قضيه وحلها براي منك حصريا

مسلسل الجرائم مسلسل قوي على الساحة الاردنية خلف الكواليس ابطاله الفقر و البطالة ضعف الوازع الديني او غياب الوازع الديني لدى الفرد اللامبالاة , غياب تطبيق الاحكام الشرعية بالشكل الصحيح لو انها تطبق على اكمل وجه اكيد ما في جرائم بهذا الكم الهائل تنشئة الفرد بالشكل الصحيح هو السبب الرئيسي لصلاح الفرد ......... تقبل مروري

والله بنسبه الي كلامك صحيح يا ميدو بس السبب الاساسي زي ما حكت كلام الفقر والوازع الديني ......الخ وخليها على الله
الموضوع كتير حلو

بسم الله الرحمن الرحيم

ان مسرح الجرائم في اردن اخذ منحنى بالصعود في الاونه الاخيرة لو رجعنا لوراء حوالي 20 سنه لم نشاهد هذه الجرائم انا اعارض كلام اختي كلام انه الفقر هو السبب لالا هناك اسباب متعددة:
* البعد عن الدين
*دخول انواع من الجرائم للاردن من خلال الوافدين
*القوانيين الجزائية في الاردن ليست رادعه

يوسف جريمة السرقة ليش الواحد يسرق سببه اولا ضعف الوازع الديني و ثانيا الفقر هدول اجتمعوا اكيد في جريمة السرقة

نعم السرقه جريمه لكن ليست سببها الرئيسي الفقر يا كلام طيب انا فقير وحالتي الماديه تحت المتوسط هل هذا يعني اقتل لا بشكل العام اهم سبب هو البعد عن الدين كما ذكرت انفا

طيب واحد مسيحي ليش يسرق يا يوسف السبب الرئيسي اذا نشأ الفرد بالشكل السليم من بيئة اهله اكيد ما بيفكر يعمل جريمة باي نوعها

هنا الجريمه ليس فيه اديان يا كلام نحن نتحدث عن مسرح الاردني والسرقه ليس بحد ذاتها سبب للجريمه وانا لا انكر انا عامل مساعد للجريمه لكن ليس بكل الجرائم

اذا سمح لي ميدو حبي صاحب الموضوع ان اطرح قضيه اخرى الا هي

الحب ما معناه من وجهة نظركم ؟

اما بالنسبه لي هو عواطف جنسيه مكبوته تترجم الى مشاعر وميول عاطفيه لشخص ما

انتظر ردودكم الرائعه

صدقت حبي ميدو لكن ما زال هناك حب خالي من الشوائب يسلموا على المداخله

الحب الصادق والحقيقي مو حكي الشباب والضحك عالبنات
الحب هو كتله من المشاعر تتهيج وتثور برؤية الحبيب وبتعمل عنده لخبطه بكيانه وبتكون واضحه وجليه في ملامحه
والحب المنتهي بالارتباط المقدس هو الثمره اللتي يجنيها
و تسمى العمليه الجنسيه بممارسة الحب لانها شعور متبادل من الطرفين لامتلاك الاخر روحيا وجسديا
اما علاقة المصلحه فهي جسديه بحته ولا علاقه للحب بها لا من قريب ولا من بعيد
واسمحولي بهالكلمه
سألت بنت امها ايش الحب
حكت امها: الحب هي كلمه يقولها الشباب ليأخذوااللي بدهم اياه من البنات ببلاش

نايف وميدو اشكركم على التفاعل

mido كتب:

سوالي للاخت كلام
هل من نشاهدهم عند الاشارات او الدورات
هم الاطفال طبعا
عندهم نقص يحاولون تعويضه ولو بطريقه غير صحيحه


لماذا ليس هناك اهتمام من قبل الاداره بتلك المواضيع النقاشيه
مجرد استفسار

احتمال نجد عن الاكثرية نقص يحاولون تعويضه او ممكن يرجع السبب ايضا هروب الطفل من المشاكل العائلية و السبب الاكبر يرجع الى البيئة الاسرية اذا فيه بيئة اسرية مترابطة شي اكيد ما بنلاقي طفل برا على الشارع و التفافهم على رفاق السوء ....

بالنسبة لسؤال الثاني ممكن يتوجه للاعضاء من حيث المشاركة بالمواضيع النقاشية .

