جاتني وهي تحمل بين اياديها سلة
سلة عنب
عنب اصفر جميل ومرتوي
مدت يديها وناولتني
قالت اتفضل
قلت اسمحي لي اشكرك
قالت لي خذ لا تستحي
قلت الخجل عيبي وطبعي
بس اعذريني يا اميرة
والله اني مستحي
وهي اميرة في الجمال
واخلاقها تاج على ذاك الجمال
صحيح انها بائعة عنب
بس هي اشهى من عناقيد العنب
فيها ابتسامة رائعة
تذوب القلب الخجول
وصوتها الدافئ الحنون
وعيونها مثل الغزال مكحلة
حسيت فيها شي
شي مو طبيعي
حسيت قلبي يرتجف يوم اضحكت
وقالت لي اتفضل
ومدت ايديها نحو فمي بالعنب
اطعمتني حبة من عنبها
وحبة ورى حبة ورى حبة
قلت اكتفيت اسمحيلي
قالت لي خذ ولا تستحي
انت اميري
قلت انا والله اني الحين اسيرك
قالت لي ليش ؟
قلت ارحميني من عيونك
وابتسامة خلتني قتيلك
ظليت اكل من انامل ناعمة مثل الذهب
عنب بشكل حبات العنب
اما الطعم لا والله مو طعم العنب
فيه لذة وحلاوة زايدة
وحتى حباته مثل حبات لولو
بس كبيرة ورائعة
بعد ما راحت وودعتني
صابني شيء من الظما
رحت اتبعها ولكن للاسف
راحت واختفت
وظليت ظميان
وما ارتويت
موضوع: بائعة العنب 
16/8/2011, 05:30
