية لا تقل عن 5 مليون مع نسبة معقولة من الحيوانات الغير مشوهه والسريعة بس اهم حاجة العدد
لان السرعة دكتور المعمل ممكن يحط ادوية و منشطات للسائل المنوى عشان يحسن كفائته.
طيب ايه هي الحالات اللي لا يصلح معاها التلقيح الصناعي:
- انعدام النطف المنوية في سائل الرجل.
- موت بعض النطف و لا ينفع العلاج في اعادة حركتها.
- انعدام القذف عند الزوج او انعدام السائل المنوي في المهبل و دة
بيحصل نتيجة استئصال البروستاتا
- وجود صلة قرابة بين الزوجين ...... و دة بيخلي كرموزمومات الزوج غير متوافقة مع كروموزومات الزوجة
الطريقة:
الزوجة بتاخد منشطات عشان تكون بويضات اكتر ذى التنشيط العادى و بتابع التبويض و لما البويضة تنضج و توصل لمقاس 0.18 بتاخد ابرة تفجيرية قبل ميعاد التلقيح بـ 36 ساعة تقريبا وقبل الميعاد بساعتين بناخد عينة من الزوج بيودوها المعمل و يحسنوها و بتاخد العملية دى تقريبا ساعتين
و بعدين الزوجة بتيجى و كأنها بتكشف كشف نسا و بيفتحو عنق الرحم و بيحطو سائل الزوج فى حقنة بس بدل الابرة بتكون تيوب طويلة و رفيعة جدا جدا التيوب دى بتدخل من عنق الرحم و بيتم حقن السائل المنوى فى داخل الرحم بتاخد العملية دى 5 دقايق تقريبا و مش موجعة خااااااااااالص
بس بشرط انك متشديش اعصابك و حتى اذا شديتى اعصابك بيكون وجع بسيط برضو "ودا رأى واحدة جبانة ذيى" و ترتاحى نص ساعة بالكتير او لأ على حسب رأى الدكتور وخلاص و تستنى لحد ميعاد الدورة و ممكن الدكتور يكتب دفاستون او اى مثبت.
الحقن المجهرى
نحتاج فى الحقن المجهرى حيوان منوى من الزوج قدام كل بويضة تنتجها الزوجة و نحتاج بويضات سليمة و حجمها كويس من الزوجة.
الطريقة:
فى طريقتين للتنشيط للزوجة طريقة طويلة و هى بتكون من اليوم الـ 21 للدورةاللى قبل الدورة اللى حنعمل فيها الحقن و الطريقة القصيرة بتكون تانى او اول يومللدورة... و اللى بيحدد انهى طريقة حالة الزوجة و عمرها والدكتور برضو.
بتاخد الزوجة ابر تحت الجلد و فى رابط بيبين بتتاخد ازاى
[ندعوك للتسجيل في المنتدى أو التعريف بنفسك لمعاينة هذا الرابط]و دى بتبتدى من اليوم الـ 21 و دى بتكون عشاننتحكم فى التبويض و ميحصلش اباضة قبل ما ناخد الابرة التفجيرية
و بناخد ابر تنشيط بتكون بودرة + ماية و الدكتور بيحدد كام واحدة بودرة وكام مرة فى اليوم و برضو على حسب الحالة
و بيعمل سونار عشان يتبع التبويض
و قبل سحب البويضات برضو بـ 36 ساعة بتاخد ابرة تفجيرية و بتم عملية سحب البويضات تحت بنج كلى و طبعا بتبان جودة البويضات بالظبط لما بيخرجوها برا و بياخدو عينة من السائل المنوى للزوج أما بالطريقة المعتادة او باخد خزعة من البربخ "اسمه كدة"
و بياخدوا حيوان منوى سليم و مش لازم يكون بيتحرك المهم ميكونش مشوه و يحقنو البويضة بيه و يتركوا البويضة لحد ما تنقسم و تكون جنين
وبعد يومين او 5 بالكتير بيتم ترجيع الاجنة داخل الرحم و ممكن بيكون تحت بنج كلى اولأ و نسبة النجاح بتكتر لما عدد الاجنة اللى بترجع يكتربرضو.
4 اجنه = 40%
3 اجنة 35% =
جنينين = 25%
جنين واحد 17%=
و الافضل انه يرجع جنينين بالكتير عشان اذا زود الاجنة بتزيد نسبة حدوث تواءم و دا بيعرض الزوجة لمخاطر الاجهاض....وبتاخد مثبتات لحد مدة 14 يوم و تعمل تحليل دم عشان تشوف حصل حمل ولا لأ.
اطفال الانابيب
ذى الحقن بالظبط بس بيختلف فى المعمل انهم بيسيبوا الحيوان المنوى مع البويضةمن 12 الى 18 ساعة لحد ما الحيوان يروح لوحده يخترق البويضة.
معلومة مهمة جدا الابرة التفجيرية فيها هرمون حمل فاذا عملتى تحليل قبل 11يوم من يوم اخد الابرة حيظهر انه فيه حمل فلازم نستنى اكتر من 11يوم....عشان انا عارفة القلق مش بيخلينا نستنى لحد 14يوم
موضوع: وسائل الإخصاب المساعد 
22/10/2011, 18:45