تقبل مروري يا ميدو ;)

انت برايك هل الاطفال عندهم نقص يحاولو يعوضوه .............؟؟؟ وهل تستطيع ان تعطي على من تطبق من الفئات العمرية

السبب الرئيسي في التربية من قبل الاب و الام

بصراحة بدي احكي و بالعامية

احيانا بشوف تصرفات اباء و امهات بصفن فيهم و بستغرب من سلوكهم و بقول اذا الاهل مش مربين كيف الابناء بدهم يطلعو مربين

mido كتب:

الذي اراه ان الاعضاء لم يعودو التوجه الى الموضوع النقاشيه كثير
مع ان هذه المواضيع تزيد تواصل الاعضاء فيما بينهم
هلا بالي دخل الموضوع والي ما دخل كمان مليون هلا

و هلا بدي اعلق عليك

ميدو موضوعك حلو كثير و لو بعرف انة هيك كان من زمان دخلت بس المشكلة في العناوين الي بتحطها مش مفهومة ابدا

ما تزعل مني

بس هيك عناوين بتضيع حلاوة المواضيع و بتضيع الفائدة و عدد من الزوار و اذا حطيت عنوان مناسب اكيد رج يشوف الموضوع كل العالم مو بس اعضاء المنتدى و بالتالي حوارنا بشوفة كل العالم و بستفيد منه

ثانيا لو حبيت ارجع للموضوع صعب كثير اتذكر العنوان اما اذا كان واضح و باسم القضية المطروحة باي و قت بشوفة بتذكر شو هو الموضوع

تقبل انتقادي

مواضيعكم جميله وهي ظاهره تفشت حتى في القرى النائيه بتلاقي عشرين شب قاعدين على دوار او عالجزيره الوسطيه او حتى باماكن انتظار الباصات وبتسمع حكي تقشعر لها الابدان والحلفان بالشرف وبالعرض اشي طبيعي جدا مثل التطعيم اللي على اصوله
اي موضوع او اي ظاهره ناقشتوها او بدكنم تناقشوها اسبابها وحده ومعدوده
1. غياب الاهل وغياب الرقابه عن الاولاد هي اكبر مشكله في المجتمع يعني الولد لما يكبر ويصير بفترة المراهقه مثلا اي اشي بيجرفه الى الهاويه اذا ما لقى حدا يوقفه ويرشده الى الطريق الصحيح واذا دعت الحاجه يقومه ( بالضرب او باي اشي يخليه يرجع عن همجيته )

2. غياب الوازع الديني والتقيد بالتعاليم الاسلاميه من قبل الاهل اولا ومن ثم الابناء سبب مهم جدا لتفكك الاسره وغياب الرقابه الداخليه للشخص ومخافة الله في كل افعالنا يعني اللي ما بصلي وما بصوم وراسب بالاول الابتدائي شو بدو يطلع منه او شو هي الثقافه اللي اكتسبها من الحياه او من الاهل اذا ما بيعرف يفك الخط
ولاحظوا تقريبا كل اللي بيكونوا هيك بكونوا من اللي مش نافعين بالدراسه

3. المشكله والطامه الكبرى انه هلا اذا الاب او العم او الخال بده يحكي معهم او يربيهم او اي شي اول ما بيحكوا حتى لاباتهم هسع بروح اشتكي عليك لحماية الاسره و حماية الاسره هي صراحة خراب بيوت لانه اذا الاب مش قادر يربي او يحكي مع ابنه او بنته لانها حريات شخصيه ومش لازم حد يتدخل فيها

والله كلامك صحيح وكتر الجرائم في الوضع الحالي بسبب الحب

انا قرائت وتابعت كل حواراتكون
اما رح اطرح موضوع بينطلق من البيئة البسيطة والطبقة ما دون المتوسطة

نحنا بنعرف انو المجتمع الاردني او اغلب المجتمعات العربية مجتمعات لسا متمكة ببعض او باغلب العادادت والتقاليد وكمان بنعرف انو في اقارب وجيران واصدقاء وما شابه
بس موضوعنا هون رح يركز على الاقارب (الاقارب)
انا شخصيا بعرف الاردن من كل النواحي اكتر من بلدي سوريا
يعني بعتبر حالي اردني طبعا هالشي بيشرفني

اما الموضوع سبب وترجمة حقد الاقارب ومشاكلهم فيما بينهم وهاد هالشي ما بيعرفه الا كل شخص عن نفسه
لانه كل عشيره متحفطه بهالشي ومتكتمه عليه وقدام الناس يا عيني عليهون متفاهمين وايد وحده اما الداخل يا ما شاء الله عليه كلو مشاكل وخنائات والخ وكلكوا عارفين هالشي بس بدي انو ليش ايامنا هي وصلنا لهالمرحلة مع انو كنت اسمع من الكبار بالسن انو زمان القرايب كانوا عليله وحده وحب متبادل وهموم وحده
بانتظار تعليقاتكم

