موضوع للنقاش

كيفكم يا اعز اعضاء على قلبي
عندي موضوع وانشالله ما يكون مكرر
المهم...........
من المعروف ان المراة هي القائمة بكل اعمال المنزل اما الرجل فهو غير مستعد للقيام باي شي
اعتقادا منه بانه هو السيد الآمر والناهي في البيت.
ولكن هل مساعدة الرجل لزوجته في البيت تنقص من رجولته شيئ؟
وهل هو ملزم بهكذا مساعدة؟
وما هي آرائكم حول هذا الموضوع.
ولكم جزيل الشكر

اكيد ما بتنقص منه شي

بالعكس اخي الحياة الزوجية هي تعاون
وعلى هذا الاساس مبنية وتكون ناجحة واعتقد ان الشخصين شخص واحد
واذا ساعد الرجل في البيت لا ينقص من رجولته شيئا

انا بصراحة معكم بهذا الراي

بس انا عفكرة ما بحب اساعد بشي

بتكاسل من شغل البيت

ههههههههههههههههههه

هلا التكاسل شي وانا نفهم انه ينقص من رجولتنا شي تاني اخي ابو نشــــــــــــــــــــــــــــــــأت

بالعكس روح الرجل ومشاركته مع زوجته
فى اعمال البيت بتعمل جو من الالفة والتقارب بينهم وبين بعض من خلال مشاركتهم سوى
بحس انه كتير قريب من زوجته وفاهم متطلبات بيته

أبو نشأت كتب:

انا بصراحة معكم بهذا الراي

بس انا عفكرة ما بحب اساعد بشي

بتكاسل من شغل البيت

ههههههههههههههههههه

هههههههههههههههههه اهم شئ التوافق
وعلى فكرة فى زوجات ما بتحب مشاركة ازاوجهم
بتحب تقوم بأعمال البيت بنفسها

لا ما بتنقص من رجولته ولا من وزنه كمان


بالعكس حلو كتير الرجال يساعد زوجته بالبيت يعني بالاشياء المقبولة والخفيفة طيعا

والبيت اصلا للزوجين وحلو يتعاونو فيو

في اعمال لا تصلح الا للمرأة فقط
ممكن الرجل يساعد بالتصليحات يسقي زريعة يدرس الاولاد
بس انه يشطف و يجلي و يغسل ما بحب هيك الا في ظروف معينة

انا معك ياسمين

بهاي معك حق

اهم شي ما توصل للجلي والغسيل

ههههههههههههه

هو برضه مو لهالدرجة انه يمسك الممسحة ويضل يشطف ويمسح بالبيت وين هيبته للرجل

وهاي مساعدة مو حكم ,,وبالاول والاخير بينضف وبيساعد ببيته مو بيت حد غريب


وكلام الناس ما بيخلص ولابيقدم ولا بياخر

لازم الرجال شو ماسمع مايهتم للكلام
ازا هو مرتاح ومبسوط ببيته يرمي كل شي وراه ماحد بفيده بشي

هاد رايي..

يعني هي نظرة قد يعاني منها الكثير دكتورة
ولكن انا بالنسبة الي لا يهمني احد افعل ما اشاء ووقت ما اشاء
ولكن اساعد بما يمكن مثلا تضير السفرة
اشياء خفيفة انا احب انا افعلها ولكن نظرة المجتمع لا تهمني كثير طلما انني لا افعل ما هو مشين

دنيا اليوم اتغيرت و صار لازم الرجل يساعدها ببعض الامور

والله الرجل بكون رجل اذا ساعد زوجته او امه باعمال البيت ومو عيب وما بتنقص من رجولته شئ


ولازم يكون في تعاون بين الزوجين باعمال البيت لانه الزوجة لا تستطيع القيام بواجباتها البيتيه كامله

المساعده والتعاون شيئ وأنه يقوم بالاعمال شيئ آخر يعني انا لما بشوف جاري

طالع ينشر الغسيل وقت المسا بعد ما يروح من الشغل ولاكثر من مرة هاي ما اسمها مساعدة

الحب والتعاون والتفاهم بين الزوجين شيئ رائع مهما كانت نضرة الناس لهاذه الأسرة

ولمفروض من الزوجين عدم وضع بعضهم بمواقف محرجه امام المجتمع

مممممممممممممم مش ممكن تكون مابتعرف ظروفه يا ابومحمد يعني ممكن زوجته مريضة وممكن بحب النشر ههههههههههههه ^^

هههههههههههههههه هلا دكتورة لا بحب النشر

محرجة ولا مو محرجة
اهم شي رضا المدام

ههههههههههههههههههههههه

c0n@n كتب:

مممممممممممممم مش ممكن تكون مابتعرف ظروفه يا ابومحمد يعني ممكن زوجته مريضة وممكن بحب النشر ههههههههههههه ^^

وبلكي ما بحب مرته تطلع تنشر؟؟؟؟

Renin كتب:

c0n@n كتب:

مممممممممممممم مش ممكن تكون مابتعرف ظروفه يا ابومحمد يعني ممكن زوجته مريضة وممكن بحب النشر ههههههههههههه ^^

وبلكي ما بحب مرته تطلع تنشر؟؟؟؟

كمان مش هيك رنين وحاولت اعذره بس ما لقيتله عذر

يمكن بغار عليها من كثر ما هي حلوة

ههههههههههههه

والله مو غلط لو ساعد ....بس برضو مو على طول

ههههههههههههههههههههههههههههههههههههههههههههههه شايفين انه نظرتنا احنا هي اللي بتخلي الواحد دائما يسأل اذا فيها هالشغلة انتقاص رجولة او لأ


طيب ابو محمد انه تكوت زوجته مريضة مش عذر بالنسبة الك؟؟!!

