ما ذنب احب الناس للقلب...

ما ذنب احب الناس للقلب ...
بقلم : عمر قديسات ابو صهيب

ما ذنب الزوجة ؟
اذا عاد الزوج من عمله للبيت و خلقه (فاير ) لان المواصلات (زحمه) او سعر البندوره (بالعلالي) ...
فما ذنب الزوجه (يفش خلقه فيها) ؟؟؟؟؟؟؟؟؟؟؟؟؟؟؟؟؟؟
(خيركم خيركم لاهله)

ما ذنب الابناء ؟
اذا عاد الاب للبيت (طالعه روحه) لان رقيب السير (طسه) مخالفة زيادة سرعه او مغلوب (دكين) زهر...
فما ذنب الابناء حتى (يرفش) ببطونهم ؟؟؟؟؟؟؟؟؟؟؟؟؟؟؟؟
(زينة الحياة الدنيا)

ما ذنب الاخوة والاخوات ؟
اذا عاد الشاب للبيت (مخنوق) لانه عاكس فتاة في الشارع و(قللت هيبته) او الفريق الذي يشجعه (انغلب)...
فما ذنب الاخوة والاخوات ان يتدرب بهم (كراتيه) ؟؟؟؟؟؟؟؟؟؟؟؟؟؟؟؟؟
(اشقاء الروح)

ما ذنب الوالدين ؟
اذا عاد احدهم للبيت (قرفان) لان الحكومه رفعت اسعار مشتقات البترول او (بنشر) عجل سيارته في عز (الشوب)...
فما ذنب الوالدين ان يسمعهما التأفف ويحملهما الف جميله لانهم يعيشون عنده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
(وبالوالدين احسانا)

هذه اخلاق سيئه يمجها الذوق السليم وتاباها الفطرة النقيه .....
لما لايكون لهولاء الاحبه كل معامله طيبه وحسن المعشر ...
ما ذنب احب الناس للقلب؟؟؟؟؟؟؟؟؟

كل اطباعنا هيك يا ابو صهيب وخصوصا برمضان كل واحد بفش غله بالثاني ومش متحملين بعض ويا ريت كل واحد يتفهم هالحكي وهاي مشكلة كل يوم منواجهها بالعمل او بالمواصلات

السلام عليكم
نورتي الموضوع يا وعد
اذا كانت طباعنا هيك كما قلتي فهذا مرفوض !!
يجب ان نسيطر على هذه الطباع ونصرفها بالوجهة السليمه .
ولا ينعكس ما نواحهه بالعمل او في الشارع سلبا على من نحب

شكرا لكم

اكيد اخي الواحد على قد ما يكون عصبي الا يتحكم باعصابه و يطبق قاعدة 10 الى 90 على ان يفكر اكثر قبل ما يتصرف بشي

<<<<<<<< بس في مواقف صعب تتحكم فيها على قد ما يكون الانسان متحكم باعصابه

السلام عليكم
شكرا لمرورك بموضوعي اخت كلام
اوافقك ان الانسان لا يستطيع التحكم برد فعله احيانا لكن ليس هذا الذي قصدته
في موضوعي بل قصدت رد الفعل الغير مباشر والذي يقع على اناس نحبهم وهم براء
من سبب الغضب او النكد ،( يعني ليش انفش غلنا فيهم وهم مش السبب ) .

اسعدني مرورك
شكرا لكم

ههههههههههه صدقنى غلطهم انا لما بشوف واحد عصبي بتحاشاه ببعد عنه او ما برد عليه الا لما بيهدا احسن حل عندي

السلام عليكم
المهم انت تمسكي اعصابك وماتعصبي كثير



شكرا لكم

العصبية بايدنا و نحن نملك الوعي الكامل في التصرف

السلام عليكم
شكرا لمرورك يا كلام والله لايجيب العصبيه



شكرا لكم

c0n@n كتب:

السلام عليكم

يعطيك العافية ابو صيب مقال جميل يطرح مشكلة موجودة باغلب البيوت وهي (عدم الفصل بين مايحدث مع الشخص خارج البيت سواء مع اصدقائه او بالشغل او ...الخ وادخاله الى البيت وبدء مسلسل "فشة الخلق ") وهون بنحكي للموجودين بالبيت "اتحملوا يا مساكين "!!! ...........لكن لحظة من فضلك لكل شخص برجع من برا البيت وحامل معه كل مشاكله اللي صارت وبمجرد فتح الباب يرميها بوسط بيته ومنها ترتفع الاصوات وتتولد مشاكل جديدة سواء مع الزوجة او الاولاد او الاخوة او الوالدين (ينظرك هم مجبرين يتحملوا عصبيتك وصياحك .!!!.........طيب ليش؟!! هل لانك الاب !!! وهل هكذا يكون تعامل الاب مع اسرته ........ام لانك الابن الاكبر وجزء من راتبك بكون للبيت ؟؟!!! وهل هكذا تكون ضريبة الانفاق والمساعدة بالبيت...............ام لانك تعمل طوال النهار وبترجع تعبان فلازم تعصب؟؟!! طيب يا اخي هو مافي حدا بشتغل غيرك.............),,, للاشخاص اللي مابفصلوا بين برا البيت و داخل البيت انت نفسك ماتعرضت لهيك موقف مشابه على مستوا العمل "اذا مديرك وصل معصب وصار يتفشش بالموظفين وانت احدهم..........بتقدر توصف مقدار النكد الحاصل من هالشغلة؟!!" واكيد كل الموظفين رح ينتقدوه ومع ذلك اغلب الموظفين رح يحملوا هالنكد للبيت معهم ............................. دعوة لانه نخلي مشاكل الشغل بالشغل ومشاكل البيت بالبيت ومشاكل الشارع بالشارع وووووووووالخ هيك بتكون حياتنا احلا بكثير

السلام عليكم
كم اسعدني ردك اخت مجد ونقاشك الجاد لهذا الموضوع الحساس ،... وللعلم فان كثير من المشاكل الاسريه تحصل نتيجة هذه الحاله ، فليت الناس
يحاولوان الفصل بين مشاكل العمل او الشارع والحياة مع الاسره ، وهذه يتطلب وعيا منا واراده حازمه للسيطره على الانفعالات وردود الفعل الغير مبرره
. ولو دققنا بالموضوع لوجدناه على درجه عاليه من الاهميه ، فكم مشكلة حصلت داخل الاسره لسبب بسيط جدا ، علما ان السبب الحقيقي هو عدم الادراك
عن الاب او الابن لحقيقة مشاعره المثاره خارج البيت وينقلها لداخل البيت بتسلط ومفهوم السياده .
اسعدني نقاشك ورايك .

شكرا لكم