عاشق هواكي كتب:

انا قرائت وتابعت كل حواراتكون
اما رح اطرح موضوع بينطلق من البيئة البسيطة والطبقة ما دون المتوسطة

نحنا بنعرف انو المجتمع الاردني او اغلب المجتمعات العربية مجتمعات لسا متمكة ببعض او باغلب العادادت والتقاليد وكمان بنعرف انو في اقارب وجيران واصدقاء وما شابه
بس موضوعنا هون رح يركز على الاقارب (الاقارب)
انا شخصيا بعرف الاردن من كل النواحي اكتر من بلدي سوريا
يعني بعتبر حالي اردني طبعا هالشي بيشرفني

اما الموضوع سبب وترجمة حقد الاقارب ومشاكلهم فيما بينهم وهاد هالشي ما بيعرفه الا كل شخص عن نفسه
لانه كل عشيره متحفطه بهالشي ومتكتمه عليه وقدام الناس يا عيني عليهون متفاهمين وايد وحده اما الداخل يا ما شاء الله عليه كلو مشاكل وخنائات والخ وكلكوا عارفين هالشي بس بدي انو ليش ايامنا هي وصلنا لهالمرحلة مع انو كنت اسمع من الكبار بالسن انو زمان القرايب كانوا عليله وحده وحب متبادل وهموم وحده
بانتظار تعليقاتكم

ممكن الاقارب بالدرجة التانية رح اتأثر على هؤلاء الفئة بس كما هو المجتمع في انحلال تفكك اسري واضح ما بالك بالاقارب اللهم نفسي اكيد الا من رحم ربي

مشكوره كلام , كلام مقنع
لكن بالعموم

مشكور اخي ميدو

الخساره كلمه تعني لاي شخص عند سماعها فقدان شيء غالي بغض النظر عن ماهية الخساره فمنها المادي ومنها الروحي ومنها الجسدي ومنها خسارة النفس وغيرها من الخسارات
فاي خساره تحدث مع اي شخص الا يكون في الها اثر سلبي عليه وعاللي حيوالاه بطريقه او باخرى
وقع الخساره على اي شخص هو وقع قاسي ومنه القاسي جدا عندما يخسر كل شيء والاعظم خسارة الدين والدنيا
فعن الرسول صلى الله عليه وسلم انه قال : " خاب وخسر قيل من يارسول قال من ادرك ابويه او احدهما ولم يدخل بهما الجنه والذي ادرك رمضان ولم يغفر له ومن ذكرت عنده ولم يصلي علي " اللهم صل على سيدنا محمد او كما قال عليه الصلاة والسلام
والخساره الماديه هي مال زائل فبامكانه النهوض مرة اخرى والعمل بجد ليستعيد ما خسره اما اذا حط عنها واستراح اكيد الها اثار سلبيه عليه لانه رح ينهار كل يوم عن يوم ويمضيها يندب حظه المتعثر ويمكن يروح فيها جلطه ولا سكري
والشاطر اللي بيستغل هالموقف ويوقف مره ثانيه ويعيد اللي خسره بما انه ما خسر حياته وهي الخساره الكبرى

الموضوع يا ابن العم بده كتيب تا تحكي عنه وتفصله تفصيل انا حكيت بشكل مختصر وبشكل عام
لانه ايش الخساره اللي صارت وشو اسبابها وهل يمكن معالجتها وتجاوزها ولا لا وفي كثير شغلات بس خلي غيري يشارك لانه اكثر من راي بضل افضل من راي واحد
ودمتم

حلو الموضوع عن الخسارة رح ارجع مرة اخرى اضع رايي في هذه القضية دمت بود اخي ميدو

الخسارة ........ ( ذهب مع الريح) خرج و لم يعد معاني كثيرة جدا عندما نفكر بالخسارة انتهاء اجل شيء ما عزيز عليك او ذا قيمة كبيرة في حياتك كما امتلكته سياتي يوم تفقده سواء بالحزن او بالسعادة ......... اعذرني يندرج تحت الخسارة حسب نوع و قيمة الشيء و بالتالي سيكون الاثر الذي يتركه مختلف حسب النوع و قيمة الشيء ......... تقبل مداخلتي

انا بعتقد غياب الوازع الديني و انتشار التفكك الاسري و سوء الحالة الاقتصادية هاد ادى الي انتشار جرائم القتل