حبيتك من لغربا ل

قصيدهـ
************************
جيتك من الغربال والظلم والياس..!!

جيتك ودمع العين وشلون ارده..!!
جيتك من الحرمان والبعد محتاس ..!!
جيتك وقلبي باح سترة وسدة ..!!
جيتك وأنا من غربتي دايخ الرأس ..!!
وهموم قلبي كنها بحر جده..!!
جيتك وانا قلبي لهب شوق واحساس..!!
وهديت لك شوقي وقلبي ووده..!!
جيتك بعد ماصاح بالعقل وسواس..!!
جيتك أبي عطفك وقلبك يرده..!!
جيتك ونبض القلب نغمه ومرواس..!!
ملهوف من بعد العنا والمكده..!!
جيتك أعض أبهام كفي بالاضراس ..ّ!!
مجنون عينك عاف ريش المخدة..!!
جيتك وأنا حبي من الصعب ينقاس..!!
والقلب لعيونك صبر فوق حده..!!
جيتك وكن القلب نيشان فراس ..!!
يعني مصاب ومنجرح بـك بشدة..!!
جيتك ولو راس القهر يوم ينباس ..!!
يرحم لبوسه وأن بغأ بست يده..!!
جيتك وريقي والمعاليق يباس..!!
من حر نار بالحشا مستبده..!!
يادر يايقوت ياصافي الماس..!!
وشفيك قلبي شايل السيف ضده..!!
مأقلت لك قلبي ضعيفاوحساس..!!
فاشل وهذا الحب ماني بقده..!!
ماقلتلك قلبي لحم دم وانفاس..!!
لوجاه سيفك كيف ممكن يصده..!!
ماقلتلك أنتي مثل بارد الكاس..!!
يموت قلبي حر وأنتي بيده..!!
بنيت لك بالقلب حبا على ساس..!!
لو جاه زلزال الزمن ما يهده..!!
شعره من رموشك تعادلي أجناس..!!
وأنت امل ضايع وأريد أسترده..!!
لوكنت انا بالهند وانت بتكساس ..!!
نفس الامل في قربكم نستمده..!!
ان جيتلك مثلي مثل باقي الناس..!!
وأن رحت ما قلتي عسا الله يرده..!!
وانتي معي عمري وروحي والاوناس..!!
اموت واحيا كل ماغبت مده..!!
غيرك ولو جاني وهو خاضع الراس..!!
مرفوض لو قدم شفاته وخده..!!
حرام أبدل صافي الماس بنحاس..!!
الفرق بالمليون محدا يعده..!!
كله وفا لعيون حلوة ونعاس..!!
يبقى مكانك والبشر ماتسده..!!
اللي يبي جرحك بالاقدام ينداس..!!
يلعن خوالة مع عمامة وجده..!!
انا معك لو صار قلبك بهوجاس..!!
وانا معك في كل ضيقه وشده..!!
يعني احبك حب نساني الناس..!!
حرام قلبي بالكسايف تمده..!!
مرات في سيفك ومرات بالفاس..!!
ومرات خنجركم ضميري يقده..!!
لو قلت وشبك تجرحيني ولا بأس..!!
أكيد عذرك جاهله؛ مستجده..!!
عذرك بعيني صار عسكر وحراس..!!
يمنع مجاليس الغلا والموده..!!
أباانسحب وأنتي على العين والراس..!!
لي قلب مهما صار ما خان وده..!!
لي قلب سبة غيرته يضرب أجراس..!!
غيره وزاده بين فتره ومده..!!
أكبر خطاك أنك سبب كل الأتعاس..!!
للي يقول الروح لكـ مستعده..!!

حلو كثير هالشعر وتضحية رائعة

تشكر لك مرورك الغالي المميز تقبل تحياتي وتقديري