من عـوّد أحلامـك إذا نمـت تاتيـك
.................... وآنا إذا ما نمت .. ( انته ) تجينـي ؟
وشمعنى يعني يا بعـد عيـن مغليـك
.................... مستكثرن هالنوم .. لا جـا يبينـي ؟
يمكن على بالك إذا نمت .. أخلّيـك ؟
.................... هو من متى قلبي انـا فـي يدينـي ؟
روح و تعال و شوف لو كنت ناسيـك
.................... وافرض أبنسى .. مِن ينسّي حنيني ؟
البارحه في رَمشَـتْ العيـن أناديـك
.................... وانته قبالي .. وألعَنِه .. رَمش عينـي
ما ابغاها عيني لـو ثوانـي تجافيـك
.................... يعني بعد تلقـاك .. وقتـه تلينـي ؟!
خوفي على عيني إذا غـاب طاريـك
.................... في لحظة ( الغمضَة ) توادع سنينـي
( الحب أعمى ) وش بلا العين تبغيك ؟
.................... معقوله يعني كلّ ذا ( كـره ) فينـي ؟
من زود ( حبك ) حتى إبليس يغويـك
.................... يبغي عبر ( حضرتك ) يعبـر لدينـي
أرجـوك لا تفتـح مَعابـر تـودّيـك
.................... لانّك إذا ما رحت أدوّرك .. ( ويني ) ؟
إما معك .. بحياك في كـل مـا فيـك
.................... ولاّ بلاك أحسن .. أبرجع لطينـي ؟!
موضوع: الحب اعمى 
26/8/2011, 05:20
