نتبه لا تشرب العصير من يد العروسة ليلة الملكة .

انتبه لا تشرب العصير من يد العروسة ليلة الملكة ...

كمان هادي نصيحة اقدمها لاولادي العناقيد الكرام اللي لسا ما تزوجوا ينتبهوا منها كويس

لما تشوف البنت والبنت تشوفك وتتفقوا على الخطوبه او الملكه ركز على شي واحد انت وهيا ..

فيه من اقاربك كتير ومن اقاربها كمان انتو مو عارفين نفسياتهم تجاهكم وايش الاشياء اللي يضمروها لكم

وقصص وحكايات كتير راح ضحيتها شباب زي الورد كان بطلها اقاربهم بحسدهم وغلهم وقهرهم

المفيد يا سادة انكم تتجنبو ا تاخذو شي من يد اي احد بالذات الشرب لا تشرب من يد احد انت مو واثق تمااام الثقه فيه في ليلة زي هادي او خذه وحطه بعيد عشان الاحراج والبنت نفس الحكاية

كمان البنت والولد لو كان الفرح او الملكه او حتى الخطوبه لازم تحاولوا تبعدو عن اي مويه مكبوبه على الارض ما تمشوا عليها وتبتعدوا عنها او تخلوا اي احد من اقاربكم يزيحها

وبرضه الهدايا اقبلوها عادي لكن لا تفتحوها انتو بانفسكم البنت تاخذ الهدايا وتعطيها امها هي لما تروح البيت تفتحها بعيد عن البنت وتشوف ايش فيها عشان لو فيها حاجه كدا والا كدا تبطل ولا تنسى تقرا عليها المعوذات واية الكرسي ..

وكمان لا تخلي اي وحده تلبسها اي هديه والا حتى شال اذا جات تلبسها تاخذ الهديه باليد وتعطيها امها باي حجة

كمان الولد يتأكد ان الدبل ما خرجت من غرفته ولا اي وحده من قريباته شافتها الا بيد العروسة

نصائئح جيدة و الحذر واجب ايضا
اشكرك