| | مصطلحات خاصة باهل اربد( ج1 ) |  |
|
+5عدي الزعبي امجد الشرع kingsam عاشق اربد2009 sandy 9 مشترك |
| كاتب الموضوع | رسالة |
|---|
????
زائر
 |  موضوع: مصطلحات خاصة باهل اربد( ج1 )  9/9/2009, 01:52 | |
|
هبده: اي ضربه بشيء ثقيل على رأسه و لكن من اعلى
بتلبده: اي بتخمع او لاطيله مشان يطلعله عبو غفله
مزوزك: اي مطقمش و حلوة اي مهندز
دوك: بمعنى لد جاي او طل كيفنه
اصطهج: اي انبسط
احدر: اي طيّح او نزل
اتمرقطوه: اي اتعربشوه و لحقوه و تستخدم في الغالب لمن يتمرقطه كلب
قعوه: اي مهرج ولاد صغار اي بيظله طول النهار قاعد و داير باله عليهم
اجدي: اي اقعد على ركبك نص قعده
الخاير او الخايس: بمعنى الشيسمو و الهاظ و باللهجة الكركية البيّه
لب: اي منتصف الشي مثال دوك صار بلب الباص او دوك الطيارة بتعزق مظلية بلب اربد
اعزق: اي ارمي
سولافه: اي قصة قصيرة قد تمتد طوال الليل
تعليله: يعني دبكة و عرس اخرا يومين و احيانا سهرة عند احد الرفاق
بكاسح: اي داير من حارة لحارة
الجيعة: بئر صغير تشرب منه كل الحارة
حاووز: خزان ماء
كلاكية: اي خشة من الزينكو
خشة: بناء صغير متعدد الاغراض
خم: بناء صغير يستخدم لتربية الجاج البلدي
سطل: تستخدم كناية عن الوعاء و خصوصا التنكة و التي يربى بيها الحمام
جخه: اي منتاز و مليح ومنها انواع على لوز و على فستق "حلبي"
لكع: اي شخص خدر و لبد و متكاسل
خام: تقال لشخص اللي مش مليح
ريحة: تقال للشي القليل مثل ناولني ريحة ميه
أني: ضمير بمعنى هاظ اني
قبله: بمعنى بوحهه مثال ظل رايح قبله
اندحر: بمعنى زيح او دور هيك
مزيون: بمعنى لايق و مليح جماليا
لايق: متناسق و كويس و ابن ناس
سنسلة: كوم من الحجارة المرصوفة بطريقة هندسية لتشكل سور
رجم: كوم حجار طبيعي التكوين و موجود منذ زمن
سحرة: ارض مزروعة بالمزروعات الصيفية
حوش: مساحة من الارض حويلى الدار مثل بكب غرفتين و حوش
قثا: فقوس
خابية: زير او جرة
حمامية: صحن مقعر كبير بمعنى زبدية وكان يستخدم للسمن
كوارة: جزء مهم في البيت يستخدم لخزن الحبوب مثل الصومعه
الحاكورة: مساحة من الارض مزروعة بشتى الاصناف و قد فتح كوفي شوب باسم الحاكورة في اربد
غوله: وحش خرافي انثى يستخدم في قصص ماقبل النوم هو و نص انصيص لتنويم الولاد
قومانا: تستخدم للاستهجان و الاستغراب مع التمسخر على شيء لم يكن يحسب حسابه
لوما: بمعنى لولا " لولاكي .... لولا"
فغم: طريقة لاكل البندورة والبطيخ بالقضم بكامل الفم و الحبة صامدة
كراديش: نوع منالخبز المصنوع من الذرة "كورن فليكس" لما تلطخا بالحيط بترجع عليك
نبطه:اي ذربه او ملأه الى الباب
اذرب: فعل امر من ضرب
حيد: اي زيح او تجنب
دبية: وعاء كبير من الالمنيو و بالجديد من البلاسيك يعبأ بها الحليب
لوح: تقال للشخص الشقفة الواحدة
لوكسي: وتعني متأخر وتقال لأي شيء يكون متأخرا عن وقته ويقال في المثل عسكري بدري ولا دكتور لوكسي "الها قصة بعدين بحكيلكم اياها"
تلا:وتعني ناحية او جهة.... مثلا مجمع الاغوار الجديد يقع تلا الحسبة المركزية "يعني ناحية او جهة الحسبة المركزية"
بتغطس: يعني مستحي لدرجة انه مش عارف يتحرك او يحكي
قطمه "بضم القاف وتسكين الطاء": بمعنى ريحة "ريحة: تقال للشي القليل مثل ناولني ريحة ميه"
وهاي قطمة "ذا"كلمات من اللي بعرفهن:
باب الفاظ الشتم:
س"ذا"كن: تقال س"ذا"كن اللي يعبي اذانك و هو رماد النار
سنحك: من السنح و تقال سنح يسنحك
سبعك: سبع اللي يسبعك و احيانا تستخدم مزاحا كقولهم و الله و السبع...تنعام
طبعا حيشا السامعين و القايل
الفاظ السهرة :
مرحبا: تقال بعد صفنه ربع ساعة بصباح اللي قبالك بعدين ترفع ايديك و بتقوله مرحبا.
