مصطلحات غواة الحمام * *

* ( الغية )
هى الداير او اللوفت او برج الحمام

مع ملاحظة ان هناك فرق بين الداير او اللوفت او برج الحمام
= الداير ( نش الحمام يكون من فتحة علوية -من السقف- العرق )
وهو السائد فى الدول العربية وخاصة مصر فى المناطق الشعبية

= اللوفت ( نش الحمام بيكون من منافذ من جانب اللوفت تضاهى الشبابيك )
وهو السائد فى الدول الاجنبية

=البرج ( هو النموذج القديم فى تربية الحمام وعاده يكون بناء وسط الزراعات )
وهو السائد فى المناطق ذات الطابع الريفى
************************
* ( نش الحمام )
هو تطيير الحمام
************************
* ( تقليب الفرد )
يعنى تقلبه وتشوف لون العيون – الجناح – الارجل
هل مطابقة للمواصفات ام لا
************************
*( العرق )
ظهر الغية
************************
* ( القص )
هو عباره عن زوجى الحمام ( ذكر + انثى )
Male + female
**********************
* ( النتاية محصية )
يعنى حاطة بيض
************************
*( الاولة )
هى اول نشة للحمام او الرمية الاولى وعاده تكون شباب والافضل الذكور طبعا
************************
* ( الفرد بيقلش )
يعنى بيغير ريشة ( بيجددة )
************************
* ( الاخماس )
هى عيون الحمام او بياتات الحمام او اماكن التعشيش
************************
* ( الترميل )
هو لصق اول سبع ريشات من الفرد حتى لا يستطيع الطيران
************************
*( الخرط )
يعنى قص جناح الطائر بالمقص ( فى حدود تلتين طرف الريش او اقل )
************************
* ( الدكر بيخنن )
يعني الدكر بيجهز مكان وضع البيض ويقعد جواه ويصدر صوت والنتايه تدخل جنبه
************************
*( الشروال )
هو الريش الذى يوجد فى رجل الحمام
************************
*(السلاح او السيوف)
هى اول الريشات فى جناح الفرد
************************
*( النتف )
هو نزع رش الجناح بالكامل
************************
*(الزغلول كتم )
يعنى بطل صوصوة
************************
*(الضرب او الضريبة )
هو لون العيون
************************
*( العضم )
هو منقار الحمام
وهو انواع منه ( عضم خيارى ) يعنى منقار كبير
( عضم تلتين ) يعنى منقار وسط
( عضم قصف ) يعنى منقار صغير
************************
*( توب الفرد )
هو لون ريش الفرد
مثلا الجريزلى ده توب مش سلاله
كذلك الدبانى ده توب
قشر السمك دة توب
************************
*( الفرد مفيش او مفوش )
يعنى مليان بحشرة الفاش
مذلك الفرد مجدر يعنى عندة جدرى
************************
*( الحمام الزقاق او حمام السلاكات )
هو حمام الانتاج وليس النش
************************
*( الفرد بيشرخ )
يعنى يبقى طاير مع مجموعته وفجاة ينطلق وحده
************************
* (فرد ملطش او بظرميط )
يعنى زى البلدى ما لهوش مواصفات محددة
مثلا ما ينفعش فرد عنبرى لفرد بديرى وهكذا
لكن ممكن تدى عنبرى لبنيدى
او بديرى مع جمعية ازرق
************************
* ( الفرد عقد )
يعنى الفرد ده اصيب بالروشة او الهزة وتم شفائة لكنه عقد على لفة الراس
************************
* (دبابير )
هى ريش ملون فى رقبة الصافى على شكل نقط ملونه
***********************
* ( دبك )
الخط الموجود فى جناح البلق
*********************
* ( حبايك )
الخط الموجود فى جناح الصافى
*********************
* ( حمام التحضين )
هو الحمام الذى يقوم بتحضين بيض الحمام الاخر
وعاده يكون من الحمام البلدى او الجمعيات
والغرض من التحضين الاتى :-
1 – عدم اجهاد الحمام الاخر ( مثل الغزارات والصوافى والمسودات ).
2 – توفير انتاجية اكثر
حيث ان القص بعد 10 : 20 يوم سيقوم بوضع بيض اخر وهكذا
3 – الحمام الغزارارت منقارة بيكون صغير ولا يحضن صغارة جيدا
عكس الحمام البلدى او الجمعيات
**********************
* ( كموخة )
عندما يكون خد الابلق طويل جدا ولاحم فى الصدر
**********************
* ( حصي عمران )
يعني بيضة فيها زغلول
*********************
* ( حصي معرق )
يعني عروق الدم ظهرت و دة بيكون في اليوم الخامس من الكشف علي الحصي عشان نعرف اذا كان عمران و لا لا
*********************
* (زغلول شوك )
يعني الريش بدا يظهر علي الزغلول زي الشوك
*********************
* ( الجتة )
هو جسم الحمام

موضوع حلو ويستحق المرور
يسلمووو على هالموضوع
مشكور ويعطيك العافيه
موضوع يستحق التقدير

تسلم خالد

كلك زؤ


سعدت بمرورك وردك