طريقة السمك المحشي , تتبيلة السمك المحشي

طريقة السمك المحشي , تتبيلة السمك المحشي

[ندعوك للتسجيل في المنتدى أو التعريف بنفسك لمعاينة هذه الصورة]


سمكة محشية

مقادير التتبيله ::
زيت زيتون او زبدة
بهار مشكل
فلفل اسود
ملح
عصير ليمون
قليل من الزعتر البري او الريحان
توم مطحون او مدقوق

الطريقة ::
اول شي بالسكين بنشرح السمكة يعني بنعمل فيها فتحات بشكل طولي ..بنخلط مقادير التتبيله كلها في صحن عجنب وندهن بها السمكة جيدا وبنحاول ندخل من الخلطة في الفتحات وفي داخل السمكة ايضا بعد ما نكون نظفنا السمكة من قشورها وغسلناها منيح
مقادير الحشوة ::
بندورة مفرومة+جزر مفروم+بقدونس وكزبرة مفرومة+توم مفروم+بصل مفروم+فليفلة خضراء+ فليفله ملونة ازا توفرت +عصير ليمون وبهار مشكل وفلفل اسود وزيت زيتون وملح

بعد مانكون فرمنا كل مقادير الحشوة بنتبلها بالليمون والبهار والفلفل والملح وزيت الزيتون
وبنحشيها داخل السمكة وبنوزعها على جوانب السمكةكمان بنغطي الصينيه بالقصدير وبنحطها في وسط الفرن بدها حوالي ساعه الا ربع او ساعه وتحمر

ما بحب السمك بس بتحسي انو مطلوب في العزومات عنا اكتر من اللحم

انا بفضله اكتر و تقريبا ما باكل من اللحوم غيره

ازكى شي السمك

بس ما بحب السمك الكبير والمحشي


يسلموو ع الطريقة

المحشي حسب تتبيلته
في سمك كبير كتير طيب بيكون

لازم ازور خالتو بالعقبة اشتقت لطريقتها بالسمك امممممممممممممممممم
ههههههههههههههههههههههههههه