مسا الخير: يعني الدنيا مسا الله يمسيك بالخير و تقال بعد جدال طويل دون نتيجه
بعض الالفاظ الشائعة:
لطيتا: اي نثرتا مثل قولهم و الله لطيتا عدس اي زرعتها
صلاحية: اي شاف او شربة تستخدم للماء
صفاه: اي صخرة مية واحد ما بزحزحوها كقولهم: مثل القرد اللي قاعد على صفاه.
قلعه: حجر متوسط الحجم بزحزحا واحد او اثنين
دبشه: حجر اصغر من القلعة يستخدم في الهوشات
لقن: اي طشط او طشت ويستخدم للاستحمام
تتن: دخان عادة ما يكون من نوع هيشه سوبر و غير معبأ في صناديق "علب"
تذرايه: اي رمي القمح بالهواء مشان ينفصل الحب عن القش
رجادة: نقل المحصود من الحقل الى البيدر على الجمال و الحمير
اتفطن: يعني اتذكر
زنوبه: حفاية بلاستيكية بتظلها تصفق و انت بتمشي و هساع صارت موضه
بريموس: ببور يعمل على الكاز يعني غاز بس بعيب وحده
لهده: اي اقرفوه و اوجع قلبه و عله
هبال "بضم الهاء": بخار كثيف يخرج من لطبخة
نقب: ازالة اطراف بعض الثمار مثل البامية
هبره: اي لعن سلسفيل اهله قد ما كتله
دهو"ذا"كو: اي دمروه و قضى عليه
حاش: تكتيك يستخدم في صيد البلاليق و جرها الى الفخه
طاقة: فتحه بالحيط عالية المستوى , نافذه صغيرة
وطاة: ارض "و هي التي توجد بها الصوفي و القلاعه"
مرسة: حبل ثخين يستخدم لربط اليقر و احيانا كثيرة للنشل من البئر
شمينتوه: كناية عن الاسمنت
جبع: اي جمع الشيء على بعضه دون ترتيب
براطم: شفايف ناعمه جدا جدا بس اغلظ من براطم الجمل
بل: لفظة حسد و تدل على التعجب مع التمني بالزوال
شل: يعني طاري و تستخدم كالاتي: نقضب شل الناس "نميمة"
حيشا: يعني منعيدا تستخدم للاستثناء
"ذا"كيلة: مقياس للوزن و تتراوح ما بين السطل و الدبية
قرمية: اصل و تستخدم في اوجه كثيرة مثل قرمية الخورفيش و لمسبة شخص يعني بدك تلعن قرمية ابوه بمعنى اصله.
جوالة: اي قرقرة و هي عملية لم الزيتون اللي على الارض و الذي نسي على الشجر بعد فراطه " طبعا من قبل اشخاص اخرين غير اصحاب الزيتون"
كرم: بستان و غالبا ما يحتوي على الزيتون و التين و بعض الدوالي
شنته: اي كيس بلاستيك اسود
ورك: او ولك و هي لفظة استهزاء فيها شيء من الود
صاوي: اي اعمل او ساوي
عابر: يعني امك بتقلك لا تظل طالع عابر الدار انتلت ذبان
انتلى: اتعبى
عيت: اي شددت و تقال عيت بيه بس هو عيّ
قزعر: تقال للشخص اللي حبته قليله
شاروط: اي طويل و تقال طول الشاروط للشخص الطويل
عزة: لفظة استهجان و يكثر استخدامها من قبل النسوان
يا ميمتي: يعني يامه يا محمد هات الشيسمو و حطوه جنب الهاظ
مالية " بدون تشديد الياء" : حيط, ويقال "ظل زلمة ولا ظل مالية"
طبه: خاوه اي غصبا عن اللي نفظه
دوشره: يعني سبهلله او هي"ذا"ك يعني هي الشغلة دوشره اي سايبه
اجقم: يعني صاحب منطق اعوج
ام"ذا"كخمن: تقال للشخص الناقص او للخضرةالفاسده
بطيخ امبسمر: تقال عند القرف من سيرة شيء ما و الغضب منه مثال بلا حب بلا بطيخ امبسمر
جعابير: فقوس متجعبر اتجعبر
حروش: ابن عم الجعابير و في رواية اخرى شمام
مزطت: اي فلتت حريقة الحرسي
زقم: كناية عن الوجه و لكن بطريقة اشمئزاز يعني طل "ذا"كيف هل الزقم اللي عليه تقول تنكه
قيافة: وهي توضيح هيئة الشخص و التقييف تزبيط الملابس لتناسب حجم الشخص
سحنه: ايضا و صف للهيئة و تستخدم في حالات المسخرة
سخام: اي مقرف و وسخ و بمعنى اكثر منالقرد ما مسخ الله كالمثل القديم مثل السخام بل الس"ذا"كن
صباح: وجه اي لد عليها صباح بدوش دوش
لخمه: اي دوشه او بمعنى صفعة مثل لخمة اللي تلخمك
داشر: هامل طول نهاره داير بالشوارع
