امراض ممكن تيجي من العربيات
اولا الصداع الشديد
نتيجه سفر طويل اكتر من ساعتين من غير راحه يفضل النوم قبل السفر و راحه كل ساعتين و انت سايق مع الاكل و المشروبات .
ثانيا التهاب العصب السابع
و ده بيجي للناس الي بتسافر كتير و فاتحه الشباك الي جنبها على طول البرد بيلطش في الوش و بيجيب التهاب العصب السابع <برضه ده له اسباب كتيره هاتكلم عليها بعدين> غير انه بيجي كتييييييييير في فصل الشتا
ده طبعا نفتح الشباك حته صغيره و الهوا مايجيش على وشك طبعا ممكن يجي في الصيف برضه للناس الي بتشغل التكييف و بتسلط فتحات التكييف على وشها
افتح الشباك و ماتفتحوش على اخره افتحه حته صغيره او افتح الشبابيك الي ورا و التكييف سلط فتاحاته بعيد عنك مش على وشك على طول
ثالثا الام الغضروف
نتيجه الجلوس الخاطئي في العربيه و ده يعتبر جهد على الضهر
المهم في القعده ان ضهرك يكون مفرود و المرايات تكون مظبوطه عليك
رابعا الجروح
و دي في حالات الحوادث و الازاز المكسور
علاجها انك تغسل الجرح كويس ووضع ضماده عليها و الجرح يكون مافيهوش اي رمل مع تقطيع الاجزاء الميته من الجلد
ملاحظات مع الجروح
اولا لو الجرح بيجيب دم بغزاره تأكد انه لو جاي من شريان تعرفه ازاي لو بيخرج زيه زي النبض و ده تعمل عليه تورنيكيه يعني تجيب حبل او حته قماش فنله و تربط بيه مسار الشريان ده لحد ماتروح المستشفى
تخييط الجروح لو الجرح كبير و جايب دم كتير لازم تتخيط علشان الشكل و علشان توقف الدم
موضوع: امراض ممكن تيجي من العربيات 
16/8/2011, 20:31
