ساهم معى لبقاء اسرائيل!!!!!!!!!!!

لاحياة لمن تنادي ,,و قربة انخزقت ,,و وادمنّا جهلا" ابديا ,,ونحب فلسطين !!!! من نحن اذا"؟

موضوع رائع عزيزتي وعد مشكوره
بس يا حبايبي اتحملوني وشوفو شو رح قول
نحنا الكل بنكره الاعداء والعدوان وبنتمنى النا ولفلسطين والعراق ولبنان وغيرهم وكل الدول الاسلاميه انها تعيش برخاء وامن وكرامه وما في واحد منا ابدا بيساعد الاعداء او بدعم اسرائيل
كلام وعد مزبوط 100% بس نحنا بدنا صلب الموضوع واسبابه ودوافعه وكيف نتخلص منه
اخوتي واحبائي جميعا
ذكرت الاخت وعد مجموعه من الماركات المشهوره والمعروفه وخصت بالذكر المواد الغذائيه او ما يؤكل بشكل عام
الان السؤال مطروح للجميع هل يستطيع احدكم ان يستبدل علبة البيبسي باخرى صناعه وطنيه
هل يستطيع احدكم ان يذهب لياكل في مطعم عادي ويترك الكنتاكي هل يستطيع احدكم ان يلبس بنطال صناعه وطنيه ويترك المستورد هل يستطيع احدكم واحدكم واحدكم واحدكم
يا جماعه التاجر العربي بدو يعمل وجبة بيتزا بيخفف كمية المواد وجودتها وبيبيعها بنفس سعر المستوره او الماركة او اقل بقليل بما لا يتناسب مع كمية المواد التي اختصرها
التاجر صاحب مصنع الالبسه ياتي باردى انواع الخيوط واردى الخبرات بالنسبة للايدي العامله ويصنعون بنطال في قمة التفاهه من حيث الجوده صحيح بيبيعه ارخص من الاجنبي بس ربحان معه كتير لانه مو مكلفه شي
فتوجهت الناس لشراء البضائع والمواد المستوره التاجر العربي بهالحاله فقط للفقراء ليزيدهم فقر ويزيد هو ثراء يا جماعه عملية نسبه وتناسب وئت بتشتري حذاء اجنبي ب 10 دنانير وبيضل عندك سنه انت غني متل الفقير يلي بيشتري ابو الــ5 دنانير بس كل ث شهور بدو حذا معناتو حط 20 دينار بالسنه هالفقير والغني حط 10 بس معناتو الفقير زاد فقر والتاجر كسب اكثر لانه ببيع اكثر
العيب مو فينا العيب بتجارنا همهم الوحيد جمع المال وترصيده ببنوك اوروبيه لترتقي باقتصادها على حساب سيولتنا التجار اصبح بيدهم مقاليد الامور الصبح الامر والنهي بايديهم يا جنماعه اصبحوا حكام ومسؤولون ليزيدو من عملهم وتجارتهم
عمرك شفت تاجر عربي بيعطي 12% من مرابح شركته متل ما عم تعمل شركة السجائر ما بدنا لغزه ولا للعراق ولا بيروت لا لجيرانه للناس الفقيره للعمال يلي بمصنعه يزيدلهم راتبهم مشان ينتجوا اكثر لا يا جماعه ما في تاجر عربي هيك بيعمل انا اشك ولا حتى 2% انا ارى مليارديريه وليس مليونيريه زكاة اموالهم لناس تناظرهم غنى انا عندي 4 مصانع زكاتي لفلان حرام ما عنده الا مصنع واحد
نحنا بنضحك على حالنا ونحنا متل يلي بيقول عطشان ولا تشرب جوعان ولا توكل وبردان ولا تلبس
اصنعولنا يا تجارنا بضاعه بجودة المستوره واكيد ما رح نشتري مستوره اصلا لو في بجودة المستوره كان ما استوردنا اصلا
نحنا شاطرين بس اتصل واربح وابعث مسج وترشح للمسابقه وهي وحده على التلفزيون ببترقوص وبتحكي حاكوني واربحوا ومو لابسه شبرين قماش وهالناس بدهم يحكوا معها وكل واحد بفتحتين خط بيخسر كل رصيده وبهاللحظات هي عم تخسر بلدنا ملايين باقل من لحظات من اقتصادها وتجار بيجمعوهن وبيروحوا بيحطوهمن ببنوك اوروبيه هاد كلو عم يرفع اوروبا ووطينا للارض
والسبب الرئيسي البعد عن الحلال والاسلام والقران
التاجر لو بيخاف ربه ما بيلعم بجودة البضاعه ونحنا لو بنخاف ربنا ما بضل نحكي تلفونات على البرامج الساقطه وبنطير فلوسنا بس مشان نسمع صوت وحده او نشوف وحده والبنات كذلك مهوسات البضائع الاوربية للمظاهر وشوفة الحال والكبره واغلا انواع المكياجات وغيرها
الله بيعين والله يجيرنا من الاعظم