وفعلا ممكن مثل ماحكت رينين يمكن بغارعليها

هيك دايما ...اي انداريييييييي

c0n@n كتب:

ههههههههههههههههههههههههههههههههههههههههههههههه شايفين انه نظرتنا احنا هي اللي بتخلي الواحد دائما يسأل اذا فيها هالشغلة انتقاص رجولة او لأ


طيب ابو محمد انه تكوت زوجته مريضة مش عذر بالنسبة الك؟؟!!

وفعلا ممكن مثل ماحكت رينين يمكن بغارعليها

لا دكتوره هي مش مريضة والله زي القرده ومش مرة او مرتين وبعدين لو الموضوع غيرة كان الاولى يغار عليها

لما تطلع من البيت عالموديل

دكتوره انا بلاحض بهاي الفترة انه النسوان صار عندهن موديل السيطرة عالرجل وعالبيت

طبعا هذا شيئ شائع وصار ملحوض

وبهاي الحالات ما في غير انه ناقص للرجولة

اااااااااااااااااااااه يعني هي حالة انت شايفها ........................ والله يا ابومحمد هيك اختلفت الامور اكيد لانه بهالحالة بكون متجوز وحدة قوية وشيبة ههههههههههههههههههههههههههه

طيب مش ممكن يكون شرط بعقد الزواج ههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههه

انا خايف انها تصير من ضمن عقد الزواج

ههههههههههههههههههههههههههههههههههههههههههههههههههههههه الله كريم

لا بمزح ^^ اكيد مساعدة الزوج لزوجته تختلف اختلاف كلي عن ارهاق الزوجة لزوجها بالاعمال واللي خليني اسميه (حراثة)

انا برأيي مش غلط الرجل يساعد ولا بنقص من رجولته شي بس احنا هيك تربينا وهاي عاداتنا وما رح نغيرها

خذوااااااااااااااااااااااااااا هالراي
طبعا ام نشات جنبي وبتحكيلي انه الرجل اذا بساعد زوجته بدل ما يريحها
بالعكس بيزيد عليها الشغل
ههههههههههههههه
لانها عارفة اذا بدي اساعدها بشي راح اغلبها اكثر من المساعدة
ههههههه
هذا رايها

تحية وسلام لأم نشأت

والصراحة الصراحة والله معها حق لانه الرجال اذا بدهم يعملوا شغلوا بعجقوا الدنيا ^^

هههههههههههههههههه ام نشات
والله معها حق


بس شوف هو المساعدة مطلوبة بس اذا كانت المراة ما بتشتغل و قاعدة بالبيت هو واجب عليها الشغل لحالها بس اذا كانت موضفة مفروض الرجل يساعدها

شو قصدك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههه

بلاش يساعدها ...ولا يمد ايده ع اشي بس ما يحرث عليها حرااااااااااااااثة

يسلموا ابونشات عالموضوع

والله انا بحب انه الزوج يساعد زوجته وبالعكس الامر بيزيد من رجولته


بس في رجال اشطر من النسوان بالشغل وفي منهم مابيعرفوا يحملوا صحن

كل وحده وحظها بالدنيا

هههههههههههههههههههههههههههه
ردود حلوه
يسلموا يا ابو نشأت عالموضوع

بالنسبه الي
اولا مرتي بالبيت يعن اسمها ربة منزل

ثاني شي انا موظف واحيانا ببيت بالشغل يعني مش دايما فاضي

ثالثا شي الشغل بالبيت مش عيب حتى لو اجى صاحبي وعلق علي بصير اعلق معه
يعني احيانا بشطف بره البيت لانه البيت عالشارع وبنظري مش منيحه المره تشطف والناس رايحه جايه يعني العيب علي بصير

رابعا شغل البيت ما الي فيه نهائيا يعني يا دوب اروح عالمطبخ اشرب كاسة ميه ويمكن معدودات وخاصة بوجود الابناء

خامسا مثل ما حكت اختنا ام نشأت بنخرب ما بنعمر اذا بدنا انساعد بنصير ثقل ومرات بطرنا من المطبخ ههههه

ههههههههههه كابتن ...والله حكيك في وجهة نظر

صراحة ردودكم كلها معقولة ومقبولة كل واحد من حيث وجهة نظره
وفعلا احيانا واجب على الزوج انه يساعد واحيانا بكون شغله منتقد
بس مثل ما حكيت اخي نايف:الواحد بيرجع من شغله مو شايف قدامه
وما اله نفس يحكي كلمة مش لحتى يلاقي المدام مقسمة شغل البيت عليهم الاثنين..................

احنا الرجال لازم نطالب بالمساواة وهذا من حقنا

هههههههه

اوعك تطالب بالمساواة ....ليطلع عليك نص الشغل بالبيت
ههههههههههههههههههههههههههه

هههههههههههههههههههههههههههههههه
ابو نشات انسى الموضوع خيوه هيك ارحم النا
بكره بصير يوم عليك ولازم اتعطل عشان تشتغل يا بتستنى تا ترجع من الشغل وتشتغل دورك
يوم ليك ويوم عليك ههههههههههه

لازم يكون فيه تعاون مستمر