مسالخير يا بني أدمين .. :smoke:
بما إنكم شباب صايع ومنحرف والجيل اللي طالع وراكم أدشر وأنيل منكم .. وبنشوف الولد في الابتدائي بتم الحذفط الارجيله لأبوه وبقوله شد يا كبير الله ما يضرك :arjelh: وبعد شوي أبوه بناوله بربيش الارجيله وبقوله شد يا ابن الكلب ما انتو جيل هامل ,,, اشربها قدامي احسن ما تشربها من وراي
حبيت أدعمكم بدوري وأعلمكم كيف تتم الحذفطوا راس الارجيله :arjelh: بطريقة جديدة عشان يطلع الاشي من النوع القوي ويقضي ع الجيل الحالي والجيل اللي راح والأجيال الهامله اللي رح تيجي بإذن واحد أحد
ارمي السيـGــارة ولا منك اله ... وشغلي هالمخ المكربج عشان تستوعب طريقة تجهيز المفاعل النووي عشان تعرف تضرب الارجيه :arjelh: ع المتم الحذفوط من يوم وطالع بدل ارجيلة أبو جميل اللي قطعت نفسنا
أول اشي محتاجين تفاحة خضرة تكون متوسطة الحجم ومحتاجين سكينة ومحفرة كوسا
بنقطع الجزء العلوي من التفاحة , يعني تقريبا ً تلت التفاحة أو اقل شوي
بعدين يا حبيب قلبي بتجيب محفرة الكوسا وبتفتح مكان للصاعق في نص التفاحة << اتأكد انه بنص التفاحة مش تضرب ضربة حولة تجيب أجل هالتفاحة
عاد المفروض انك تنتبه يا فصيح انه التفاحة من تحت تكون الفتحة فيها ع قد فتحة انبوبة الأرجيلة , عشان الاشي يلبس بالاشي بدون اي مشاكل وبدون ما يكون في تسريب في النفس عشان تعرف تشد بقلب ورب بدون أي تسريب في الخط يا معلم هلأ يا حبيب قلبي ونور عيني , بدنا نقوّر التفاحة من فوق شوي عشان نقدر نحط المعلوم فيها ..
وبنجيب نكشات سنان بنغزززز نكشات الاسنان بنص التفاحة , او اقرب للجزء العلوي شوي
بنغز النكشات باتجاهات مختلفة عشان نعمل شبكة بنص الفتحة اللي عملناها
وبعدين بتجيب المعلوم يبو الشباب وبتبدا تعمّر بالراس وتحط المعسل في الفتحة اللي عملتها بالتفاحة وتكونش بخيل راسك بتستاهل تصرف عليها كتير
حط معسل كتير , بس بدون ما تدمك , خلي المعسل مرتاح وفيه نفس ومش مضغوط فوق بعض ع أقل من مهلك يا حبيبي , بدنا الراس تطلع مكلفّة ع صحابها بعدين بتجيب ورق القصدير وبتغلف الاشي بشكل مرتب ومحكم عشان ما يصير اي تسريب في التفاعلات النووية وكمان تبخلش القصدير وبعدين بتجيب نكاشة سنان وبتعمل خروق بلقصدير عشان يكون المعسل اله مدخل وخرج بالهوا ويعطيك المفعول الأكيد وتعمّر هالطاسة وع أقل من مهلك يا روح روحي تأكد انه وزعت الخروق بشكل مناسب ع جميع المناطق عشان الشد يكون متوازن بالأرجيلة وبعد هيك ركّب التفاحة عالأرجيلة يا عيني ..
طبعا بفترة تحضير راس الارجيله انت بتكون حاطط بربيش الارجيله بالفريزر عشان يبرد ويتلج ويعطيك هوا بارد وانت بتشد ع الارجيلة
من المعروف انه بتزيد من ضرر الارجيله بس ايش نعمل .. اذا خربت لحقها ع رجلك يا صاحبي وبعد ما تنتهي من كل الخطوات اللي فوق , بتولع شوية فحم وبتستعد للقاء القمة واستمتع بطعم التفاح على أصوله , من المعسل ومن التفاحة اللي رح تضيف طعم كتير لزيز وقوي ع النفس بدل طعم الفخار او الحديد
وتاخدهاش مقاولة , مد البربيش ع الشباب اللي بالقعدة عشان الناس تحبك
موضوع: اتعلم احلى ارجيله بلتفاح 
11/2/2010, 02:14
