ما هو النيش ؟
النيش ده عبارة عن دولاب يحوى 2 ضرفه او اربع ضرف
وجه النيش من الزجاج والجانبين ايضا زجاج الظهر من الخشب
يوضع بداخله طقم الصيني واطقم الشاي والقهوة والكاسات ....وهكذا
-اول حاجه فى طقم النيش ومن الضروريات طقم الصينى وده بقى لازم تنقيه بعنايه فائقه قوله ليه لانه طقم العمر يعنى مابيطلعش الا للغالين
وغير كده لازم يكون فخم وشكله حلو وكل ماكان رسمته ارق كان اشيك وعلى فكره مش لازم يكون غالى يعنى فى انواع حلوه اوى ومش غاليه وفى من كذا سعر ويناسب كل الازواق واسعاره متدرجه بس الاهم ان خامته نظيفه بس بامانه
2-طقم الاركوبال وده تانى حاجه فى الاهميه وانا هقول لكم احسن نوعين وهما اولا الفرنساوى وده انضف نوع لانه بيعيش بس مشكلته ان رسماته محدوده وراح عليه الزمن لكن التايلندى احلى فى الشكل وعدد قطعه اكتر كتير وتقدرى تستفيدى منها وتقرينا سعرهم فى السوق واحد بس انا انصحكم بالتايلندى
3-طقم الجاتوه وده اختيارى يعنى فى ناس بتجيبه وناس لا كل واحد ومقدرته وده عشان تحافظى على الصينى بتاعك وعلى سبيل التغير ومش كل ماهيجيلك ضيف تجرى على النيش وتجيبى طقم الجاتوه بتاع الصينى يعنى ممكن للنيش او للمطبخ حسب فخامته
4-طقم البيركس هو للمطبخ بس انا هقوله دلوقتى قبل مانسى واحسن نوع الفرنساوى الفميه منه شكله يجنن
5-الكاسات هاتى 5 للنيش وواحد شيك للمطبخ وتكون اسعارهم متهاوده بس احرصى ان يكون فيه واحد غالى وشيك اوى
6-قطقم العصير تجيبى 2عدد بشفشقهم واحد كبياته بكاسات وواحد كبياته طويله زى العصير وتجيبى واحد للمطبخ مش غالى وفى نوع جديد فى المطبخ زجاج سعودى ضد الكسر تحفه
7-كبيات عصير شكلها حلى اوى هاتى 3 كويس اوى ويكونوا اشكال مختلفه
8-طقم الخشاف فى نوع رخيص وحلو اوى وهو الايطالى شيك جدا وماركته كويسه وفى الانواع الصينى الجديده شكلها حلى بس الايطالى احسن ودى ازواق
9-طقم الجيلى واهم حاجه فى الجهاز طقم الجيلى وده كلام احمد حلمى مش كلامى نصيحه بقى هاتيه بقاعده من تحت عشان يمشى جيلى وايس كريم خليكوا ناصحين
10-بونبونبره شيك اوى
11-تحف صغيره كده بتعطى شكل جميل اوى وماتنسوش حاجه مهمه مفارش النيش فى ناس بتاخد الى مع مفرش السفره وانا راى اشتريهم لواحدهم هما مش غالين
12 ياجماعه فى فرق بين النيش والديفرسوار لو عندك لآ أن دى بنتختلف حطى فيه طقم صوانى تقديم استانلس شيك اوى وشنطة المعالق واطباق الصينى والاركوبال وخلى النيش للزجاج والتحف بس حسب حجمه يعنى تظبطى النيش والباقى عليه
[ندعوك للتسجيل في المنتدى أو التعريف بنفسك لمعاينة هذه الصورة]
موضوع: للعروسة طرق ترتيب النيش بالصور 
26/8/2011, 21:12
