دونت طريقة عمل الدونت بطريقتي الخاصة من كلام

الدونت زاكي كتير و طيب عندي طريقة سهلة للدونت

اولا المقادير :

( العجينة تعمل كمية كبيرة )

طحين ( 3 كاسات طحين )

5 ملعقة طعام سكر او حسب الرغبة في الكمية بس يفضل من 3 ل 5 ملاعق
2 ملعقة طعام حليب ناشف
ملعقة طعام خميرة حسب مش مهمة كتير الخميرة ^_^
ملعقة صغيرة بكينج بودر


بيضة مع فانيليا
نصف اصبع زبدة يعني 50 جرام مذاب على النار
كاس ماء دافي



الطريقة:


نضع المواد الناشفة سوا
نخلط البيض والزبدة والماء والفانيليا سوا بس لا تضعي الزبدة وهي حارة على البيض علطول اخلطي البيض والماء ثم الزبدة سوا
ثم نضيفهم على خليط المواد الناشفة ونعجنها جيدا ونخمرها لمدة ساعة
العجينة لازم تكون طرية جدا حتى سهل نعجنها هلأ هون الشطارة بنرق العجين حسب الشكل الي بدي اياه لانه رح تنفخ عند القلي .
بفضل انا الدائرة بتحبي تعمل مثلث بوسطها يطلع شكلها حلو .

الاشكال نقدر نتفنن فيها
هلأ بنحمي الزيت للقلي لازم يكون لونها ذهبي لانها بسرعة تنضج .

للزينة لست البيت و هيها و ذوقها الاطفال بحبوا الكريمة انا بحب المربى و يكون عليها مارشميلو ستيكس .



ما في كريمة بنقدر نضع ايسنج سكر على الدونت ( ايسنج السكر

عبارة عن كاس سكر بودر مع ملعقتين او اكثر بشوي حليب او ماء نخلطهم)


و صحة و عافية للجميع من مطبخ كلومة ^_^ اي سؤال انا جاهزة

بكره بدي اعملها بس يا ويلك اذا بتطلع غلط

حرام انت اعملها كويس بس
يسلموووووو كلومة ياقمر

هههههههههههههههه بس لا تقسي العجينة كتير فرجيني شطارتك اشوف بالدونت بشو بدك تزينه ؟

طريقة سهلة ولما تعمل سامو احسب حسابي

ازهار القدس كتب:

حرام انت اعملها كويس بس
يسلموووووو كلومة ياقمر

هلا ازهار يا خوف قلبي سام ههههههههههههههههه خليني ساكتة نشوف شو يطلع معه

يسلمو كلومة ,,,,,,,,,,,,بتعرفي مع اني مش كثير بالمطبخ لكن رح اجربها بأقرب وقت واردلك خبر يازبطت يا تؤ

theredrose كتب:

طريقة سهلة ولما تعمل سامو احسب حسابي

منورة وعد غششيني كيف رح يكون طعمها

majdcs كتب:

يسلمو كلومة ,,,,,,,,,,,,بتعرفي مع اني مش كثير بالمطبخ لكن رح اجربها بأقرب وقت واردلك خبر يازبطت يا تؤ

هلا مجود جربيها و ادعيلي سهلة كتير طعمها طيب لانه في زبدة بالموضوع ^_^

طريقة عمل الدونات
طريقة سهله لصنع الدونات مع كلام