ليلة رومانسية على الطريقة الاردنية ..خلف و شفيقة ..

ليلة رومانسية على الطريقة الأردنية

خلف وشفيقة

خلف: ولك يا قردة شكلك ناسية إنو مثل هاظ اليوم قبل سنتين كان أول مرة بشوف بوزك وبنحب بعض، يعدمني جدوقك (خدودك) شو ناسية؟!

شفيقة: والله جد!! ولك طز عليك شو بحبك ، بعدك متذكر يا مقلعط؟
خلف : هووووه، هو إلي بشوف هالشكل إلي بقطع الخمير من العجين بنساه؟

شفيقة: هاهاهاهاهاهاهاها يلعن حرمك شو انك لوح وهاظ إلي معلقني فيك، تتذكر أول مرة تلقينا؟؟

خلف: هههههههه هو انا بنسى؟ يوم ما حطيتلك رجل وانتي ماشية مع إمك وقلبتي على بوزك بالشارع لحظة كلها رومنسي؟

شفيقة: ولك الله يقطعك شو رومانسي، كيف هيك تجرأت واتخذت هاي الخطوة الجريئة؟ جد أنا بحب الشب المبادر والقلبو قوي زيك يا حمار ...

خلف: يالله عاد هسه بدك تكبري راسي وتظلك تمدحي فيي؟ انتي كمان بزقتي علي يومها تتذكري؟ والله ما بنسى بزقتك وهي بتتدلى على وجهي وبتنزل شوي شوي، يومها عنجد عرفت إنك بتحبيني يا عسل ...

شفيقة: آه والله يا خلوفتي أنا ما بزقت عليك إلا لأني بحبك يا تيس ...

خلف: يا قلبي انتي

شفيقة: ههههههههههه ما بنساه، يلعن حرمك، لو كنت بحبك مرة صرت أحبك ألف مرة بعد هظاك اليوم، يوم ما اقترحت علي انو نتباطح وإلي ببطح الثاني 3 مرات هو اللي بنام عالأرض والفايز بنام عالتخت .
خلف: يالله يومها شو انبسطت، بس صحيت ثاني يوم مكسرة عظامي من النومة عالارض .

شفيقة: ماهو يا خلف أنا بطحتك 5 مرات .

خلف: لا والله بس بطحتيني عالأرض 4 مرات، آخر وحدة مش محسوبة.

شفيقة: كيف مش محسوبة بطحتك المرة الخامسة لما دعست على رقبتك، ناسي؟

خلف: هووو هووو علينا، خلص مو مشكلة يا ستي بطحتيني خمس مرات، هسه ما تظيعي علينا الاحتفال بهاي الليلة إلي ما بتتعوض .

شفيقة: والله معك حق، خلص شو رأيك أنا اليوم رح أخليها ليلة رومانسية بشكل.

خلف: شو رح تعملي؟

شفيقة: انت ما عليك بس حظّر الشمع واشعله وسكر الظواو وهسه باجي .


وما إن اشتعل الشمع إلا وخرجت شفيقة من المطبخ حاملة صدر كبيراً من المنسف ، رغرغت عيون خلف وإنغمرت بالدموع فرحاً، حمد ربه ووعد شفيقة بأن يبقى مخلصاً لها

فما كان من شفيقة إلا أن طلبت منه بوسة، فلما لف لها خده عضت أذنه فضحك خلف وضحكت شفيقة

وظلوا على الطاولة يأكلون المنسف لآخر الليل، ويقال أنهم إلى الآن بياكلو بالمنسف
على اضواء الشموع ...

واو شوشو واو خلف

ههههههههههههههههههههههههههه حلوة زين
احلى رومانسية

بس مش كل الاردنيين هيك
هظول بس عشاق المنسف
ههههههههههههههههههههههههههههههههه

ههههههههههههههههههههههههههههههههههه
يخرب شنينك على هيك رومنسيه
وشو هاظ الحب

ههههههههههههههههههههههه نايف
مش اني
هظول خلف و شفيقة

يوم ما حطيتلك رجل وانتي ماشية مع إمك وقلبتي على بوزك بالشارع لحظة كلها رومنسي؟

رومانسي من الآخر ......

:) :) :) :)

ما تبلى هالضحكة رنين
بس وين اسنانك رايحات
هههههههههههههههههههههههههه

تسلمي .... من كثر الضحك "مزطن"
وهي كمان ضحكة لعيناكي وبالناقص من سن :)

ههههههههههههههههههههههههههههههه
حلوة منك مزطن

ههههههههههههههههههههههههههههه

شو هالرومنسية استحى مهند ونور يسوها هههههههههههههههههههههههه :lol:

هههههههههههههههههههههههههه لا في مهند و نور بالاردني
موجود بالمنتدى

هههههههههههههههههههههههههههههه :lol:
مين هن دلني عليهن؟؟؟؟؟؟؟؟؟؟؟

يعني ما عجبوكي الاردنيين و رومانسيتهم
ههههههههههههههههههههههههههههههههههه