مزحة عشاق***
جيتني حبيبي بعيدنا تقول
الحب الي بينا تراه لعبه
وتزيدني بعد الي فخاطرك يجول
دروب العشاق وحكيهم كذبه
تدري يا فلان جرح النفوس مو اصول
بالله خلي قلبك يخاف ربه
ليش جاي الحين ترد حلمي لشتا لفصول
بعد ماكان في زمان العشق الربيع دربه
وجاي تضحك ووردي في ذبول
وضاربن قلبي الف ضربه
حرام عليك ترى بحكيك دمعي في نزول
مصدومة واحس في موطني بغربه
.......
....
..
.
حبيبتي تبين الصدق ومالف وادور
وربي دموع عينك علي صعبه
ان قلتلك بالمزح كذبه ارجع اقول
يا حبي تراه عندي اصدق كذبه
واذ قلتها بضحك لعبه اقول
ايه لعبه وفي عمري امتع لعبه
كيف تظنين مزحي كلام معقول ؟؟
وتفكرين اصد عن هواك واغدر به ؟؟
انتي تدرين ان غبتي على عيني الليل يطول
واصحى انادي طيفك ومن ربى اطلب قربه
بقلبي يانور العين ترعرعتي عرضا وطول
هواكي يجري في عروق دمي واشعر به
زين تدرين اني شهم امين وابن اصول
ودووم عن عهدي ما اتخبى
قلتها زمان احبك واليوم بعد اعيد القول
ايه احبك اموت فيكي وفي روحي الهوى تربى
موضوع: مزحة عشاق*** 
11/6/2011, 20:07
