فيديو يوتيوب برنامج لُت، لُت، كعْ، كُعْ، كروْ، روْ، اليوم 15-5-2012 , تفاصيل المواجهه بين بين الحكومة والمعارضة

فيديو يوتيوب برنامج لُت، لُت، كعْ، كُعْ، كروْ، روْ، اليوم 15-5-2012 , تفاصيل المواجهه بين بين الحكومة والمعارضة
فيديو يوتيوب برنامج لُت، لُت، كعْ، كُعْ، كروْ، روْ، اليوم 15-5-2012 , تفاصيل المواجهه بين بين الحكومة والمعارضة
أجرت شبكة تلفزيون قناة «البليلة» مواجهة ساخنة بين مسؤول حكومي، وأحد قيادات المعارضة بإحدى البلاد الإسلامية من خلال برنامج القناة الأشهر :«لُت، لُت، كعْ، كُعْ، كروْ، روْ، تيف تفْ» الذي يحظى بدرجة مشاهدة واسعة على نطاق العالم العربي، وفيما يلي ننشر مقتطفات من المواجهة الساخنة بكل تفاصيلها التراجيدوكوميدية:
> إنتو ضيعتو البلد دي ونهبتوها وبنيتو بيها العمارات وبعتوها، وبقيتو شغالين فيها، شفط بس: شبْ شبْ، سمسرة وكوميشنات واستثمارات خارجية، و...
> اسكت ياعميل، ياخائن، اتقطع لسانك يافاسق.. إنت هسع متصل من وين؟، تقدر تقول للمشاهدين متصل من وين ياعميل.. يا جماعة داه هسع متصل من أمريكا وقاعد في أمريكا، وبتصرف عليهو أمريكا، لحم أكتافو من خير أمريكا و...
> أمريكا إنت ماخد جنسيتا، وحتى زوجتك عندها الجنسية الأمريكية، وأولادك الليلة دي بقرو في أمريكا وماخدين جنسية أمريكا، وبعرفوها أكتر من البلد النهبتوها دي،...
> يافاسق، يافاسق، أولادي مالو مايقرو في أمريكا، الرسول قال أطلبو العلم ولو بالصين..
> أنا البتقول عليْ عميل وطابور خامس، أولادي بقرو في البلد، وبنعتز وبنفتخر بي جنسية بلدنا، وعليّ الطلاق يا خروف لو أدونا مال الدنيا كلو ما بنشيل لينا جنسية من بلد ماحقتنا...
> هه هه ، ههههههاآآآآآي اسكت يا عميل هادي قدامي صورة من شيكات من السفارة الأمريكية، صرفتها، عشان تنفذ مخطط تخريبي في بلادك، إنت بعت نفسك، وأهلك لإسرائيل وأمريكا والمستندات قدامي، يا كلب ، حمار، يا..
> الفبركة دي ماياها الإنتو فالحين فيها، ياجبان، يا...
> جبان أنا ياتور ولاّ إنت البتتكلم بالتلفون من أمريكا إنت كان راجل ما كان تجي الإستديو هنا... والله كان تشوف شوف، يا زنديق، يا فاجر، يا...
> إنتو خلاص نظامكم بعد كدي بقي إتهاوى، وهو الآن يحمل عوامل فناو، وشعبنا حيقوم عليكم بعد كدي في انتفاضة شاملة تقلب النظام..
> والله إنتو ركشة ماتقلبوها، يا سكارى ياحيارى إنتو هناك من بار لي بار، وناسكم هنا ياكلو في الآيسكريم مع شفع الروضة، وعشان كدي نحنا دايمًا قاعدين نقول المنتظرين الانتفاضة، انتظارُم حيطول شديد..
> عليّ الطلاق الحكاية قرّبت، الانتفاضة جاية جاية... و...
> البجيبا منو؟ إنتو؟! يا بتاعين الآسكريم، والبسبوسة، والله وجودكم إنتو في المعارضة دا أكبر ضمان لينا من الانتفاضة..
> البنتفض الشعب، ما نحنا، ياككُّو..
> وانتو مالكم ماكم بالغين..

أجرت شبكة تلفزيون قناة «البليلة» مواجهة ساخنة بين مسؤول حكومي، وأحد قيادات المعارضة بإحدى البلاد الإسلامية من خلال برنامج القناة الأشهر :«لُت، لُت، كعْ، كُعْ، كروْ، روْ، تيف تفْ» الذي يحظى بدرجة مشاهدة واسعة على نطاق العالم العربي، وفيما يلي ننشر مقتطفات من المواجهة الساخنة بكل تفاصيلها التراجيدوكوميدية:
> إنتو ضيعتو البلد دي ونهبتوها وبنيتو بيها العمارات وبعتوها، وبقيتو شغالين فيها، شفط بس: شبْ شبْ، سمسرة وكوميشنات واستثمارات خارجية، و...