صرمايه: و العفو من الجميع حفاية
حذوة: كندرة
وطيه: حذوة او صرماية
اتخيب: يعني انقلع او اقلب وجهك
اتجهنم: اي بمعنى انقلع او انطمر "لووووووووووووووول"
انعثر غاد: يعني ابعد عني او حل عن صباحي وغاد لحالها تعني هناك زي لما يقولوا روح اقف غاد يعني روح اقف هناك "مع التأشير باليد طبعا على هناك"
لعمظجي: يعني بحكي كثير او بسولف كثر "ثرثار"
وقاديةمع تشديد القاف" هي عبارة عن فرن صناعة يدوية لعمل الخبز وتصنع من مادة تتكون من الطين والماء والشعير المخلوط
ايده بتقصف على رجله: يعني نحيف جدا " فلان ايده بتقصف على رجله"
فلان دبساته ميه: اي حاله على قده او فقير
مزغمت: اله اكثر من رأس حاد يعنيحجر مزغمت يعني مدبب كيف ما صاب بفشخ
فشخ: يعني جرح في الراس
ترح: "بفتح التاء وكسر وتشديد الراء" اي امسك كويس او قربط
|
|
 | |
sandy
| | موضوع: رد: مصطلحات خاصة باهل اربد( ج1 ) 9/9/2009, 05:01 | |
| يسلمو
بس اول مرة بسمع بهيك مسطلحات | |
|
| | |
عاشق اربد2009
| | موضوع: رد: مصطلحات خاصة باهل اربد( ج1 ) 9/9/2009, 05:03 | |
| | |
|
| | |
????
زائر
| | موضوع: رد: مصطلحات خاصة باهل اربد( ج1 ) 9/9/2009, 07:20 | |
| مصطلحات موجودة بشكل يومي للي بتبع للكلام |
|
| | |
kingsam
| | موضوع: رد: مصطلحات خاصة باهل اربد( ج1 ) 9/9/2009, 07:35 | |
| بعضها معروفة و بعضها ما سمعت عنها | |
|
| | |
امجد الشرع
| | موضوع: رد: مصطلحات خاصة باهل اربد( ج1 ) 9/9/2009, 21:04 | |
| مشكور اخي عكرمه
بس جد هاي اكثر مصطلحات اهل اربد | |
|
| | |
????
زائر
| | موضوع: رد: مصطلحات خاصة باهل اربد( ج1 ) 29/9/2009, 18:10 | |
| تعيش وتشوف يا امجد / الله يطول عمرك |
|
| | |
????
زائر
| | موضوع: رد: مصطلحات خاصة باهل اربد( ج1 ) 30/9/2009, 00:37 | |
| شو رأيك تشتغل مترجم معي بشغلي لأني بدي مترجم لهادي اللغه
شو رأيك؟؟؟؟؟
هههه |
|
| | |
????
زائر
| | موضوع: رد: مصطلحات خاصة باهل اربد( ج1 ) 1/10/2009, 02:15 | |
| هاد كيف لو تشوف الجزء التاني من هاي المصطلحات
رح تفكر حالك في الهند ههههههههههههههههههههه |
|
| | |
????
زائر
| | موضوع: رد: مصطلحات خاصة باهل اربد( ج1 ) 1/10/2009, 02:16 | |
| ييييييييييييي
يا ريت بالهند لغتهم مفهومه
بس هاللغه
اعوذ بالله |
|
| | |
عدي الزعبي
| | موضوع: رد: مصطلحات خاصة باهل اربد( ج1 ) 22/10/2009, 21:50 | |
| ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ | |
|
| | |
????
زائر
| | موضوع: رد: مصطلحات خاصة باهل اربد( ج1 ) 17/1/2010, 04:37 | |
| هذا الجزء الاول
والتاني ورااااااااااااااااااااه
|
|
| | |
b.inside
| | موضوع: رد: مصطلحات خاصة باهل اربد( ج1 ) 18/1/2010, 23:53 | |
| مصطلحات اهل القرى في اربد على ما اعتقد ....... | |
|
| | |
????
زائر
| | موضوع: رد: مصطلحات خاصة باهل اربد( ج1 ) 27/1/2010, 02:46 | |
| صح بي لنسايد
شكرا للجميع على حسن المتابعة
نورتو
|
|
| | |
Jasmine collar
| | موضوع: رد: مصطلحات خاصة باهل اربد( ج1 ) 8/7/2011, 23:06 | |
| مصطلحات خاصة باهل اربد( ج1 )
| |
|
| | |
lolo42015
| | موضوع: رد: مصطلحات خاصة باهل اربد( ج1 ) 8/7/2011, 23:09 | |
| ههههههههههههههههههه حلوين وغريبين | |
|
| | |
محمد44
| | موضوع: رد: مصطلحات خاصة باهل اربد( ج1 ) 8/7/2011, 23:16 | |
| شو ما فهمت شي اول مرة بسمع فيهم
| |
|
| | |
| | مصطلحات خاصة باهل اربد( ج1 ) | |
|