مشكوره يا غاليه يا احلا وعد
انا من بعدك

وعد مساعده
ممكن
عم حاول اكد ملكية الذهب بس وئت بفتح الموضوع ما عم تفتح معي المكان المخصص للكتابة
وما عم بئدر اكتب اسمي

يسلموا ايديكي وعد عالموضوع اللي على غايه من الاهميه يعني لو كل واحد يبدأ بنفسه وما يركن على غيره او خلها تيجي من غيري ابدا بنفسك وكون قدوه لغيرك بلاش البيبسي والكولا لانه بدونه ما بنموت وبالعكس فيهم شغلات كتير بتضر ما بتنفع في بالسوق عصائر ومنتجات اخرى محليه او عربيه بتسد عنه كله والقهوه مالها القهوه العربيه ولا عشان البرستيج ستار بكس وماربورو وبيبسي لو كل واحد فينا عنده حس بالمسؤوليه تجاه فلسطين وغيرها مو بس بالحكي كان بيقاطع كل اشي وانا مع اخي سهيل باللي حكاه ميه بالميه وخلي تجارنا يضحكوا علينا ولا ندفع احنا لتسليح اعداءنا ليقتلونا باموالنا

nayef al-zo'uby كتب:

يسلموا ايديكي وعد عالموضوع اللي على غايه من الاهميه يعني لو كل واحد يبدأ بنفسه وما يركن على غيره او خلها تيجي من غيري ابدا بنفسك وكون قدوه لغيرك بلاش البيبسي والكولا لانه بدونه ما بنموت وبالعكس فيهم شغلات كتير بتضر ما بتنفع في بالسوق عصائر ومنتجات اخرى محليه او عربيه بتسد عنه كله والقهوه مالها القهوه العربيه ولا عشان البرستيج ستار بكس وماربورو وبيبسي لو كل واحد فينا عنده حس بالمسؤوليه تجاه فلسطين وغيرها مو بس بالحكي كان بيقاطع كل اشي وانا مع اخي سهيل باللي حكاه ميه بالميه وخلي تجارنا يضحكوا علينا ولا ندفع احنا لتسليح اعداءنا ليقتلونا باموالنا

يعطيك العافية كفيت و وفيت و كلامك كلة صحيح و خلي التجار ينهبونا ولا انسلح عدونا بفلوسنا


يا استاذ عاشق هواكي في عنا 1000 نوع مشروب بدل الكولا و الببسي و قبل ما يطلع الستار بكس كنا عايشين و ماشية امورنا
هسه صرنا بنقدرش انعيش بلاة
يا اخي البدائل موجودة و حتى لو ما في بدائل المفروض انقاطعهم

معك حق لانة في ناس من الداخل بتروج للبضائع التي تمول الكيان الصهيوني

اللي ما عنده دين ومخافة الله بيتحالف مع الشيطان عشان يجيب مصاري لكرشه مش مهم مين المستفيد من البضاعه اسرائيل ولا غيرها اهم شي يجيه مصاري ان شاء الله يموت مليون واحد من وراه مو فارقه عنده واللي بيعرف هالشركات وبيعرف مكونات المواد تاعتها بستغرب كف بعده بيقبل عليها مثل ستار بكس هي قهوه بس كيف بيجنوها ومن وين لو تعرفوا لتراجعوا مصارينكم ورح احاول انزل موضوع بالصور عنها ان شاء الله